ធ្លាក់ស មាន ២ សណ្ឋានផ្សេងគ្នា គឺការធ្លាក់សធម្មតាបែបធម្មជាតិ និងការធ្លាក់សមានជំងឺ។ លោកស្រីវេជ្ជបណ្ឌិត ពឹង ជុតិមា នាយិកាសេវាកម្ម គ្លីនិករ៉ាក់ នឹងពន្យល់លម្អិតអំពីសណ្ឋាននៃការធ្លាក់សខុសប្រកតី ដែលភាសាពេទ្យហៅថា ធ្លាក់សមានជំងឺ និងវិធីបង្ការ។
១- សណ្ឋាននៃការធ្លាក់សមានជំងឺ
ធ្លាក់សមានជំងឺ ខុសគ្នាពីការធ្លាក់សធម្មតា ដែលការធ្លាក់សនេះបណ្តាលមកពីកង្វះអនាម័យ បង្កដោយពពួកបាត់តេរី ផ្សិត ការឆ្លងជំងឺកាមរោគផ្សេងៗតាមរយៈការរួមភេទ ការប្រើថ្នាំផ្សះរយៈពេលយូរ ឬប្រើទឹកថ្នាំលាងសម្អាតទ្វារមាសដែលមានកម្រិត Hp ខ្ពស់ញឹកញាប់់។ យើងអាចសម្គាល់សណ្ឋាននៃការធ្លាក់សមានជំងឺ តាមរយៈចំណុចខាងក្រោមនេះ៖
– ធ្លាក់ស មានពណ៌លឿង ឬបៃតង សភាពដូចខ្ទុះ
– ធ្លាក់សច្រើន ពពុះ ឬកកដុំៗ ស្អិត
– មានធំក្លិនស្អុយ ឬឆ្អាប
– ធ្លាក់ស មានរមាស់
– ទ្វារមាសឡើងក្តៅ ឬហើម។
២- ផលប៉ះពាល់នៃការធ្លាក់សមានជំងឺ
ស្រីៗគ្នាយើងដែលសញ្ញាធ្លាក់សខុសប្រក្រតីទាំងប៉ុន្មានខាងលើនេះ ត្រូវទៅជួបគ្រូពេទ្យដើម្បីព្យាបាល ការបណ្តែតបណ្តោយ ទុកយូរអាចឲ្យរលាកអាងត្រគាក មានខ្ទុះ ឈានទៅរលាកដៃស្បូន។
អត្ថបទពាក់ព័ន្ធ៖
- ធ្លាក់សកើតញឹក ស្រីៗគ្នាយើងកុំចេះតែបណ្តោយ អាចឈានទៅរលាកដៃស្បូន
- ធ្លាក់សធ្ងន់ធ្ងរពេលពពោះ ប៉ះពាល់កូនអត់?
៣- វិធីបង្ការធ្លាក់សមានជំងឺ
– អនាម័យខ្លួនប្រាណ-ទ្វារមាស ដោយលាងសម្អាតជាមួយសាប៊ូស្រាលៗ និងទឹកក្ដៅឧណ្ហៗ
– លាងសម្អាតប្រដាប់ភេទពីមុខទៅក្រោយ រាល់ពេលបន្ទោរបង់ ឬរួមភេទ
– មិនត្រូវលូកលាងទ្វារមាសជាមួយនឹងទឹកថ្នាំផ្តេសផ្តាស
– ចៀសវាងប្រើគ្រឿងសម្អាងមានក្លិន ឬម្សៅជូតសម្អាតទ្វារមាស
– ចៀសវាងការមានដៃគូច្រើន
– មិនត្រូវស្លៀកខោរឹបខ្លាំងពេក
– ត្រូវស្លៀកខោទ្រនាប់ផលិតពីកប្បាស
– ត្រូវផ្លាស់ប្តូរខោក្នុងរាល់ថ្ងៃ និងបោកគក់ ហាលឲ្យត្រូវពន្លឺថ្ងៃ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
