មិនថាបុរស ឬស្ត្រីនោះទេ មានចំណង់ផ្លូវភេទដូចៗគ្នា ហើយអាយុកាន់តែច្រើន នោះចំណង់លើគ្រែក៏ធ្លាក់ចុះទៅតាមនោះដែរ។ តែទោះជាយើងមិនចាស់ក៏ដោយ បើមានជំងឺមួយចំនួនខាងក្រោមនេះប្រចាំកាយ ក៏ធ្វើឲ្យចំណង់ផ្លូវភេទធ្លាក់ចុះដែរ នេះបើតាមការលើកឡើងរបស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្ម គ្លីនិករ៉ាក់។

ជំងឺប្រចាំកាយដែលធ្វើឲ្យចំណង់ផ្លូវភេទបុរស និងស្ត្រីធ្លាក់ចុះ រួមមាន ជំងឺមហារីក ទឹកនោមផ្អែម លើសឈាម ក្រពះ គេងមិនលក់ ហើយការប្រើប្រាស់ថ្នាំមួយចំនួនក៏ធ្វើឲ្យចំណង់ផ្លូវភេទធ្លាក់ចុះដែរ។

ក្រៅពីកត្តាអាយុ និងកត្តាសុខភាពទាំងប៉ុន្មានខាងលើនេះ ក៏មានកត្តាចិត្តសាស្ត្រមួយទៀតដែលធ្វើឲ្យយើងលែងសូវខ្វល់ខ្វាយរឿងលើគ្រែ។ លោកស្រីវេជ្ជបណ្ឌិតថា កត្តាចិត្តសាស្ត្រទាំងនោះរួមមានបញ្ហាផ្លូវចិត្ត ដូចជាតានតឹងអារម្មណ៍ បាក់ទឹកចិត្ត និងជំងឺផ្លូវចិត្តមួយចំនួនទៀត មានសម្ពាធការងារ វិបត្តិគ្រួសារ សេដ្ឋកិច្ច សង្គមជាដើម ក៏ជាមូលហេតុធ្វើឲ្យចំណង់ផ្លូវភេទថយចុះដូចគ្នា។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ទាំងស្រីទាំងប្រុស បើមានជំងឺទាំងនេះប្រចាំកាយ ចំណង់ផ្លូវភេទធ្លាក់ចុះស្ទើរទាំងស្រុង