គួរប្រើទឹកខ្ពុរមាត់អត់? បើប្រើមានប្រយោជន៍អីខ្លះ?

គ្នាយើងខ្លះ ចង់សម្អាតធ្មេញជាប្រចាំ ក្រៅពីដុសធ្មេញ ប្រើអំបោះទាក់ចន្លោះធ្មេញ អត់ទាន់គ្រប់គ្រាន់ទេ ទាល់តែប្រើទឹកខ្ពុរមាត់ទៀត ទើបគ្រប់ ព្រោះចង់បានក្លិនមាត់ក្រអូប។

ការពិតទៅ ទឹកខ្ពុលមាត់មិនត្រឹមតែជួយកែប្រែក្លិនមាត់ទេ ថែមទាំងផ្ដល់ផលល្អសម្រាប់សុខភាពមាត់ធ្មេញទៀត។ មិនជឿ ស្ដាប់ “Hello គ្រូពេទ្យ” បកស្រាយ៖

១- #ទឹកខ្ពុរមាត់ល្អម៉េចខ្លះ?

– កាត់បន្ថយរោគពុកធ្មេញ៖ ទឹកខ្ពុរមាត់ដែលមានសារធាតុ ភ្លុយអរ អាចជួយបង្ការរោគពុកធ្មេញ និងជ្រាបចូលទៅពង្រឹងកាចាធ្មេញ (ស្រទាប់ក្រៅបង្អស់នៃធ្មេញ) ដែលរងការខូចខាតដោយរោគពុកធ្មេញ។

– បង្ការជំងឺអញ្ចាញធ្មេញ៖ វាអាចខូចខាត ដែលបង្កដោយកំបោរដែលជាប់នៅចន្លោះអញ្ចាញធ្មេញ ដូច្នេះគួរប្រើទឹកខ្ពុរមាត់ដែលមានសារធាតុ អាល់កុល ឬ chlorhexidine សម្រាប់សម្លាប់បាក់តេរី និងបង្ការរាក់ស៊ីធ្មេញ។

– ក្លិនមាត់ស្រស់ថ្លា៖ ទឹកខ្ពុរមាត់អាចកាត់បន្ថយក្លិនមិនល្អ បណ្ដោះអាសន្នបាន។ សម្រាប់រសជាតិជីរអង្កាមវិញ ពេញនិយមណាស់ ព្រោះអាចសម្លាប់បាក់តេរីដែលបង្កជាក្លិនមិនល្អបាន។

២- #គួរប្រើគ្រឿងជំនួយអត់?

គ្នាយើងភាគច្រើនតែងដុសធ្មេញសិន បន្ទាប់មកប្រើអំបោះទាក់ធ្មេញ រួចខ្ពុរមាត់ ដើម្បីឲ្យមានក្លិនមាត់ក្រអូប។ គួរអានការណែនាំលើដបសិន មុននឹងប្រើ។

៣- #ក្មេងៗគួរប្រើទឹកខ្ពុរមាត់អត់?

អាយុក្រោម ៦ឆ្នាំ ឬក្មេងជាងនេះ កុំប្រើ។ ជាពិសេសទឹកខ្ពុរមាត់ដែលមានសារធាតុ ភ្លុយអរ ព្រោះអូនៗច្រើនតែលេបចូលក្នុងពោះ។ ហេតុនេះ ប៉ាម៉ាក់ត្រូវមើលសញ្ញាសម្គាល់ ព្រមទាំងការកំណត់អាយុនៅលើដបផង។

៤- #រើសទឹកខ្ពុរមាត់របៀបម៉េច?

ជ្រើសរើសទឹកខ្ពុរមាត់តាមស្តង់ដារ ដែលមានបោះត្រា ADA ដែលសម្គាល់ថា វាមានប្រសិទ្ធភាព ព្រមទាំងសុវត្ថិភាព។ ពេទ្យធ្មេញជាច្រើនបានណែនាំឲ្យប្រើទឹកខ្ពុរមាត់ ដែលគ្មានសារធាតុអាល់កុល ព្រោះវាអាចធ្វើឲ្យស្ងួតមាត់ និងមានក្លិនមាត់មិនល្អ បើអ្នកញុំាទឹកមិនគ្រប់គ្រាន់។

ត្រូវគិតឲ្យច្បាស់ មុនសម្រេចចិត្តទិញថ្នាំដុសធ្មេញ និងទឹកខ្ពុរមាត់ ព្រោះផលិតផលទាំងនេះមានបែងចែកសម្រាប់អ្នកមានក្លិនមាត់មិនល្អ និងរោគពុកធ្មេញផងដែរ។ រើសទឹកខ្ពុរមាត់បានត្រឹមត្រូវ អាចជួយសុខភាពមាត់ធ្មេញឲ្យល្អបាន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕

អ្នកភេទអ្វីដែរ?

ប្រុស

ស្រី

អ្នកអាយុប៉ុន្មានហើយ?

ឆ្នាំ

អ្នកកម្ពស់ប៉ុន្មាន?

អ្នកគីឡូប៉ុន្មាន?

តើលោកអ្នកចង់ដឹងពីវិធីព្យាបាលការសម្រកទម្ងន់ដែរ ឬទេ?

បាទ/ចាស

ទេ

តើអ្នកធ្លាប់ដឹងពីវិធីព្យាបាល GIP និង GLP-1 ទេ?

* នេះជាការព្យាបាលថ្មីដែលមានប្រសិទ្ធភាពក្នុងការជួយសម្រកទម្ងន់ និងព្យាបាលជំងឺទឹកនោមផ្អែមប្រភេទ២។

បាទ/ចាស

ទេ

រក្សាការតាមដាន និងសម្រកទម្ងន់៖ ទទួលបានព័ត៌មានថ្មីពីគ្រូពេទ្យជំនាញ លើការព្យាបាលការសម្រកទម្ងន់ និងការផ្តល់ជំនួយដោយផ្ទាល់ក្នុងប្រអប់សាររបស់អ្នក។

បដិសេធ

Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

To Mouthwash or Not to Mouthwash? – http://www.everydayhealth.com/dental-health/to-mouthwash-or-not-to-mouthwash.aspx Assessed January 8, 2017

Learn More About Mouthwash – http://www.ada.org/en/science-research/ada-seal-of-acceptance/product-category-information/mouthrinses Assessed January 8, 2017

កំណែប្រែបច្ចុប្បន្ន

27/11/2019

អត្ថបទដោយ យ៉ានណែត នីគែល

ត្រួតពិនិត្យដោយ វេជ្ជ. ចាន់ ស៊ីណេត

បច្ចុប្បន្នភាពដោយ៖ Ficheroulle Anne-Charlotte

អត្ថបទពាក់ព័ន្ធ

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ យ៉ានណែត នីគែល · កែ 27/11/2019

គួរប្រើ​ទឹកខ្ពុរមាត់​អត់? បើ​ប្រើ​មាន​ប្រយោជន៍​អី​ខ្លះ?

គណនា BMI

មូលហេតុមួយចំនួនអាចបណ្ដាលឲ្យធ្មេញប្រែជាពណ៌លឿង

ដឹងអត់ថា អ្នកដាក់ប្រេសពត់ធ្មេញ ប្រឈមនឹងបញ្ហាអ្វីខ្លះ?

គួរប្រើទឹកខ្ពុរមាត់អត់? បើប្រើមានប្រយោជន៍អីខ្លះ?