និយមន័យ

១- អ្វីទៅជាបញ្ហាធ្មេញដុះមិនត្រង់ជួរ?

នៅពេលមានបម្រែបម្រួលការវិវត្តនៃជួរធ្មេញ គេហៅថាធ្មេញដុះមិនត្រូវជួរ។ គ្រប់ការដុះវៀច បង្កឲ្យមានបញ្ហាមិនខាន ព្រោះតែទម្រង់ល្អធ្មេញខាងលើ ជួយការពារកុំឲ្យខាំសាច់ថ្ពាល់ និងបបូរមាត់ ចំណែកទម្រង់ល្អផ្នែកខាងក្រោម ការពារកុំឲ្យខាំអណ្ដាត។

២- បញ្ហាធ្មេញដុះមិនត្រង់ជួរកើតឡើងញឹកញាប់ដែរទេ?

បញ្ហាដុះធ្មេញមិនត្រង់ជួរបែបនេះ ឧស្សាហ៍ជួបប្រទះណាស់ ដូចនេះបើមានចម្ងល់សូមទាក់ទងទៅទន្តពេទ្យ។

រោគសញ្ញា

៣- បញ្ហាធ្មេញដុះមិនត្រង់ជួរមានរោគសញ្ញាអីខ្លះ?

– ទម្រង់ធ្មេញមិនប្រក្រតី

– មុខមាត់ពយខុសធម្មតា

– ពិបាកខាំ និងទំពាអាហារ

– ពិបាកនិយាយ (ករណីកម្រ)

– ដកដង្ហើមតាមមាត់

– មិនអាចទំពាអាហារបានល្អ (មាត់បើកចំហ)

៤- ពេលណាគួរជួបពេទ្យ?

បើសិនប្រទះឃើញរោគសញ្ញាមួយចំនួនដូចរៀបរាប់ខាងលើ គួរប្រញាប់ទៅជួបគ្រូពេទ្យ។ រាងកាយមនុស្សម្នាក់ៗមានលក្ខណៈខុសៗគ្នា អ្វីល្អបំផុតត្រូវជួបគ្រូពេទ្យដើម្បីប្រឹក្សា និងពិនិត្យឲ្យបានទាន់ពេល។

មូលហេតុបង្ក

៥- ធ្មេញដុះមិនត្រង់ជួរបណ្ដាលមកពីមូលហេតុអីខ្លះ?

ភាគច្រើន កត្តាតំណពូជ មានន័យថាប៉ាម៉ាក់យើង មានធ្មេញមិនត្រង់ជួរ ពេលមានកូន ក៏អាចមានវិបត្តិនេះដូចគ្នា។ ហើយមានកត្តាផ្សេងទៀត បង្កឲ្យមានការដុះធ្មេញមិនត្រូវទម្រង់ធម្មជាតិ មានដូចជា៖

– មានបញ្ហាឆែបមាត់ ឆែបក្រអូម

– នៅប្រើប្រាស់ក្បាលដោះ បន្ទាប់ពីអាយុបាន ៣ឆ្នាំ

– បៅទឹកដោះគោយូរពេក

– ក្មេងចូលចិត្តជញ្ជក់មេដៃ

– ប៉ះទង្គិចដោយប្រការណាមួយ

– មានដុំមហារីកក្នុងមាត់

– មានធ្មេញដុះមក មានរូបរាងមិនប្រក្រតី

– ថែទាំសុខភាពមាត់ធ្មេញមិនបានល្អ

– ស្ទះផ្លូវដង្ហើម ភាគច្រើនមកពីអាលែកហ្ស៊ី ឬដុះសាច់បំពង់ក។

កត្តាប្រឈម

៦- កត្តាប្រឈមមានអ្វីខ្លះ?

កត្តាប្រឈមនាំឲ្យក្មេងមានធ្មេញដុះមិនត្រង់ជួរ៖

– កត្តារូបរាង ដូចជា ធ្មេញដុះខ្វះ មិនមានការលូតលាស់ធ្មេញ និងវិបត្តិលំនឹងសាច់ដុំ

– កត្តាឥរិយាបថ ដូចជា ចូលចិត្តជញ្ជក់ម្រាមដៃ

– ការប៉ះទង្គិច និងជំងឺផ្សេងៗ

– កត្តាបរិយាកាស និងសង្គម ដូចជា ទទួលរងនូវអំពើហិង្សា និងការធ្វេសប្រហែសគ្មានការមើលថែជាដើម។

អត្ថបទពាក់ព័ន្ធ៖

រោគវិនិច្ឆ័យ និងការព្យាបាល

ព័ត៌មាននេះមិនអាចយកទៅប្រើប្រាស់គ្រប់ប្រភេទជំងឺទេ។ គួរពិភាក្សាជាមួយគ្រូពេទ្យជំនាញសម្រាប់ព័ត៌មានបន្ថែម។

៧- គួរធ្វើរោគវិនិច្ឆ័យដោយវិធីណា?

ការធ្វើរោគវិនិច្ឆ័យ ពេទ្យនឹងពិនិត្យទម្រង់ធ្មេញ ដោយថតកាំរស្មីអ៊ិច។ ក្នុងករណីមានការដុះវៀច ឬមិនត្រង់ជួរ ពេទ្យនឹងបែងចែកជា ៣ប្រភេទ ដូចជា៖

– ប្រភេទទី ១៖ ធ្មេញខាងលើគ្របធ្មេញខាងក្រោម ប៉ុន្តែការខាំទំពា អាចធ្វើបានដូចធម្មតា ដោយសារតែធ្មេញវៀចតិចតួចប៉ុណ្ណោះ ហើយបញ្ហាធ្មេញដុះមិនត្រង់ជួរប្រភេទនេះ ជួបប្រទះញឹកញាប់ជាងគេ។

– ប្រភេទទី ២៖ ទម្រង់ធ្មេញដែលវៀច នឹងការខាំបបូរមាត់លើធ្ងន់ធ្ងរ គេឲ្យឈ្មោះថា Retrognathism មានន័យថាធ្មេញផ្នែកខាងលើជ្រុលទៅមុខខ្លាំង។

– ប្រភេទទី ៣៖ បញ្ហាដែលស្ថិតក្នុងក្រុមនេះ នឹងបណ្តាលឲ្យខាំបបូរមាត់ក្រោមធ្ងន់ធ្ងរ គេឲ្យឈ្មោះថា Prognathism មានន័យថា ធ្មេញផ្នែកខាងក្រោមជ្រុលទៅមុខខ្លាំង គ្របធ្មេញផ្នែកខាងលើ។

៨- ព្យាបាលដោយវិធីណា?

មានមនុស្សតិចណាស់មានធ្មេញដុះមកត្រង់ល្អ មិនវៀច ខណៈមួយចំនួនមានធ្មេញវៀចតិចតូច ក៏មិនបង្កបញ្ហាធ្ងន់ធ្ងរដល់ថ្នាក់ទាមទារការព្យាបាលដែរ។ ប៉ុន្តែនៅពេលវៀចខ្លាំង ត្រូវទទួលការព្យាបាលកែលម្អទម្រង់ធ្មេញឡើងវិញដោយសារតែមានប្រយោជន៍ធ្វើឲ្យ៖

– ងាយសម្អាត និងបន្ថយហានិភ័យបង្កជំងឺ ដូចជា រលាកអញ្ចាញធ្មេញ ជាដើម។

– សម្អាតសំអេក (អាចម៍ធ្មេញ) ដែលជាប់ធ្មេញ ថ្គាម និងសាច់ដុំ ហើយមួយវិញទៀត ក៏អាចជួយបន្ថយការភ្លាត់សន្លាក់ឆ្អឹងថ្គាមផងដែរ។

ការកែលម្អធ្មេញរួមមាន៖

ការពត់ធ្មេញដោយប្រើដែក សេរ៉ាមិច រួមជាមួយកៅស៊ូ ដើម្បីរឹតនៅលើផ្ទៃធ្មេញ។ គ្នាយើងខ្លះទៀត ក៏អាចពត់ធ្មេញដោយមិនចាំបាច់ត្រូវការដែកលួសរឹតក៏មាន។
ការដកធ្មេញមួយ ឬច្រើនប្រសិនបើចង្អៀតពេក។
ព្យាបាលធ្មេញមិនប្រក្រតី ដូចជា តម្រឹម ប៉ះធ្មេញ ឬស្រោបជាដើម។
ការវះកាត់ដើម្បីតម្រឹមធ្មេញ និងកាត់ឆ្អឹងថ្គាម ធ្វើឡើងដោយកម្រ ហើយដាក់បន្ទះដែក និងខ្ចៅត្រូវធ្វើឡើងដើម្បីទប់លំនឹងឆ្អឹងថ្គាមឲ្យបានល្អ។

ផ្លាស់ប្តូរទម្លាប់រស់នៅ

៩- ទម្លាប់រស់នៅ

ទម្លាប់រស់នៅប្រចាំថ្ងៃ អាចដោះស្រាយបញ្ហាធ្មេញដុះមិនត្រង់ជួរបាន ដោយអាចអនុវត្តវិធីងាយៗដូចជា៖

– ដុសធ្មេញឲ្យបានទៀងទាត់រៀងរាល់ថ្ងៃ

– ពិនិត្យសុខភាពមាត់ធ្មេញជាប្រចាំ

– សម្អាតកម្ទេចកំទី ដោយប្រើអំបោះទាក់ធ្មេញឲ្យបានស្អាត ព្រោះអាចធ្វើឲ្យដង្កូវស៊ីធ្មេញ ប្រសិនបើសម្អាតមិនស្អាត

– ដែកពាក់ក្រោយពត់ធ្មេញ ដើម្បីរក្សាលំនឹងទម្រង់ធ្មេញ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Malocclusion of the Teeth (ធ្មេញ​ដុះមិន​ត្រង់​ជួរ)

និយមន័យ

រោគសញ្ញា

មូលហេតុបង្ក

កត្តា​ប្រឈម

រោគវិនិច្ឆ័យ ​និង​ការ​ព្យាបាល

ផ្លាស់​ប្តូរទម្លាប់រស់នៅ

Malocclusion of the Teeth (ធ្មេញដុះមិនត្រង់ជួរ)

កត្តាប្រឈម

រោគវិនិច្ឆ័យ និងការព្យាបាល

ផ្លាស់ប្តូរទម្លាប់រស់នៅ