ដើម្បីលើកសម្រស់ឲ្យបានមួយកម្រិតទៀត យុវវ័យសម័យនេះបានជ្រើសរើសការពត់ធ្មេញ តធ្មេញទន្សាយ ខាំពុម្ពធ្មេញ ជាពិសេសការបិទធ្មេញឲ្យសទើបស្អាតបានទាន់ចិត្ត ព្រោះពេលធ្មេញសញញឹមទៅមានភាពទាក់ទាញ និងស្រស់ស្អាត។ តែវិធីចុងក្រោយនេះ ធ្វើទៅគ្រោះថ្នាក់ចំពោះមាត់ធ្មេញខ្លាំងមែនទែន ព្រោះត្រូវឆាប ដើម្បីយកវើនៀ (Dental Veneer) ដែលជាបន្ទះស្ដើងមកបិទផ្ទាល់ជាប់ទៅនឹងផ្ទៃខាងមុខធ្មេញធម្មជាតិ។ នេះជាការលើកឡើងរបស់វេជ្ជបណ្ឌិត សាន ដាណេត នៅគ្លីនិកធ្មេញប៊ូទិក ប្រាប់មកកាន់ Helloគ្រូពេទ្យ។
ធ្មេញលឿងៗកុំចង់ទៅបិទឲ្យសអី ប្រយ័ត្នខាតលើសដើម
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពេទ្យធ្មេញរូបនេះបានបញ្ជាក់ថា ការធ្វើធ្មេញឲ្យសមាន ២ វិធី តែការខាំពុម្ពធ្មេញមិនបង្កគ្រោះថ្នាក់ឡើយ គ្រាន់តែស្រៀវពេលប្រើថ្នាំខាំពុម្ពមួយភ្លែតប៉ុណ្ណោះ។ ករណីទីមួយ៖ “ការប្រើប្រាស់ថ្នាំ ដើម្បីដាក់ខាំពុម្ពឲ្យស វាមិនប៉ះពាល់ដល់សុខភាពធ្មេញទេ គ្រាន់តែអាចស្រៀវបន្តិចបន្តួចតែប៉ុណ្ណោះ’។
ចំពោះករណីទីពីរវិញ ទន្តបណ្ឌិតរូបនេះបានលើកឡើងថា ដោយសារការបិទវើនៀត្រូវការឆាបធ្មេញ ដើម្បីឲ្យមើលទៅសម និងស្អាត ដូចនេះរចនាសម្ព័ន្ធធ្មេញត្រូវបានឆាបចេញខ្លះ ហើយវាក៏ប្រឈមមុខនឹងការបាក់បែកផងដែរ ហើយសម្រាប់ចំពោះអ្នកដែលគិតពីគុណភាពជីវិត មិនផ្ដោតលើសម្រស់តែម្យ៉ាង គាត់នឹងមិនជ្រើសរើសជម្រើសនេះឡើយ។
ការបិទវើនៀនេះទៀតសោតមានច្រើនជម្រើសមានទាំងគុណភាពអន់ មធ្យម រហូតដល់តម្លៃថ្លៃជាងគេ តែទោះជាផលិតផលគុណភាពខ្ពស់ជាងគេ ក៏នៅតែមានគុណវិបត្តិដែរ។ ក្រៅពីអាចធ្វើឲ្យធ្មេញបែកបាក់ វានៅបង្កផលលំបាកជាច្រើនទៀតចំពោះសុខភាពមាត់ធ្មេញ ដូចជា ហើបជើងធ្មេញ ហើមអញ្ចាញ ឆ្លងមេរោគ និងការឈឺចាប់ធ្មេញនៅពេលក្រោយជាដើម។ ដូចនេះ ប្រសិនបើគិតពីសុខភាពជាចម្បង គ្នាយើងដែលមានបំណងជ្រើសយកវិធីនេះ គួរតែគិត និងពិគ្រោះជាមួយគ្រូពេទ្យជំនាញជាមុនសិន។
អត្ថបទពាក់ព័ន្ធ៖ ជំងឺមាត់ធ្មេញ ២ ប្រភេទគួរឲ្យបារម្ភបំផុត បើមានឆាប់ទៅព្យាបាលឲ្យលឿន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម