គ្នាយើងច្បាស់ជាបានដឹងរួចមកហើយពីគុណប្រយោជន៍ល្អៗនៃការញ៉ាំទឹកដូង។ ប៉ុន្តែ តើយើងអាចញ៉ាំភេសជ្ជៈសុខភាពមួយប្រភេទនេះ អំឡុងពេលមករដូវបានអត់? ហើយវាផ្តល់អត្ថប្រយោជន៍អ្វីខ្លះ?
មាតិកា
អំឡុងពេលមករដូវ ស្រីៗអាចញ៉ាំទឹកដូងបានអត់?
ហេតុផល៣យ៉ាង ស្រីៗគួរញ៉ាំទឹកដូង
១. កាត់បន្ថយការឈឺចាប់ពេលមករដូវ
ពិតណាស់ ទឹកដូងអាចជួយរដូវមកលឿន ដែលស័ក្តិសមសម្រាប់ស្រីៗយើងដែលមករដូវមិនទៀងទាត់។ ក្រៅពីនេះ ទឹកដូងក៏អាចជួយកាត់បន្ថយការឈឺចាប់ពេលមករដូវ ព្រមទាំងកម្ចាត់បញ្ហាកំណកឈាម ដោយសារតែភេសជ្ជៈមួយនេះ សម្បូរទៅដោយវីតាមីន និងសារធាតុរ៉ែសំខាន់ៗ។
២. ដោះស្រាយបញ្ហារាំងរដូវ
យោងតាមអ្នកជំនាញមួយចំនួនបានឲ្យដឹងថា ជាមួយនឹងសារធាតុចិញ្ចឹមជាច្រើននៅក្នុងភេសជ្ជៈមួយនេះ ដែលរួមមានវីតាមីន ម៉ាញេស្យូម ប៉ូតាស្យូម កាល់ស្យូម ម៉ង់កាណែស និងសារធាតុប្រឆាំងនឹងអុកស៊ីតកម្ម ធ្វើឲ្យទឹកដូងមានសមត្ថភាពក្នុងការបង្កើតគ្រាប់ឈាមបានយ៉ាងអស្ចារ្យ។ ពេលខ្លះ នៅពេលដែលមករដូវច្រើនជ្រុល គ្នាយើងអាចប្រឈមនឹងការរាំងរដូវ ហេតុនេះហើយ ទើបអ្នកជំនាញណែនាំឲ្យញ៉ាំទឹកដូង ដើម្បីកាត់បន្ថយរោគសញ្ញា។
៣. ជួយឲ្យមករដូវរលូន
ស្រីៗយើងតែងជួបប្រទះបញ្ហាផ្សេងៗគ្នា អំឡុងពេលនៃវដ្ដរដូវ។ ប៉ុន្តែ ទឹកដូងអាចធានាឲ្យយើងមករដូវដោយរលូន និងមិនឈឺចាប់។ ជាងនេះទៅទៀត ទឹកដូងក៏សម្បូរទៅដោយសារធាតុអេឡិចត្រូលីត ដែលអាចជួយរក្សាជាតិទឹក រក្សាថាមពលរាងកាយ ក៏ដូចជាជួយជំរុញលំហូរឈាមអំឡុងពេលមករដូវថែមទៀតផង។
អត្ថប្រយោជន៍ដទៃទៀតនៃទឹកដូង
ទឹកដូងក៏មានសមាសធាតុ ដែលជួយបន្សុទ្ធរាងកាយ ជួយឲ្យត្រជាក់ថ្លើម កាត់បន្ថយការរលាក ព្រមទាំងការពាររាងកាយពីការឆ្លងមេរោគផ្សេងៗ។ មិនតែប៉ុណ្ណោះ ទឹកដូងក៏អាចជួយការពារក្រួសតម្រងនោម ជួយទ្រទ្រង់ប្រព័ន្ធភាពស៊ាំ និងផ្តល់អត្ថប្រយោជន៍ដ៏លើសលប់ដល់ស្បែក និងសក់។ ប្រសិនបើញ៉ាំទឹកដូងជាទៀងទាត់ នោះស្បែករបស់យើងមិនងាយរងភាពចាស់នោះឡើយ ពីព្រោះភេសជ្ជៈមួយនេះ អាចជួយការពារស្បែកពីស្នាមជ្រីវជ្រួញ និងស្នាមអុជខ្មៅនៃស្បែក។ ចំណែកអ្នកដែលចង់ស្រកទម្ងន់ ឬរក្សាទម្ងន់រាងកាយ ក៏មិនគួរមើលរំលងទឹកដូងឡើយ។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
The Health Benefits of Coconut Water
https://health.clevelandclinic.org/the-health-benefits-of-coconut-water/
11 Benefits of Coconut Water You Didn’t Know About
https://www.lifehack.org/articles/lifestyle/8-benefits-coconut-water-you-didnt-know-about.html
3 Healthy Foods to Eat (and 3 to Avoid) in 2022
https://www.amitahealth.org/blog-articles/fitness-and-nutrition/3-healthy-foods-to-eat-and-3-to-avoid
Is Coconut Water Bad For Menstruation?, https://www.peacexpeace.org/is-coconut-water-bad-for-menstruation/
កំណែប្រែបច្ចុប្បន្ន
22/02/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម