អំឡុងពេលមករដូវ ស្រីៗយើងភាគច្រើន អាចងាយប្រឈមនឹងបញ្ហាមួយចំនួនដូចជា ហើមពោះ ឬចុកពោះជាដើម។ យ៉ាងណាមិញ ប្រសិនបើយើងមានទម្លាប់ខុសឆ្គងអំឡុងពេលមករដូវ នោះនឹងអាចបង្កឲ្យមានការឈឺចាប់កាន់តែខ្លាំងទ្វេដង។ តើទម្លាប់ខុសឆ្គងអ្វីខ្លះ ដែលយើងមិនគួរធ្វើនៅអំឡុងពេលមករដូវ?
កំហុសឆ្គងទាំង៥ ធ្វើឲ្យស្រីៗឈឺចាប់ពេលមករដូវកាន់តែខ្លាំង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ញ៉ាំតែ ឬកាហ្វេច្រើន
ការញ៉ាំតែ ឬកាហ្វេច្រើនជ្រុល ដើម្បីកាត់បន្ថយអាការៈឈឺចាប់អំឡុងពេលមករដូវ មិនមែនជារឿងល្អឡើយ។ ក្រៅពីជំរុញស្រ្តេស ឡើងសម្ពាធឈាម និងចង្វាក់បេះដូង ការផឹកភេសជ្ជៈទាំងនេះ អាចធ្វើឲ្យយើងមានអារម្មណ៍អស់កម្លាំងពេញមួយថ្ងៃ។ ជំនួសមកវិញ ស្រីៗយើងគួរញ៉ាំពពួកតែសរីរាង្គ ឬទឹកផ្លែឈើ ទើបជាការប្រសើរ។
២. តមអាហាររយៈពេលយូរ
អំឡុងពេលមករដូវ ការធ្លាក់ឈាមច្រើនជ្រុល អាចបណ្តាលឲ្យរាងកាយយើងចុះខ្សោយ ដូច្នេះហើយ ទើបយើងមិនគួរតមអាហារអំឡុងពេលនេះឡើយ។ បន្ថែមពីនេះ យើងចាំបាច់ត្រូវបញ្ចូលអាហារសម្បូរទៅដោយសារជាតិចិញ្ចឹមល្អៗ រួមមានវីតាមីន ជាតិរ៉ែ និងកាល់ស្យូម ដែលមាននៅក្នុងបន្លែ ផ្លែឈើស្រស់ និងទឹកដោះគោ។
៣. ប្រើសំឡីអនាម័យយូរម៉ោង
ទន្ទឹមនឹងនេះដែរ ការប្រើសំឡីអនាម័យយូរម៉ោង អាចបង្កឲ្យមានអាការៈរមាស់ និងបាក់តេរីកើនឡើងនៅក្នុងទ្វារមាស។ ដើម្បីបញ្ចៀសបញ្ហានេះ គ្នាយើងគួរផ្លាស់ប្ដូរសំឡីអនាម័យនៅចន្លោះពេល៣ ឬ៤ម៉ោងម្តង។
៤. ញ៉ាំផលិតផលធ្វើពីទឹកដោះគោច្រើន
ការញ៉ាំផលិតផលធ្វើពីទឹកដោះគោច្រើនជ្រុល អាចបណ្តាលឲ្យមានបញ្ហាចាល់ទឹក និងបង្កើនហានិភ័យនៃបញ្ហាអាស៊ីដ ។ ដូច្នេះហើយ អំឡុងពេលមករដូវ យើងគួរញ៉ាំទឹកដោះគោដែលមានជាតិខ្លាញ់ទាប ដែលមិនបង្កជាអាការៈចុកពោះ។
៥. រួមភេទដោយមិនបានការពារ
ការរួមភេទអំឡុងពេលមករដូវ អាចបំបាត់អាការៈចុកពោះ ដោយការតែការឈានដល់ចំណុចកំពូល។ ប៉ុន្តែ ការរួមភេទអំឡុងពេលមករដូវ ក៏អាចបង្កើនហានិភ័យនៃការឆ្លងជំងឺកាមរោគដូចគ្នា ប្រសិនបើយើងមិនបានការពារ។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម