ជាទូទៅ ស្រីៗយើងអាចឈានចូលដល់វ័យអស់រដូវនៅចន្លោះអាយុពី៤៥ឆ្នាំ ទៅ៥៥ឆ្នាំ ហើយការអស់រដូវមុនវ័យ គឺនៅចន្លោះពីអាយុ៤០ ទៅ៤៥ឆ្នាំ។ យ៉ាងណាមិញ យោងតាមការសិក្សាថ្មីៗនេះបានបង្ហាញថា ចំនួនស្ត្រីដែលអស់រដូវមុនវ័យ ឬលឿនជាងធម្មាតា មានការកើនឡើងគួរឲ្យកត់សម្គាល់ ដោយកើនឡើងរហូតដល់៨% ឯណោះ។
មាតិកា
ស្រ្តីអស់រដូវលឿន អាចមានសញ្ញាទាំង ៩នេះ
មូលហេតុចំនួនដែលបណ្ដាលឲ្យស្ត្រីអស់រដូវមុនវ័យ
- ព្យាបាលជំងឺមហារីកដោយប្រើគីមី ឬវិទ្យុសកម្ម
- វះកាត់យកអូវែ ឬស្បូនចេញ
- មានប្រវត្តិគ្រួសារដែលអស់រដូវនៅវ័យក្មេង
- មករដូវដំបូងមុនអាយុ១១ឆ្នាំ
- ជំងឺប្រព័ន្ធភាពស៊ាំវាយប្រហារខ្លួនឯង
- ជក់បារី
- កើតជំងឺអេដស៍។
ចង់ពិនិត្យជំងឺមហារីកមាត់ស្បូន ចុចទីនេះ!
ឆាប់អស់រដូវ មានរោគសញ្ញាអ្វីខ្លះ?
យើងអាចចាប់ផ្ដើមមករដូវមិនទៀងទាត់រយៈពេលពីរបីឆ្នាំ មុនពេលអស់រដូវ។ ការមករដូវច្រើនជ្រុល ឬតិចជ្រុល ឬធ្លាក់ឈាមនៅចន្លោះពេលមករដូវ អាចជាសញ្ញាព្រមាននៃការអស់រដូវមុនវ័យ។ រោគសញ្ញាមួយចំនួន រួមមាន៖
- ស្បែកក្ដៅ
- បែកញើសពេលយប់
- ស្ងួតទ្វារមាស និងមិនមានអារម្មណ៍សុខស្រួលអំឡុងពេលរួមភេទ
- នោមញឹកញាប់
- ឆ្លងមេរោគលើផ្លូវទឹកនោមញឹកញាប់
- គេងមិនលក់
- ប្រែប្រួលអារម្មណ៍
- ស្ងួតស្បែក ភ្នែក និងមាត់
- ឈឺសន្លាក់ និងសាច់ដុំ។
យើងអាចកាត់បន្ថយហានិភ័យនៃការអស់រដូវមុនវ័យបានអត់?
មូលហេតុដែលបណ្ដាលឲ្យអស់រដូវមុនវ័យភាគច្រើន គឺមិនអាចគ្រប់គ្រងបានឡើយ។ ប៉ុន្តែ យើងអាចគ្រប់គ្រងកត្តាបែបបទរស់នៅ ដោយបញ្ឈប់ការជក់បារី។ ចំណែកមូលហេតុផ្សេងទៀត ដូចជាលក្ខខណ្ឌសុខភាព ការវះកាត់ ឬការព្យាបាលជំងឺមហារីកនេះ គឺសុទ្ធតែមិនអាចបញ្ចៀសបានឡើយ។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Perimenopause & Premature Menopause FAQS
https://www.menopause.org/for-women/expert-answers-to-frequently-asked-questions-about-menopause/perimenopause-premature-menopause-faqs
Menopause
https://www.mayoclinic.org/diseases-conditions/menopause/symptoms-causes/syc-20353397
Early menopause
https://www.thewomens.org.au/health-information/menopause-information/early-menopause
កំណែប្រែបច្ចុប្បន្ន
17/07/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម