ជួនកាល ការធ្លាក់ទឹករម្អិលពីទ្វារមាសអាចជាសញ្ញាបញ្ជាក់ពីបញ្ហាសុខភាពមួយចំនួន ដែលស្រីៗយើងតែងតែមើលរំលង។ ពិតណាស់ ទឹករម្អិលជាសារធាតុរាវដែលហូរចេញពីទ្វារមាស និងត្រូវបានផលិតឡើងដោយក្រពេញនៅជញ្ជាំងទ្វារមាស និងមាត់ស្បូន ដើម្បីរក្សាទ្វារមាស និងបំពង់បន្តពូជឲ្យស្អាត និងមានសុខភាពល្អ។
ស្រីៗធ្លាក់ទឹករម្អិលពណ៌បៃតង អាចមកពីបញ្ហាទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្វីទៅជាការធ្លាក់ទឹករម្អិលទ្វារមាសពណ៌បៃតង
ជាទូទៅ ទ្វារមាសដែលមានសុខភាពល្អអាចមានសភាពដូចទឹក ឬស្អិត ហើយមានពណ៌ថ្លា ទៅស ព្រមទាំងមានក្លិនតិចតួច។ ប៉ុន្តែ ការធ្លាក់ទឹករម្អិលពណ៌បៃតងមិនមែនជារឿងធម្មតានោះទេ ហើយក៏ចាំបាច់ធ្វើការព្យាបាលផងដែរ ពីព្រោះទឹករម្អិលពណ៌នេះ បញ្ជាក់ពីការឆ្លងមេរោគ ជាពិសេស នៅពេលដែលវាមានក្លិនស្អុយ។
ការធ្លាក់ទឹករម្អិលពណ៌បៃតងពីទ្វារមាស អាចបណ្ដាលមកពី៖
- ជំងឺទ្រីកូម៉ូនីញ៉ាស៊ីស (ប្រភេទជំងឺកាមរោគ)
- ជំងឺរលាកអាងត្រគាក (PID)
- វត្ថុផ្សេងៗនៅក្នុងទ្វារមាស ដូចជាសំឡីអនាម័យប្រភេទស៊កចូលទ្វារមាស (Tampon)
- ជំងឺរលាកទ្វារមាស
- បាក់តេរីក្នុងទ្វារមាស។
ធ្លាក់ទឹករម្អិលពណ៌បៃតងអំឡុងពេលពពោះ ជារឿងធម្មតាឬអត់?
ការធ្លាក់ទឹករម្អិលពណ៌បៃតងអំឡុងពេលពពោះ គឺជាសញ្ញាគ្រោះថ្នាក់មួយ ដែលម៉ាក់ៗចាំបាច់ទៅជួបជាមួយគ្រូពេទ្យជាបន្ទាន់។ ទឹករម្អិលពណ៌នេះ បង្ហាញពីបញ្ហាសុខភាពមួយចំនួន ដូចបានរៀបរាប់ខាងលើ ដែលអាចប៉ះពាល់ធ្ងន់ធ្ងរដល់ម្ដាយ និងកូនក្នុងផ្ទៃ។
គន្លឹះបំបាត់ការធ្លាក់ទឹករម្អិលពណ៌បៃតង
- ញ៉ាំថ្នាំតាមវេជ្ជបញ្ជារបស់គ្រូពេទ្យ
- រក្សាអនាម័យទ្វារមាសឲ្យបានស្អាតល្អ
- ជៀសវាងប្រើផលិតផលដែលមានសារធាតុគីមីណាមួយនៅត្រង់បរិវេណនោះ
- ងូតទឹកក្ដៅឧណ្ហៗ
- ពាក់ខោទ្រនាប់ដែលធ្វើពីកប្បាស។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម