ហេម៉ូហ្វីលា (Hemophilia) ជាជំងឺវិបត្តិហូរឈាមពីកំណើតដែលកើតទៅមានទៅលើក្មេងប្រុស ឯក្មេងស្រីអាចជាអ្នកផ្ទុក ដោយមិនចេញរោគសញ្ញា។ តាមការលើកឡើងរបស់ប្រធានផ្នែកជំងឺឈាមកុមារ នៃមន្ទីរពេទ្យកុមារជាតិ លោកសាស្ត្រាចារ្យ វេជ្ជបណ្ឌិត ជាន សុផល បើកើតជំងឺ Hemophilia នេះហើយ មិនអាចព្យាបាលជាដាច់ឡើយ ត្រូវការព្យាបាលអស់មួយជីវិត ហើយចំណាយថវិកាច្រើនទៀត។

លោកវេជ្ជបណ្ឌិតបន្តថា ជា Hemophilia ជំងឺតពូជពីម្តាយទៅកូន មិនមែនពីឪពុកទៅកូនទេ ៧០% នៃជំងឺ Hemophilia គឺមានប្រវត្តិក្រុមគ្រួសារដែលកើតជំងឺហ្នឹងជាប្រភេទជំងឺហូរឈាម ឬក៏យើងហៅថា ឈាមក្រកក តែមិនមែនជាជំងឺឈាមរាវនោះទេ។ ចំណែក ៣០%ទៀត ជំងឺ Hemophilia កើតឡើងដោយសារបម្រែបម្រួលទៅលើក្រូម៉ូសូមដោយខ្លួនឯង។

លោកវេជ្ជបណ្ឌិតបានលើកឡើងថា អត្រានៅលើពិភពលោក រួមទាំងនៅប្រទេសកម្ពុជាយើងផង ក្នុងចំណោមក្មេងប្រុស ៥ពាន់នាក់ មានម្នាក់ កើតជំងឺ Hemophilia ហើយក្នុងនោះគេចែកក្មេងដែលមានជំងឺ Hemophilia ជា ៣ កម្រិត មានកម្រិតស្រាល ធម្យម និងធ្ងន់ធ្ងរ។

រោគសញ្ញាជំងឺ Hemophilia

– ឡើងជាំនៅពេលទង្គិចអ្វីមួយ

– ឧស្សាហ៍ហើមជង្គង់ កែងដៃ

– ឈាមក្រកក

– ឈាមហូរខុសប្រក្រតីនៅតាមមាត់ សន្លាក់ សាច់ដុំ

– ហើម ឬហូរឈាមខុសប្រក្រតីពេលចាក់វ៉ាក់សាំង

– មានឈាមនៅក្នុងទឹកនោម ឬលាមក។

សាស្ត្រាចារ្យវេជ្ជបណ្ឌិត ជាន សុផល ប្រធានផ្នែកជំងឺឈាមកុមារ មន្ទីរពេទ្យកុមារជាតិ

ទារក ឬកុមារ បើកើតជំងឺឈាមម្យ៉ាងនេះហើយ ត្រូវព្យាបាលអស់មួយជីវិត

រោគ​សញ្ញា​ជំងឺ Hemophilia

រោគសញ្ញាជំងឺ Hemophilia