ទារកតូចៗ ត្រូវការការថែទាំ និងថ្នាក់ថ្នមខ្លាំងពីម៉ាក់ប៉ា ដើម្បីឲ្យកូនមានសុខភាពល្អ មិនងាយឈឺនេះ ឈឺនោះ ហើយជំងឺដែលក្មេងឧស្សាហ៍កើតជាងគេ គឺក្តៅខ្លួន ផ្តាសាយ តឹងច្រមុះ ហៀរសម្បោរនេះឯង។ ដូចនេះលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព នៃមន្ទីរពេទ្យមិត្តភាពកម្ពុជា-ចិន សែនសុខ បានណែនាំឲ្យដឹងពីអ្វីដែលម៉ាក់ៗប៉ាៗគួរ និងមិនគួរធ្វើពេលដែលកូនតូចតឹងច្រមុះដូចជា៖
១. ប្រការគួរធ្វើ
បណ្តក់សេរ៉ូមប្រៃ៖ នៅពេលដែលកូនមានអាការៈតឹងច្រមុះ មធ្យោបាយដំបូង គឺបន្តក់សេរ៉ូមប្រៃចូលច្រមុះកូនទាំងសងខាង។ វិធីនេះអាចជួយសម្រួលការកកស្ទះសម្បោរដែលមាននៅក្នុងច្រមុះកូនបាន។
ងូតទឹកក្តៅឧណ្ហៗ៖ ដូចយើងមនុស្សធំដែរ ពេលដែលតឹងច្រមុះអាចងូតទឹកក្តៅឧណ្ហៗឲ្យកូនបាន ព្រោះចំហាយក្តៅអាចជួយរំលាយសម្បោរដែលកកក្នុងច្រមុះកូន តែត្រូវប្រាកដថា ទឹកមិនក្តៅខ្លាំងពេក ព្រោះអាចរលាកកូន។
សម្អាតអាចម៍ច្រមុះ៖ នៅពេលដែលតឹងច្រមុះ ហៀរសម្បោរ វាអាចកកទៅជាអាចម៍ច្រមុះដែលអាចធ្វើឲ្យកូនពិបាកដកដង្ហើម ដូចនេះ ម៉ាក់ប៉ាគួរសម្អាតអាចម៍ច្រមុះកូនជាប្រចាំ ដើម្បីឲ្យកូនងាយស្រួលដកដង្ហើមវិញ ។ ប៉ុន្តែមិនគួរប្រើម្រាមដៃផ្ទាល់សម្អាតទេ យកល្អ គួរយកសម្លីទន់ៗ ត្បារអាចម៍ច្រមុះកូនចេញទើបមិនមានគ្រោះថ្នាក់។
អត្ថបទពាក់ព័ន្ធ៖
- ប្រើប្រេងកូឡាលាបលើបង្ហើយក្មេងទើបកើត អាចប៉ះពាល់ខួរក្បាល
- ក្មេងទើបកើត កុំធ្វើរឿងទាំងប៉ុន្មាននេះដាក់ឲ្យសោះ
២. ប្រការមិនគួរធ្វើ
លាបប្រេងកូឡា ប្រេងខ្យល់លើបង្ហើយកូន៖ មានម៉ាក់ៗមួយចំនួនស្តាប់តាមចាស់ៗ ដោយឲ្យលាបប្រេងកូឡា ប្រេងខ្យល់លើបង្ហើយកូន ដើម្បីកុំឲ្យកូនរងារ ឬតឹងច្រមុះ។ ផ្ទុយទៅវិញ ការលាបប្រេងកូឡា ប្រេងខ្យល់ អាចប៉ះពាល់ដល់កូនទៅវិញទេ ព្រោះវាអាចកកទៅជាអាចម៍ក្របី និងអាចប៉ះពាល់ដល់ខួរក្បាល ព្រោះវាជ្រាបចូលតាមស្បែក។
កុំប្រើប្រាស់ថ្នាំផ្តេសផ្តាស៖ ទោះកូនឈឺតិចតួចក៏ដោយ ក៏មិនត្រូវប្រើប្រាស់ថ្នាំផ្តេសផ្តាសបានឡើយ។ ប្រសិនបើកូន តឹងច្រមុះ បណ្តក់សេរ៉ូមប្រៃមិនបាត់ ងូតទឹកក្តៅឧណ្ហៗមិនបាត់ គួរយកទៅជួបពេទ្យជំនាញ ដើម្បីពិនិត្យ និងព្យាបាលត្រឹមត្រូវ ដើម្បីកុំឲ្យមានគ្រោះថ្នាក់ដល់កូន។
អត្ថបទពាក់ព័ន្ធ៖
- កូនទើបកើតរលាកកញ្ចក់ភ្នែក ម៉ាក់ប៉ាគួរធ្វើបែបណា?
- ក្មេងអាយុក្រោម២ឆ្នាំ ហាមដាច់ខាតប្រើប្រេងកូឡា-ប្រេងរឹតគ្រប់ប្រភេទ
- វិធីដោះស្រាយមានប្រសិទ្ធភាពបំផុត ពេលកូនតូចតឹងច្រមុះ ហៀរសម្បោរ
- ម៉ាក់ៗថ្មីថ្មោង ពេលឃើញកូនយំខ្លាំង គួរលួងតាមវិធីនេះ
- មិនចង់ឲ្យកូនតូចឈឺថ្កាត់ញឹក ម៉ាក់ៗគួរដឹងរឿងទាំងនេះ
- ប៉ាម៉ាក់នាំកូនៗអាន ជួយអភិវឌ្ឍខួរក្បាលច្រើនណាស់ ពិសេសកូនៗអាយុក្បែរ៥ឆ្នាំ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
