backup og meta

ក្មេង​ទើប​កើត កុំ​ធ្វើ​រឿង​​ទាំង​ប៉ុន្មាន​នេះ​ដាក់​ឲ្យ​សោះ

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ដេត ធន្នី · កែ Jun 19, 2019

    ក្មេង​ទើប​កើត កុំ​ធ្វើ​រឿង​​ទាំង​ប៉ុន្មាន​នេះ​ដាក់​ឲ្យ​សោះ

    កូន​ក្មេង​ទើប​កើត ស្បែកក៏នៅខ្ចី ស្តើង ឆ្អឹងក៏ខ្ចី ឯ​ប្រព័ន្ធ​ភាពស៊ាំ​ក៏​ខ្សោយ តម្រូវ​ឲ្យ​ម៉ាក់ប៉ា​យក​ចិត្តទុក​ដាក់​ថែទាំ​ឲ្យ​បាន​ដិត​ដល់ នោះ​ទើប​លូតលាស់​បាន​ល្អ មិនសូវ​មាន​បញ្ហា​សុខភាព។

    ខាង​ក្រោម​នេះ​រឿង​មួយ​ចំនួន ដែល​ម៉ាក់ប៉ា​មិន​ត្រូវធ្វើដាក់កូនតូចនោះទេ ព្រោះ​អាច​នឹង​ប៉ះពាល់​ដល់​សុខភាព និង​រាងកាយ។

    ១- ហាម​ឲ្យ​កូនគេង​ផ្ងារ

    បន្ទាប់​ពី​កើត​ភ្លាម គ្រូពេទ្យ​បាន​ណែនាំ​ឲ្យ​ម៉ាក់ៗ​ដាក់​កូន​គេង​ផ្អៀង​ទៅ​ឆ្វេង ឬ​ខាងស្តាំ មិន​ឲ្យ​អូន​តូច គេង​ផ្ងារ​នោះ​ទេ។ ការ​ឲ្យ​កូន​គេង​ផ្អៀង ដើម្បី​ទម្លាក់​ទឹកព្រៃ​ដែល​នៅ​សេសសល់​តាម​ច្រមុះ ឬ​មាត់​ឲ្យ​អស់ មិន​ឲ្យ​ឈ្លក់ និងចូល សួត។

    ឲ្យកូនគេងផ្អៀង

    ២- ហាម​ឲ្យ​កូន​ញ៉ាំ​ទឹក

    កូន​កើត​មក​ភ្លាម រហូត​ដល់​អាយុ ៦ខែ យើង​មិន​ត្រូវ​ឲ្យ​កូនញ៉ាំទឹក​នោះ​ទេ។ ម៉ាក់ៗ​ត្រូវ​ឲ្យ​កូន​ម៉ឹម​តែ ​ទឹកដោះ​មួយ​មុខ​គត់ គ្រប់គ្រាន់​ហើយ ព្រោះ​ទឹកដោះ​ម៉ាក់ៗ​សម្បូរ​ជាតិ​ទឹក។

    អត្ថបទពាក់ព័ន្ធ៖ ស្រាយ​ចម្ងល់​រឿង​មិន​ឲ្យ​អាអូន​អាយុ​ក្រោម ៦ ខែ ញ៉ាំ​ទឹក

    ៣- ហាម​បន្តក់​ទឹកដោះ​លើ​ភ្នែក​កូន

    ម៉ាក់ៗ​ដែល​កើត​កូន​តាម​ធម្មជាតិ អាអូន​មាន​បញ្ហា​ភ្នែក​ច្រើន​ជាង​សម្រាល​ដោយ​វះកាត់ តែ​ទោះ​យ៉ាង​ណា យើង​មិន​ត្រូវ​បន្តក់​ទឹកដោះ​លើ​ភ្នែក​កូន​នោះ​ទេ ព្រោះ​រឹតតែ​ធ្វើ​ឲ្យ​ភ្នែក​ស្អិត ហើម និង​រលាក​ភ្នែក។ ភ្នែក​កូន​តូច​ឈឺ គ្រូពេទ្យ​បាន​ណែនាំ​ឲ្យ​បន្តក់​សេរ៉ូម​ប្រៃ។

    អត្ថបទពាក់ព័ន្ធ៖ ភ្នែក​​​​ប៊េបី​​ងាយ​​មាន​បញ្ហា​​ណាស់ ម៉ាក់​ៗ​​​​ត្រូវ​​ប្រយ័ត្ន ​ចៀស​បញ្ហា​​ទាំងនេះ

    ៤- ហាមរោយម្សៅលើផ្ចិតកូន

    ក្រោយ​ចេញ​ពីពេទ្យ ម៉ាក់ប៉ា​ត្រូវ​ថែទាំ​ផ្ចិត​កូន​ឲ្យ​បាន​ល្អ ដើម្បី​បង្ការ​ការ​ឆ្លងរោគ ដោយ​ធ្វើ​អនាម័យ និង​លាង​សម្អាត​ផ្ចិត​កូន​ជាមួយ​អាល់កុល និង​ថ្នាំ​មេតាឌីន មិន​ត្រូវ​យក​ដីដំបូក សំបុក​ពីពាង-ឆ្កែញ៉ាំង ផេះ ម្សៅហុយ​មក​បិទ ឬ​រោយ​ពី​លើ​ផ្ចិត​នោះ​ទេ។ ផ្ចិតកូន​ក្មេង​នឹង​ក្រៀមជ្រុះ​ដោយ​ឯកឯង​ក្នុង​អំឡុង ៥-១៥ ថ្ងៃ​ក្រោយ​សម្រាល។

    ៥- ហាម​លាប​ប្រេងកូឡា​លើ​បង្ហើយ​កូន

    ចាស់ៗ​តែង​លាប​ប្រេងកូឡានៅបង្ហើយ​​កូន​ង៉ែត ដើម្បី​ឲ្យ​បង្ហើយ​ឆាប់​រឹង មិន​ផើតផត។ ជំនឿ​បែប​នេះ​មិន​ត្រឹមត្រូវ​ឡើយ ហើយ​ថែម​ទាំង​បង្ក​ផល​ប៉ះពាល់​ដល់​ខួរក្បាល​កូន និង​មាន​អាចម៍​ក្របី​លើ​ក្បាល។

    ៦- ហាម​ឲ្យ​កូន​គេង​តែ​មួយ​ទម្រង់

    កូន​ទើប​នឹង​កើត​ឆ្អឹងលលាដ៍​ក្បាល​នៅ​ខ្ចី​ខ្លាំង​ណាស់ ដូច្នេះ​​យើង​មិន​ត្រូវ​ឲ្យ​កូន​គេង​ផ្អៀង ឬផ្ងារ រហូត​ទេ ត្រូវ​ផ្លាស់ប្តូរ​ទម្រង់​នៃ​ការ​គេង ម្តង​ឲ្យ​កូន​គេង​ផ្អៀង​ទៅ​ស្តាំ ម្តង​គេង​ទៅ​ស្តាំ ឬ​ផ្ងារ។ ធ្វើ​បែប​ទើប​ទម្រង់​ក្បាល​កូន​ល្អ មិន​សំប៉ែត។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ ដេត ធន្នី · កែ Jun 19, 2019

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម