ទារកលូតលាស់ឆ្នាំដំបូង

ម៉ាក់ប៉ាគេងមិនឆ្អែតពេលមានកូនតូច? សាកវិធីទាំងនេះបាន

ពិតណាស់ ប៉ាម៉ាក់ដែលមានកូនតូចប្រហែលជាពិបាកក្នុងការគេងបានស្កប់ស្កល់ណាស់ ពីព្រោះអាអូនមិនទាន់ចេះសម្របខ្លួនក្នុងការគេងនៅពេលយប់បាននៅឡើយ។ ជាទូទៅ កូនតែងតែគេងលក់មួយភ្លែតៗទាំងនៅពេលថ្ងៃ និងពេលយប់ ហើយសូម្បីតែពេលកូនកាន់តែធំទៅៗ ក៏នៅតែពិបាកក្នុងការគេង ដែលជាញឹកញយក្មេងត្រូវការជំនួយពីប៉ាម៉ាក់ដដែល។ [embed-health-tool-due-date] មនុស្សពេញវ័យត្រូវការគេងប៉ុន្មានម៉ោងក្នុងមួយថ្ងៃ? ជាទូទៅ មនុស្សពេញវ័យត្រូវការគេងរយៈពេល៧ ទៅ៨ម៉ោងក្នុងមួយថ្ងៃ ហើយអាចមានភាពខុសៗគ្នា អាស្រ័យលើបុគ្គលម្នាក់ៗ។ យើងអាចត្រូវការគេងកាន់តែច្រើន ប្រសិនបើ៖ ពិបាកភ្ញាក់នៅពេលព្រឹក ងងុយគេងគ្រប់ពេល មិនអាចផ្តោតអារម្មណ៍បានល្អ ប្រែប្រួលអារម្មណ៍ បាក់ទឹកចិត្ត ឬថប់បារម្ភ។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! គន្លឹះជួយឲ្យគេងលក់ស្កប់ស្កល់ និងសម្រាកបានគ្រប់គ្រាន់ ជាធម្មតា ការគេងរបស់ប៉ាម៉ាក់នៅរយៈពេលប៉ុន្មានខែដំបូងដែលអាអូនកើត គឺអាស្រ័យលើកូនទាំងស្រុង ប៉ុន្តែយើងនៅតែអាចអនុវត្តវិធីសាស្ត្រមួយចំនួន ដើម្បីជួយឲ្យគេងបានគ្រប់គ្រាន់ ដែលប្រការនេះមានសារៈសំខាន់ទាំងចំពោះប៉ាម៉ាក់ផ្ទាល់ និងទារក។ មុនពេលចូលគេង ចូលគេងឲ្យបានទៀងម៉ោង បង្កើតទម្លាប់ដែលជួយឲ្យគេងស្កប់ស្កល់ ដូចជាអានសៀវភៅ ស្តាប់ចម្រៀង។ល។ ជៀសវាងញ៉ាំតែ កាហ្វេ ភេសជ្ជៈមានជាតិកាហ្វេអ៊ីន សូកូឡា ជក់បារី និងសារធាតុរំញោចផ្សេងទៀតនៅកៀកម៉ោងគេង។ ជៀសវាងប្រើប្រាស់ឧបករណ៍អេឡិចត្រូនិកនៅម៉ោងគេង រួមទាំងទូរទស្សន៍ ទូរស័ព្ទដៃ និងTablets។ អត្ថបទគួរអាន៖ ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ […]

ទារកលូតលាស់ឆ្នាំដំបូង

ពន្យល់លម្អិត រឿងចាស់ៗ និងពេទ្យឲ្យយកកូនទើបកើតហាលថ្ងៃ

ស្បែករបស់ទារកទើបកើតងាយរងគ្រោះណាស់ ដែលទាមទារការការពារពីផលប៉ះពាល់ដ៏គ្រោះថ្នាក់នៃពន្លឺព្រះអាទិត្យ រួមទាំងកម្ដៅ និងសំណើមផងដែរ។ ការដាក់អាអូនជាទីស្រលាញ់នៅឲ្យឆ្ងាយមិនឲ្យត្រូវផ្ទាល់នឹងពន្លឺព្រះអាទិត្យ គឺជាទង្វើដ៏ត្រឹមត្រូវ ប៉ុន្តែម៉ាក់ៗក៏អាចដាក់កូនហាលថ្ងៃនៅពេលមានពន្លឺស្រាលៗ ជាពិសេស នៅពេលព្រឹកព្រលឹម ដើម្បីឲ្យកូនទទួលបានអត្ថប្រយោជន៍ជាច្រើនពីពន្លឺព្រះអាទិត្យ។ ពិតណាស់ កាំរស្មីយូវី មានអត្ថប្រយោជន៍ដ៏អស្ចារ្យដល់សុខភាពរបស់ក្មេង ប្រសិនបើយើងចេះប្រើប្រាស់វាបានត្រឹមត្រូវ ដូចដែលយើងធ្លាប់ដឹងហើយថាចាស់ៗ និងគ្រូពេទ្យតែងណែនាំឲ្យម៉ាក់ៗយកកូនហាលថ្ងៃនោះ។ ១. វីតាមីនD រាងកាយរបស់មនុស្សយើងរាល់គ្នា ត្រូវការវីតាមីនD ហើយដើម្បីបង្កើតវីតាមីនប្រភេទនេះបាន ទារកត្រូវការកាំរស្មីយូវីយ៉ាងតិច១៥នាទីរៀងរាល់ថ្ងៃ ដោយអាស្រ័យលើសម្បុរស្បែករបស់ទារក ហើយចំពោះស្បែកដែលស្រគាំខ្លាំងត្រូវចំណាយពេលនៅក្រោមពន្លឺព្រះអាទិត្យកាន់តែយូរ ប៉ុន្តែមិនត្រូវឲ្យលើសពី៣០នាទីឡើយ។ វីតាមីនD ជួយសម្រួលដល់ការស្រូបយកជាតិកាល់ស្យូមដែលធ្វើឲ្យឆ្អឹង និងធ្មេញរឹងមាំ។លើសពីនេះ វាក៏ធ្វើឲ្យប្រព័ន្ធភាពស៊ាំរបស់ទារកមានដំណើរការប្រសើរ និងអាចការពារកូនជាទីស្រលាញ់របស់ម៉ាក់ៗឲ្យចៀសឆ្ងាយពីជំងឺផ្សេងៗផងដែរ។ ២. បង្កើនកម្រិតអ័រម៉ូនសេរ៉ូតូនីន ពន្លឺព្រះអាទិត្យ ជួយបង្កើនការផលិតអ័រម៉ូនសេរ៉ូតូនីន នៅពេលដែលទារកទទួលបានពន្លឺព្រះអាទិត្យនៅក្នុងបរិមាណត្រឹមត្រូវ។ អ័រម៉ូននេះ គឺជាអ័រម៉ូនរីករាយ ដែលជួយបង្កើនអារម្មណ៍សុភមង្គល និងសុវត្ថិភាពដល់ក្មេង។ បន្ថែមពីនេះ អ័រម៉ូនសេរ៉ូតូនីនក៏ជួយជំរុញដល់ការគេង និងការរំលាយអាហាររបស់ទារកឲ្យកាន់តែប្រសើរឡើងថែមទៀតផង។ ៣. បង្កើតកម្រិតអាំងស៊ុយលីន ជាមួយគ្នានេះដែរ ការទទួលពន្លឺព្រះអាទិត្យតាំងពីក្មេង អាចជួយការពារកូនៗរបស់យើងពីជំងឺទឹកនោមផ្អែមបានមួយកម្រិតដែរ ដោយសារតែពន្លឺព្រះអាទិត្យផ្ដល់វីតាមីនD ទៅក្នុងរាងកាយទារក ដែលអាចជួយគ្រប់គ្រងអាំងស៊ុយលីនកាន់តែប្រសើរឡើង។ ៤. ចៀសវាងការកើតជំងឺខាន់លឿង បន្ថែមពីនេះ ពន្លឺព្រះអាទិត្យអាចជួយបំបែកពពួកបីលីរុយប៊ីន ជាសារជាតិលឿង ដែលកើតឡើងពីធម្មជាតិសម្រាប់បំផ្លាញសារជាតិបំប៉នក្នុងរាងកាយរបស់ទារក។ នៅពេលដែលក្មេងទទួលពន្លឺព្រះអាទិត្យបានគ្រប់គ្រាន់ វានឹងជួយធ្វើឲ្យថ្លើមទារកមានដំណើរការកាន់តែប្រសើរជាងមុន។ ការលូតលាស់នៃបីលីរុយប៊ីនដែលមិនបានត្រួតពិនិត្យ អាចបណ្ដាលឲ្យកើតមានជាតិលឿងនៅលើស្បែកកូនជាទីស្រលាញ់របស់ម៉ាក់ៗ។ ការដាក់អាអូនទើបកើតឲ្យនៅក្រោមពន្លឺព្រះអាទិត្យពេលព្រឹកព្រលឹម រយៈពេលចាប់ពី១៥ ទៅ២០នាទីជារៀងរាល់ថ្ងៃ […]