យើងដឹងហើយថា ទឹកដោះម្តាយល្អឥតខ្ចោះចំពោះទារក តែម៉ាក់ៗសម័យនេះត្រូវបំពេញការងារឆ្ងាយពីផ្ទះ ទើបសម្រេចចិត្តឲ្យម៉ឹមម្សៅទឹកដោះគោជំនួសវិញ។ ការដែលឲ្យបៅទឹកដោះគោ ងាយប្រឈមនឹងបញ្ហាផ្សេង តែបើម៉ាក់ៗធ្វើតាមការណែនាំខាងក្រោមនេះ កូនមិនសូវឈឺថ្កាត់ឡើយ។
១. ទឹកឆុង
ក្បូនពេទ្យ ទឹកដែលល្អសម្រាប់ឆុងម្សៅទឹកដោះសម្រាប់ក្មេង គឺទឹកឆ្អិន ទឹកគ្មានមេរោគ នេះជាលើកឡើងលោកស្រីវេជ្ជបណ្ឌិត គុជ ឆោមដាលីន បម្រើការងារនៅមជ្ឈមណ្ឌលវេជ្ជសាស្ត្រសិង្ហបុរី បានបញ្ជាក់ថា ។ ហេតុអីត្រូវដាំទឹកឲ្យពុះ សម្រាប់ឆុងទឹកដោះគោឲ្យកូន? លោកស្រីវេជ្ជបណ្ឌិតឯកទេសរោគកុមាររូបនេះបានបញ្ជាក់ថា ទឹកប្រភពណាក៏ដោយ ត្រូវតែដាំឲ្យពុះ ព្រោះអីកម្តៅមកពីទឹកពុះអាចសម្លាប់មេរោគបានទាំងអស់។ ចំណុចពិសេសមួយទៀតនោះ បើសិនជាម៉ាក់ប៉ាឆុងម្សៅទឹកដោះគោជាមួយទឹកក្តៅឧណ្ហៗ កូនតូចក៏អាចចៀសពីបញ្ហាទល់លាមកទៀត។
២. ការរក្សាអនាម័យ
អនាម័យជារឿងសំខាន់ ដោយសារប្រព័ន្ធការពារក្មេងនៅខ្សោយ បើយើងប្រហែសតែបន្តិចរឿងអនាម័យ កូនច្បាស់ជាឈឺហើយ។ ទាំងកន្លែងឆុងទឹកដោះគោ ទាំងដបទឹបដោះគោ ត្រូវតែស្អាត មានអនាម័យ ត្រូវប្រើដបស្អាត ស្រុះនឹងទឹកក្តៅយកមកឆុងទឹកដោះគោឲ្យកូន ហាមដាច់ខាតមិនត្រូវប្រើដបដដែលៗឆុងទឹកដោះគោនោះទេ។
៣. ការប្រើដបឆុង
ដបឆុងទឹកដោះគោមានធំមានតូច ហើយមានកាលបរិច្ឆេទប្រើប្រាស់របស់វា បើកូនធំ យើងត្រូវប្រើដបឆុងធំដែរ បើមិនអ៊ីចឹងទេ ពេលឆុងរួចទឹកដោះគោរលាយមិនសព្វនោះទេ។ ចំពោះការប្រើដបវិញ ម៉ាក់ៗត្រូវមើលកាលបរិច្ឆេទ ដបខ្លះប្រើបាន៣ខែ ឯខ្លះទៀតបាន៦ខែ បើផុតកំណត់ហើយ ត្រូវដូរចេញ។
៤. ក្បួនឆុងទឹកដោះត្រឹមត្រូវ
– សម្អាតបរិវេណឆុងទឹកដោះគោកូនឲ្យស្អាត
– ត្រូវលាងដៃឲ្យស្អាត មុននឹងឆុងទឹកដោះឲ្យកូន
– យកទឹកដាំពុះ ឬទុកឲ្យត្រជាក់ឧណ្ហៗចាក់ចូលកំប៉ុងឆុងទឹកដោះគោ
– ដួសម្សៅទឹកដោះដាក់ក្នុងកំប៉ុងទៅតាមបរិមាណទឹក
– លុញ ឬក្រឡុកទឹកដោះគោ និងទឹកតិចៗឲ្យសព្វ
– យកទឹកដោះគោទៅត្រាំទឹកត្រជាក់ បើក្តៅខ្លាំងពេក
– ត្រាំរួច ដកមកជូតឲ្យស្ងួតទឹក មុននឹងឲ្យកូនម៉ឹម
– ចាក់ទឹកដោះលើដៃ តើត្រជាក់ល្មមឲ្យបៅ ឬនៅ?
អត្ថបទពាក់ព័ន្ធ៖
- ពិតអត់ ក្មេងបៅទឹកដោះគោ ងាយនឹងទល់លាមកជាងក្មេងបៅដោះម្តាយ?
- ៣យ៉ាង ម៉ាក់ៗតែងធ្វើខុសឆ្គង ពេលឲ្យកូនម៉ឹមទឹកដោះគោ
- ហេតុផលដែលពេទ្យមិនចង់ឲ្យកូនបៅឆ្អែតភ្លាម ចូលគេងភ្លែត
- ដូរម៉ាកទឹកដោះគោឲ្យកូនម៉ឹមញឹកញាប់ ប៉ះពាល់កូនអត់?
- ទារកបៅចេះតែឈ្លក់ដោយសារអី បើឈ្លក់ចូលសួតញឹក ប៉ះពាល់ម៉េចខ្លះ?
- ចង់ប្តូរពីដោះម៉ាក់ ឲ្យកូនម៉ឹមទឹកដោះគោ តែកូនងឿកមិនបៅក្បាលដោះជ័រ ធ្វើម៉េច?
- ហេតុផលសំខាន់បែបនេះ ទើបម៉ាក់ៗចាំបាច់បំបៅដោះកូនឲ្យបាន៦ខែ
- ចង់ឲ្យកូនបៅម្សៅទឹកដោះគោ គួរស្វែងយល់ពីគុណវិបត្តិ និងគុណសម្បត្តិជាមុន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
