ម៉ាក់ៗមួយចំនួនដែលមានបញ្ហាសុខភាព ឬជាប់រវល់នឹងការងាររកស៊ី បានជ្រើសរើសវិធីបំបៅកូនដោយម្សៅទឹកដោះ ក្នុងនោះម៉ាក់ៗខ្លះមិនមែនប្រើតែមួយម៉ាកទេ ឮគថាម៉ាកនេះល្អ ម៉ាកនោះល្អ ដូរភ្លែត ដោយមិនខ្វល់ពីលក្ខខណ្ឌផ្សងៗ។
មាតិកា
លក្ខខណ្ឌបែបណា ទើបម៉ាក់ៗត្រូវប្តូរម៉ាកទឹកដោះឲ្យកូនម៉ឹម?
បើតាមលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ ម៉ាក់ៗអាចដូរម៉ាកម្សៅទឹកដោះគោមួយទៅទឹកដោះគោមួយទៀត លុះណាកូនម៉ឹមមិនត្រូវ មានន័យថា កូនញ៉ាំទៅអាលែកហ្ស៊ី កូនខ្វះជាតិដែក ឬក៏រាករូសខុសធម្មតា។
ចំណែកលោកស្រីវេជ្ជបណ្ឌិត គុជ ឆោមដាលីន បម្រើការងារនៅ Singapore Medical Center វិញក៏បានលើកឡើងស្រដៀងគ្នាដែរថា គ្មានប្រយោជន៍អីទាំងអស់ នៅក្នុងការដូរទឹកដោះពីប្រេនមួយទៅប្រេនមួយទៀត ខណៈកូនមិនមានជំងឺ មានសុខភាពល្អធម្មតា។
ក្នុងនោះលោកស្រីវេជ្ជបណ្ឌិតឯកទេសកុមាររូបនេះពន្យល់បន្ថែមថា ការដែលម៉ាក់ៗមិនអស់ចិត្ត កូនម៉ឹមទឹកដោះនេះមិនត្រូវសោះ មិនឡើងគីឡូសោះនោះ ក៏សម្រេចចិត្តដូរម៉ាកផ្សេងភ្លាមនោះមិនត្រឹមត្រូវឡើយ ព្រោះការចិញ្ចឹមកូនឲ្យលូតលាស់បានល្អ មិនមែនពឹងផ្អែកលើតែទឹកដោះគោមួយមុខទេ។
“កូនអាយុចន្លោះពី៤ទៅ៦ខែ ជាពេលត្រូវផ្តល់អាហារផ្សេងៗ ហើយអាហារផ្សេងៗក៏មិនមែនជារបស់ពិសេសម៉ោពីណាដែរ បន្លែ ផ្លែឈើ របស់ដាំឆ្អិន ស៊ុត សាច់អីហ្នឹង អត់ពឹងលើទឹកដោះសុទ្ធទេ’។ លោកស្រីវេជ្ជបណ្ឌិតបញ្ជាក់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Types of formula, https://www.nhs.uk/conditions/baby/breastfeeding-and-bottle-feeding/bottle-feeding/types-of-formula/
Your Guide To Switching Baby Formula, https://www.forbes.com/health/family/switching-baby-formula-guide/
Infant Formula, https://familydoctor.org/infant-formula/
កំណែប្រែបច្ចុប្បន្ន
27/09/2021
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម