ជំងឺមុន ភាគច្រើនកើតលើមនុស្សពេញវ័យ តែទារកទើបនឹងកើតក៏អាចកើតមុនដែរ គឺប៉ុន្មានខែដំបូងនៃជីវិតរបស់ពួកគេ។ បើកូនក្មេងកើតមុនគួរឲ្យបារម្ភអត់? ធ្វើម៉េចបានជា?
លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានឲ្យដឹងថា ទារកកើតមុន ជារឿងធម្មតា និងជាបញ្ហាសើស្បែកប៉ុណ្ណោះ មិនមានអ្វីគួរឲ្យបារម្ភនោះទេ។ លោកវេជ្ជបណ្ឌិតបានបន្តឲ្យដឹងទៀតថា មុនលើទារកភាគច្រើនកើតស្បែកដងខ្លួន ចង្កា ថ្ងាស ខ្នង និងមុខ ហើយវានឹងបាត់ទៅវិញដោយខ្លួនឯង មិនចាំបាច់ព្យាបាលនោះទេ។
ចំពោះមូលហេតុដែលទារកកើតមុនលើស្បែកវិញ អាចដោយសារការវិវត្ត នៃការបញ្ជូនអ័រម៉ូនពីម្ដាយទៅរាងកាយទារក ធ្វើឲ្យមានការកកិតជាតិខ្លាញ់ច្រើនចេញពីរាងកាយទារក។
អត្ថបទពាក់ព័ន្ធ៖
- ម៉ាក់ៗមានកូនស្រីតូចៗ ប្រយ័ត្នមានបញ្ហាមួយនេះដូចមនុស្សធំ
- បើស្បែកអាអូន កើតចឹង នេះហើយជាអ្វីដែលម្ដាយត្រូវដឹង និងត្រូវធ្វើ
ក្រៅពីកើតមុន នៅមានជំងឺសើស្បែកមួយចំនួនទៀត ដែលឧស្សាហ៍កើតមានលើទារក ដូចជា កន្ទួលពណ៌សនៅចុងច្រមុះ ឬត្របកភ្នែក ដែលបណ្តាលមកពីក្រពេញជាតិខ្លាញ់នៅលើស្បែកច្រើន កើតចែងថ្ងៃ ដែលបង្កឡើងដោយការកកស្ទះរន្ធញើស ហើយជាពិសេសកើតតែពេលដែលអាកាសធាតុក្តៅខ្លាំង ឬសើមខ្លាំង ចេញស្រែងទឹកដោះជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
