បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

រឿងម៉ាក់ៗត្រូវដឹង និងធ្វើ បើស្បែកកូនចេញបែបនេះ

សំណព្វចិត្តរបស់ម៉ាក់ប៉ា ដែលទើបនឹងកើតពិតជាទទួលបានការថ្នាក់ថ្នមខ្ពស់អស់ពីបេះដូង ឬចេញថើបចូលថើបជាមិន ខាន។ សុខភាពកូនតូច ពិតជារឿងសំខាន់បំផុត ក្រោយការថែទាំ ពិនិត្យ តាមដានអំឡុងពពោះ ៩ខែ ១០ថ្ងៃ និងឆ្លងទន្លេដោយជោគជ័យ។

ការសម្របខ្លួននឹងបរិយាកាសខាងក្រៅផ្ទៃម្ដាយរបស់ទារកទើបនឹងកើត អាចបង្កបញ្ហាដល់ស្បែកជាច្រើនចំពោះពួកគេ។ តើម៉ាក់ប៉ាចាប់អារម្មណ៍ទេថា កូនតូចយើងអាចប្រឈមនឹងបញ្ហាស្បែកអ្វី ខ្លះ? អាចធ្ងន់ធ្ងរទេ? ច្បាស់ណាស់ ក្នុងនាមជាម៉ាក់ថ្មីថ្មោង ឬកូនដំបូង យើងអាចបារម្ភច្រើន ឬផ្ដល់ការព្យាបាលមិនត្រឹមត្រូវជាដើម។ ថ្ងៃនេះ ក្រុមការងារ “Hello គ្រូពេទ្យ” សូម បង្ហាញពីបញ្ហាស្បែក ដែលឧស្សាហ៍ កើតចំពោះទារកទើបកើត។

៦ចំណុចខាងក្រោមនេះហើយ ដែលតែងតែធ្វើឲ្យស្បែកទារក ជួបបញ្ហាច្រើនបំផុត៖

១- កន្ទួលពណ៌សនៅចុងច្រមុះ ឬត្របកភ្នែក

បញ្ហាស្បែកប្រភេទនេះ បណ្ដាលមកពីក្រពេញ(ជាតិ)ខ្លាញ់នៅលើស្បែក។ ពងបែកតូចៗពណ៌ស ឬលឿងលើមុខរបស់ទារក ជាការបញ្ជាក់ពីភាពសម្បូរជាតិខ្លាញ់ដែលផ្ទុកសារជាតិ គីរ៉ាទីន (Keratin) និង ស៊ីប៊ឺម (Sebum)។ មីលៀ ក៏អាចចេញនៅអញ្ចាញធ្មេញរបស់ទារកទើបនឹងកើតដែរ។ ជាធម្មតា អាការៈនេះនឹងត្រូវជាសះស្បើយឡើងវិញ ពី២-៣ថ្ងៃ ឬអាចដល់មួយសប្ដាហ៍ ដោយឯកឯង មិនចាំបាច់ការព្យាបាលអ្វីទាំងអស់។ ចំពោះការប្រើសារធាតុប្រេង និងក្រែម ដើម្បីលាបឱ្យកូន មិនអាចធ្វើឱ្យកន្ទួលស/លឿងនេះថមថយទេ តែបែរជាផ្ដល់ផលមិនល្អដល់ស្បែករបស់ទារកវិញទេ។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២- ចំហាយក្តៅ ឬ ចែងថ្ងៃ

កន្ទួលខ្ទុះតូចៗ ពណ៌ក្រហម ដែលមានពងបែក ច្រើនកើតមាននៅលើខ្នង ឬបរិវេណដើមទ្រូងទារក នេះជារោគ សញ្ញារបស់ចែងថ្ងៃ ឬចំហាយក្ដៅ។ មីលៀរៀ បង្កឡើងដោយការកកស្ទះរន្ធញើស ហើយជាពិសេសកើតតែពេលដែលអាកាសធាតុក្តៅខ្លាំង ឬសើមខ្លាំង។

៣- អាចម៍ក្របីលើក្បាល

ក្រា-ដលខេប ឬខ្មែរយើងហៅសាមញ្ញថា “អាចម៍ក្របី” ជាបញ្ហាស្បែកដែលបណ្ដាលមកពីលើសជាតិខ្លាញ់ម្យ៉ាង ឈ្មោះ ស៊ីប៊ឺម (Sebum)។ ជាតិខ្លាញ់ខាងលើនេះមាននាទីធ្វើឱ្យស្បែក និងកោសិកាស្អិតជាប់គ្នា បង្កទៅជាក្រ-មរ ដំបៅពណ៌លឿងៗស្អិតជាប់នឹងស្បែកក្បាលទារក។

៤- មុន ឬស្រែងទឹកដោះ

ចាប់ពីកើតរហូតដល់ ៤ខែ ទារកប្រមាណជាង ៣០% តែងតែកើតមានបញ្ហាមុន ឬស្រែងទឹកដោះលើមុខ ដែលលោកអ្នកសង្កេតឃើញច្រើនបំផុតគឺចាប់ផ្ដើមមាននៅសប្ដាហ៍ទី២ បន្ទាប់ពីទារកកើតចេញពីផ្ទៃម្ដាយ។ អ្នកជំនាញជឿថា ការរលាកក្រហមៗ ហើយមានខ្ទុះ (ពណ៌) សៗ នេះគឺកើតឡើងដោយសារការវិវត្ត នៃការបញ្ជូនអ័រម៉ូនពីម្ដាយទៅរាងកាយទារក។ តែមិនមានអ្វីដែលគួរឱ្យបារម្ភទេ ព្រោះបញ្ហានេះនឹងរលាយបាត់ទៅវិញដោយខ្លួនឯង ដោយមិនចាំបាច់ប្រើប្រេង ឬក្រែម ដើម្បីព្យាបាលនោះទេ ព្រោះវាអាចបង្កឱ្យមានបញ្ហាលើសដើមចំពោះស្បែកទារកទើបនឹងកើត។

៥- កន្ទួលក្រហម

នេះជាការរីករាលដាលនៃការរលាកក្រហម (ខ្លះមានខ្ទុះពណ៌ស ឬលឿងនៅចំកណ្ដាល) ដែលច្រើនកើតមាននៅលើខ្នង មុខ ដើមទ្រូង ឬដៃរបស់ទារក។ បញ្ហានេះមិនមានអ្វីដែលបង្កគ្រោះថ្នាក់ដល់ទារកនោះទេ ព្រោះវានឹងបាត់ទៅវិញដោយឯកឯងបន្តិចម្តងៗ ២-៣ខែ ដំបូង។

៦- ដៅ ឬស្នាមពីកំណើត(ពណ៌ខ្នៅ)

ស្នាមនេះអាចនៅជាប់រហូតពេញមួយជីវិតរបស់ទារក ឬមួយចំនួនអាចរលុបបាត់វិញអំឡុងពេលណាមួយ អាស្រ័យទៅតាមការវិវត្តរបស់ស្បែកទារក។

ជាធម្មតាស្នាមពីកំណើត(ខ្នៅ) មានច្រើន៖

– ខ្នៅពណ៌បៃតង (Mongolian spots)៖ ស្នាមខ្នៅ ឬដៅនេះ សឹង ៩០% កើតចំពោះទារកអាស៊ី ជនជាតិដើមអាមេរិក អាហ្វ្រិកកាត់អាមេរិក ឬអាមេរិកឡាទីន។ ស្នាមនេះមានពណ៌បៃតងក្រមៅ ឬស្រាល ហើយឧស្សាហ៍មាននៅម្តុំខ្នង ឬនៅគូទទារកទើបនឹងកើត។ ស្នាមនេះគ្រាន់ក៏អាចនឹងបាត់ទៅវិញ ដែរ តែត្រូវប្រើពេលល្បាក់ ២ឆ្នាំ (រហូតទារកអាយុ ២ខួប)។ ទោះជាមិនបាត់ ១០០% ក៏ពណ៌ស្រាលជាងមុនបន្តិចម្តងៗដែរ។

-ស្នាមដៅក្រហម ឬផ្កាឈូក ឬអាចហៅម្យ៉ាងទៀតថា ក្រសាខាំ (Stork bites pink birthmark)៖ ស្នាមនេះបង្កប់ទៅនឹងសាច់ រាបស្មើ គ្រាន់តែមានពណ៌រាងផ្កាឈូកស្រាល(លេចឡើង)។ បញ្ហានេះច្រើនមាននៅលើខ្ទង់ច្រមុះ ក្រោមត្របកភ្នែក ឬនៅកញ្ចឹងក របស់ទារក។ តាមការនិយាយតៗគ្នា បើស្នាមនេះមាននៅខាងមុខគឺគេគិតថា ជាស្នាមថើបរបស់ទេវតា តែបើនៅខាងក្រោយវិញគេថា ជាស្នាមសត្វក្រសារខាំទៅវិញ។

– ផ្នូក (Infantile hemangiomas)៖ ជាបណ្ដុំសរសៃឈាម ហើយវានឹងបន្តរីកលូតលាស់ធំឡើងៗ តាមអាយុរបស់ទារក។ ផ្នូកចាប់ផ្ដើមមើលឃើញកាន់តែច្បាស់ចាប់ពីទារកកើតមកបាន ២-៤សប្តាហ៍។ ស្នាមនេះក៏អាចបាត់វិញដែរក្នុង រយៈពេលប្រហែល ៨ឆ្នាំ ដោយមិនចាំបាច់ព្យាបាលអ្វីទាំងអស់។

សង្ឃឹមថានេះអាចជាចំណេះដឹងថ្មី ចំពោះអ្នកដែលទើបមានកូនដំបូង។ សូមជួយ ចែករំលែកបន្ត ដើម្បីឲ្យម៉ាក់ប៉ាថ្មីថ្មោង ឬកំពុងត្រៀមខ្លួនមានអូនតូចផ្សេងទៀតដឹង។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Khlaut Rithy · កែ 02/08/2023

រឿងម៉ាក់ៗ​ត្រូវ​ដឹង និង​ធ្វើ បើ​ស្បែក​កូនចេញបែបនេះ

១- កន្ទួល​ពណ៌​ស​នៅ​ចុង​ច្រមុះ ​ឬ​ត្របក​ភ្នែក​

២- ចំហាយ​ក្តៅ ឬ ចែងថ្ងៃ

៣- អាចម៍​ក្របី​លើ​ក្បាល

៤- មុន​ ឬ​ស្រែង​ទឹកដោះ

៥- កន្ទួល​ក្រហម

៦- ដៅ ឬ​ស្នាម​ពី​កំណើត(ពណ៌ខ្នៅ)