នៅពេលកុមារ ឬក្មេងជំទង់តែងតែបង្ហាញកាយវិការហិង្សា នោះជាអ្វីដែលអាណាព្យាបាលត្រូវតែយកចិត្តទុកដាក់ ហើយកុំគិតថាកាយវិការទាំងនោះនឹងបាត់ទៅវិញនៅពេលពួកគេធំពេញវ័យនោះ។
មាតិកា
ប៉ាម៉ាក់គួរដឹង! កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
១. ហេតុអ្វីក្មេងខ្លះមានចរិតហិង្សា?
ការសិក្សាមួយខ្លះបានរកឃើញពីកត្តាមួយចំនួនអាចធ្វើឲ្យកុមារ ឬក្មេងវ័យជំទង់មានចរិតបែបហិង្សា៖
- ធ្លាប់បានប្រើហិង្សាពីមុនមក
- ធ្លាប់រងការធ្វើបាបលើរាងកាយ ឬផ្លូវភេទ
- រស់នៅក្នុងផ្ទះ ឬសហគមន៍សម្បូរអំពើហិង្សា
- កត្តាហ្សែន
- ឃើញអំពើហិង្សាក្នុងប្រព័ន្ធផ្សព្វផ្សាយ
- ប្រើប្រាស់គ្រឿងញៀន ឬគ្រឿងស្រវឹង
- សម្ពាធក្នុងគ្រួសារ និង
- មានបញ្ហាខួរក្បាលជាដើម។
២. សញ្ញាព្រមានពីចរិតកុមារ ឬក្មេងជំទង់ជាមនុស្សហិង្សា
បើឃើញសញ្ញាព្រមានទាំងនេះប៉ាម៉ាក់ ឬអាណាព្យាបាលត្រូវយកចិត្តទុកឲ្យបានខ្ពស់។
- ខឹងខ្លាំង
- មិនអាចទប់អារម្មណ៍ ឬបញ្ចេញអារម្មណ៍ឆេវឆាវខ្លាំង
- បង្ហាញចរិតរញ៉េរញ៉ៃខ្លាំង និង
- ក្លាយជាក្មេងឆាប់ឆេវឆាវ។
៣. វិធីការពារកុមារ ឬក្មេងវ័យជំទង់ក្លាយជាមនុស្សហិង្សា
ការសិក្សាជាច្រើនបានរកឃើញដែរថាដើម្បីកាត់បន្ថយ ឬការពារកុមារ ឬក្មេងវ័យជំទង់មានចរិតហិង្សា គឺត្រូវកាត់បន្ថយ ឬលុបបំបាត់កត្តាបង្កឲ្យមានអំពើហិង្សាដូចបានរៀបរាប់ខាងលើ។ អ្វីដែលសំខាន់ គឺប៉ាម៉ាក់ ត្រូវធ្វើយ៉ាងណា កុំឲ្យកូនបានឃើញរាល់គ្រប់ទម្រង់នៃអំពើហិង្សានៅក្នុងគ្រួសារ ឬសហគមន៍។
ដូចគ្នាដែរ ប៉ាម៉ាក់អាចអនុវត្តបន្ថែមវិធីសាស្រ្តទាំងនេះដើម្បីទប់ស្កាត់ ឬបន្ថយចរិតហិង្សារបស់កូន៖
- កុំប្រើហិង្សាលើកូន
- អប់រំសុខភាពផ្លូវភេទចំពោះកូនវ័យជំទង់
- តាមដាន និងកត់សម្គាល់ពីចរិតហិង្សារបស់កូនឲ្យបានលឿនតាមដែលអាចធ្វើទៅបាន
- គ្រប់គ្រងកូនកុំឲ្យមើលភាពយន្ត ឬសកម្មភាពហិង្សាផ្សេងៗលើប្រព័ន្ធផ្សព្វផ្សាយ។
ដូចគ្នាដែរ បើប៉ាម៉ាក់អាចសង្កេតឃើញថាកូនមានចរិតហិង្សា ក៏អាចស្វែងរកជំនួយពីគ្រូពេទ្យជំនាញធ្វើការវាយតម្លៃ និងព្យាបាល។ ការទទួលបានការព្យាបាលទាន់ពេលគឺអាចជួយក្មេងកាត់បន្ថយចរិតហិង្សានេះ។
អត្ថបទគួរអាន៖
- ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា
- គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន
- ឃើញសញ្ញាទាំងនេះ អាចថាអូនៗកំពុងមានបញ្ហាប្រព័ន្ធរំលាយអាហារហើយ
- សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង?
- អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស
- កូនកើតជំងឺពងបែកមាត់ដៃជើងគួរថែទាំម៉េច?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Violent Behavior in Children and Adolescents
https://www.aacap.org/AACAP/Families_and_Youth/Facts_for_Families/FFF-Guide/Understanding-Violent-Behavior-In-Children-and-Adolescents-055.aspx
Violent Behaviours among Adolescents and Young Adults: Association with Psychoactive Substance Use and Parenting Styles
https://www.ncbi.nlm.nih.gov/pmc/articles/PMC8997707/
Aggressive behavior in adolescent: The importance of biopsychosocial predictors among secondary school students
https://www.frontiersin.org/journals/public-health/articles/10.3389/fpubh.2023.992159/full
កំណែប្រែបច្ចុប្បន្ន
16/08/2024
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម