ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សារធាតុ Gluten ជាប្រភេទប្រូតេអ៊ីនដែលមាននៅក្នុងស្រូវសាលី។ ប្រព័ន្ធរំលាយអាហារយើងមិនអាចបំបែកនិងរំលាយសារធាតុ Gluten បានទាំងស្រុងទេ។ កុមារភាគច្រើនអាចទប់ទល់នឹងសារធាតុ gluten ដែលមិនអាចរំលាយបានដោយគ្មានបញ្ហា ប៉ុន្តែចំពោះកុមារមួយចំនួន សារធាតុ Gluten អាចបង្កឱ្យមានបញ្ហាសុខភាពច្រើនយ៉ាង។
សារធាតុ Gluten មាននៅក្នុងអាហារដូចជានំបុ័ង នំខេក ដូណាត់ នំផាយ ភីសា បឺហ្គឺរ ផាស្តា ខូឃឺ និងនំស្រួយជាដើម។ សារធាតុ Gluten ក្នុងស្រូវសាលី ជួយឱ្យម្សៅធ្វើនំស្អិតខាំជាប់គ្នាល្អ មានសភាពយឺត និងធ្វើឱ្យនំ ឬផាស្តាទន់ឆ្ងាញ់។
កុមារគួរចៀសវាងអាហារមានផ្ទុកសារធាតុ Gluten ឬស្រូវសាលីបើមានបញ្ហាសុខភាពទាំងនេះ
ជំងឺ Celiac ជាជំងឺប្រព័ន្ធភាពសុំាវាយប្រហារខ្លួនឯងដែលបណ្តាលមកពីកត្តាហ្សែន។ នៅពេលកុមារមានជំងឺ Celiac ញុំាអាហារមានសារធាតុ Gluten នឹងបង្កឱ្យមានប្រតិកម្មនៅក្នុងពោះវៀនតូច ហើយបណ្តាលឱ្យកុមារ រាកឬទល់លាមក។ យូរៗទៅ ស្រទាប់ពោះវៀនតូចរបស់កុមារនឹងខូច ហើយលែងអាចស្រូបយកសារធាតុចិញ្ចឹមបានទៀតដែលបណ្តាលឱ្យកុមារស្រកគីឡូ គ្មានកម្លាំងនិងស្លេកស្លាំង ហើយអាចបណ្តាលឱ្យកើតមហារីកពោះវៀនតូចទៀតផង។
នៅពេលកុមារមានប្រតិកម្មនឹងសារធាតុ Gluten ញុំាំអាហារមានផ្ទុកសារធាតុនេះ កុមារអាចនឹងឈឺពោះ ហើមពោះ រាក ទល់លាមក ឈឺក្បាល ឡើងកន្ទួលរមាស់ អស់កម្លាំង ពិបាកផ្ចង់អារម្មណ៍ ឈឺសាច់ដុំ ឈឺសន្លាក់ តឹងច្រមុះ ពិបាកដកដង្ហើម កើតហឺត មួម៉ៅនិងបាក់ទឹកចិត្តជាដើម។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ប្រព័ន្ធរំលាយអាហារមិនអាចរំលាយសារធាតុ Gluten បានទេ ហើយភាគល្អិត Gluten នឹងធ្វើដំណើរទៅកាន់ពោះវៀនតូច។ នៅពេលកុមារមានបញ្ហាជា្របពោះវៀន ជញ្ជាំងពោះវៀនកុមាររលាក ហើយបណ្តាលឱ្យជាតិពុល បាក់តេរី វីរុស និងភាគល្អិតអាហាររួមទាំងសារធាតុ Glutenដែលមិនទាន់រំលាយជ្រាបចូលទៅក្នុងចរន្តឈាម។ នៅពេលប្រព័ន្ធភាពសុំាប្រទះឃើញ ប្រព័ន្ធភាពសុំាក៏វាយប្រហារ ហើយបង្កឱ្យកុមារមានការរលាកក្នុងខ្លួន មានបញ្ហាអាលែកហ្ស៊ីនិងមានបញ្ហាស្បែកដូចជាកើតត្រអកឬរលាកស្បែករុំារ៉ៃ Psoriasis ជាដើម។
បើកុមារញុំាំអាហារមានសារធាតុ Gluten ហើយមានអាការៈមិនស្រួលខ្លួនដូចបានរៀបរាប់ខាងដើម ម៉ាក់ប៉ាគួរចៀសវាងឱ្យកូនញុំាំអាហារទំាងឡាយណាដែលមានជាតិស្រូវសាលី ហើយគួរឱ្យកូនញុំាអាហារស្រស់ៗដូចជាបន្លែ ផ្លែឈើ គ្រាប់ធញ្ញជាតិ សណ្តែក ឬយ៉ាអួរជំនួសវិញ។
បើកូននៅញុំាទឹកដោះគោម្សៅ ម៉ាក់ប៉ាអាចឱ្យកូនញុំាទឹកដោះគោម្សៅដែលមានផ្ទុក SYNBIOTICS ដែលជាការសំយោគបញ្ចូលគ្នារវាង Prebiotics និង Probiotics ដើម្បីជួយឲ្យក្រពះពោះវៀនកូនមានសុខភាពល្អ កាត់បន្ថយបញ្ហាជ្រាបពោះវៀន បញ្ហាអាលែកហ្ស៊ី ជំងឺសើស្បែក និងជួយឱ្យកូនមានប្រព័ន្ធភាពសុំារឹងមាំ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
