ថ្ងៃមុនកូនឈឺពោះ ថ្ងៃនេះអាអូនផ្ដាសាយ ពីមួយថ្ងៃទៅមួយថ្ងៃបើកូនងាកឈឺៗ មានន័យសុខភាពកូនខ្សោយណាស់ ទ្រាំទ្រនឹងវីរុសបង្កជំងឺតូចតាចមិនបានផង ចុះទម្រាំជំងឺកាចៗ។ ប្រព័ន្ធការពាររាងកាយក្មេងមិនរឹងមាំដូចមនុស្សធំទេ បើម៉ាក់ប៉ាថែទាំងមិនបានល្អ នឹងត្រូវនាំកូនជួបពេទ្យញឹកមិនខាន។ វិធីជួយឲ្យប្រព័ន្ធភាពស៊ាំរឹងមាំមិនពិបាកទេ គ្រាន់តែបន្ថែមអាហារប៉ុន្មាននេះឲ្យកូនញ៉ាំរាល់ថ្ងៃ អាអូនលែងសូវឈឺហើយ។
សារធាតុប្រូបាយអូទិក (Probiotics) មាននៅក្នុងយ៉ាអួរជួយជំរុញដល់ប្រព័ន្ធការពាររាងកាយក្មេងបានល្អ ព្រោះវាបង្កើនបាក់តេរីល្អមានក្នុងក្រពះពោះវៀន ហើយក្រពះពោះវៀនគឺជាជម្រកសម្រាប់ប្រព័ន្ធភាពស៊ាំប្រហែល ៧០% នៃរាងកាយ។ ពេលផ្ដល់យ៉ាអួរឲ្យកូន យើងជាម៉ាក់ប៉ាត្រូវប្រាកដថា យ៉ាអួរនោះមិនបន្ថែមជាតិស្ករ ឬជ្រើសរើសប្រភេទយ៉ាអួរសុទ្ធទើបល្អដល់សុខភាពកូន។
២. ស៊ុត
ការស្រាវជ្រាវបានបង្ហាញថា នៅពេលដែលរាងកាយខ្វះវីតាមីន D យើងងាយនឹងកើតជំងឺ ហើយស៊ុតជាអាហារមួយក្នុងចំណោមអាហារតែមួយគត់ដែលមានវីតាមីន D ដែលកើតឡើងពីធម្មជាតិ ហើយស៊ុតក៏រួមបញ្ចូលសារធាតុចិញ្ចឹមមួយចំនួនទៀតដែលជួយពង្រឹងប្រព័ន្ធការពាររាងកាយក្មេង និងមនុស្សធំដូចជា វីតាមីន B និងសេលេញ៉ូម (Selenium)។
៣. SYNBIOTICS
ការស្រាវជ្រាវជាច្រើនបង្ហាញថាសុខភាពប្រព័ន្ធរំលាយអាហារ និងមុខងារប្រព័ន្ធភាពស៊ាំមានទំនាក់ទំនងយ៉ាងជិតស្និទ្ធ ប្រហែល ៧០-៨០%នៃកោសិកាភាពស៊ាំរបស់រាងកាយស្ថិតនៅក្នុងបំពង់រំលាយអាហារ។ SYNBIOTICS អាចជួយបង្កើនមុខងារប្រព័ន្ធភាពស៊ាំដោយបង្កើនបរិមាណបាក់តេរីល្អនៅក្នុងពោះវៀន និងកាត់បន្ថយការរលាកក្នុងពេលដំណាលគ្នា។
SYNBIOTICS ជាការសំយោគរវាង Probiotic និង Prebiotic យើងអាចរកបាននៅក្នុងទឹកដោះគោម្សៅមួយចំនួន ឬអាចរួមផ្សំអាហារមានprobiotics និង Prebiotics ដូចជា ចេក ទំពាំងបាយជូរបៃតង ទំពាំងបារាំង និងគីមឈីឲ្យកូនញ៉ាំជាដើម។
ផ្ដល់ឲ្យកូននូវគ្រាប់ធញ្ញជាតិគ្រប់មុខដូចជា គ្រាប់ល្ពៅ ផ្កាឈូករ័ត្ន គ្រាប់អាល់ម៉ុន និងស្វាយចន្ទីជាដើម អាចជួយបង្កើនប្រព័ន្ធការពាររាងកាយក្មេង។ តាមរយៈការញ៉ាំគ្រាប់ធញ្ញជាតិជាច្រើនគ្រប់មុខ អាអូននឹងទទួលបានវីតាមីន E ជាតិស័ង្កសី និងអាស៊ីតខ្លាញ់អូមេហ្គា ៣ ដែលសុទ្ធតែជួយដល់ប្រព័ន្ធរាងកាយកូន។
គួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
