បញ្ហាស្បែកក្នុងខែរងាដែលតែងតែកើតញឹកញាប់លើកុមាររួមមាន ស្បែកស្ងួត បែកស្រកា រមាស់ស្បែក ឬកើតត្រអកជាដើម។ នេះក៏ដោយសារស្បែកកុមារនៅខ្ចីដែលជាហេតុធ្វើឱ្យស្បែកក្មេងងាយនឹងបាត់បង់សំណើមនៅពេលធ្លាក់ខ្យល់។ ដូចនេះដើម្បីការពារកូនជាទីស្រឡាញ់ពីការមានបញ្ហាស្បែកក្នុងខែរងា ម៉ាក់ប៉ាគួរធ្វើអ្វីខ្លះ?
- ងូតទឹកឱ្យកូនមិនឱ្យហួសពី ១០ នាទី
- ដុសខ្លួនឱ្យកូនជាមួយសាប៊ូមិនសូវមានជាតិកាត់ខ្លាំង ឬគ្មានក្លិនក្រអូប
- បន្ទាប់ពីងូតទឹករួច គ្រាន់តែយកកន្សែងមកផ្តិតខ្លួនឱ្យកូនបានហើយ
- បន្ទាប់ពីងូតទឹករួច លាបឡេផ្តល់សំណើមឱ្យកូន
- ពង្រឹងសុខភាពពោះវៀនកូនដោយផ្តល់អាហារសម្បូរបាក់តេរីល្អ និងអាហារមានជាតិសរសៃខ្ពស់
