មិនមែនពេទ្យចេះតែនិយាយ បំបៅដោះកូនពិតជាមានប្រយោជន៍ខ្លាំងណាស់ចំពោះសុខភាព។ ស្រីៗគ្នាយើងបច្ចុប្បន្ន ប្រហែលបានដឹង ឬធ្លាប់ឮខ្លះៗហើយ ពីគុណប្រយោជន៍ពីការបំបៅកូនដោយទឹកដោះ ប៉ុន្តែភាគតិចណាស់ដឹងអស់ ថាគុណប្រយោជន៍ទាំងនោះមានអ្វីខ្លះ? “Hello គ្រូពេទ្យ’ ពេលនេះ ចង់ប្រាប់ថា គុណប្រយោជន៍ មិនមែនសម្រាប់តែកូននោះទេ ម៉ាក់ៗក៏ទទួលបានប្រយោជន៍ពីការបំបៅដោះដូចគ្នា ហើយគុណប្រយោជន៍សំខាន់ៗ មានរៀបរាប់ខាងក្រោមនេះ។
កំពូលគុណប្រយោជន៍ពីការបំបៅកូនដោយទឹកដោះ ម៉ាក់ៗភាគតិចបានដឹង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- បេប៊ីកាន់តែមានសុខភាព
បេប៊ីបានបៅដោះម៉ាក់ៗ ទំនងមិនសូវមានបញ្ហាប្រព័ន្ធផ្លូវដង្ហើម ដូចជា ជំងឺរលាកសួត ជំងឺផ្ដាសាយ និងឆ្លងវីរុស ជាដើម។ ជាមួយគ្នាយើង បញ្ហាជំងឺរលាកក្រពះពោះវៀន ដូចជា រាករូស ក៏មិនសូវកើតមានដែរ ក្នុងចំណោមបេប៊ីបៅទឹកដោះម៉ាក់ៗ។
២- កាត់បន្ថយកត្តាប្រឈមជំងឺរយៈពេលវែង
បេប៊ី បៅទឹកដោះម៉ាក់ៗ មានកត្តាប្រឈមទាបឆ្លងជំងឺរ៉ាំរ៉ៃ ដូចជា ជំងឺទឹកនោមផ្អែមប្រភេទ ១ ជំងឺរលាកពោះវៀន (Celiac disease) និងជំងឺរលាកពោះវៀនរុាំរៃ (Crohn’s disease) ។
៣- អត្រាប្រឈមជំងឺស្លាប់ក្រោយក្នុងកម្រិតទាប (SIDS)
ជំងឺស្លាប់ក្រោយសម្រាល ឬ SIDS មានន័យថាជារោគសញ្ញាស្លាប់ភ្លាមៗ ក្នុងពេលកំពុងគេង បើទោះជាមើលទៅ ទារកហាក់បី ដូចជាមានសុខភាពល្អក៏ដោយ។ ប៉ុន្តែទឹកដោះម៉ាក់ៗ អាចកាត់បន្ថយការប្រឈមជំងឺ SIDS ដល់ទៅ ៥០% ឯណា។
៤- ហានិភ័យកើតជំងឺមហារីកទាប
ទឹកដោះម៉ាក់ៗ អាចការពារកូនពីជំងឺមហារីក ក្នុងវ័យកុមារបាន ខណៈម៉ាក់ៗវិញ ក៏ទទួលថប្រយោជន៍ពីរឿងនេះដូចគ្នា។ ម៉ាក់ៗបំបៅកូនដោយទឹកដោះ មិនងាយមានមហារីក និងមហារីកក្រពេញអូវែ នោះទេ។
៥- បេប៊ីទទួលប្រសិទ្ធភាពកាន់តែខ្ពស់ពីវ៉ាក់សាំង
ការសិក្សាបង្ហាញថា ទឹកដោះម៉ាក់ៗ មានអង់ទីក័រខ្ពស់ ធ្វើឲ្យកូនឆ្លើយតបបានល្អចំពោះការចាក់វ៉ាក់សាំង ជាងបេប៊ីបៅម្សៅទឹកដោះគោ។
៦- បេប៊ីស្លូត
ប៉ាម៉ាក់ណា មិនប្រាថ្នាបានកូនស្លូត គួរឲ្យស្រលាញ់? បើចង់បាន ទឹកដោះម៉ាក់ៗ ត្រូវបានគេអះអាងថា មានសារធាតុម៉្យាង ធ្វើទារកស្លូត ហើយជួយបេប៊ីគេងលក់ស្រួល។
អត្ថបទពាក់ព័ន្ធ៖
៧- អារម្មណ៍មានផាសុកភាព
បំបៅកូនដោយទឹកដោះ ជួយទាំងម៉ាក់ និងបេប៊ី មានភាពជិតស្និទ្ធស្នាលកាន់តែខ្លាំង ព្រោះសាច់ម៉ាក់ៗ ប៉ះនឹងសាច់បេប៊ី បង្កើតឲ្យមានទំនាក់ទំនងល្អ ហើយបេប៊ី ក៏មានអារម្មណ៍ថា មានសុវត្ថិភាព និងផាសុកភាពទៀតផង។
៨- បេប៊ីមិនប្រឈមជំងឺធាត់
ដោយសាររូបមន្តម្សៅទឹកដោះគោ ធ្វើទារកជាច្រើនកាន់តែឡើងគីឡូ ក៏ជាមូលហេតុ បេប៊ីបៅទឹកដោះម៉ាក់ៗ គឺមានទម្ងន់សមស្រប។
៩- ទឹកដោះម៉ាក់ៗជួយពង្រឹងសមត្ថភាពសតិបញ្ញាកូន
បំបៅកូនដោយទឹកដោះ ជួយកូនមាន IQ ខ្ពស់បំផុត ក្នុងវ័យកុមារភាព។ ទោះបីយ៉ាងណា មិនទាន់មានភស្តុតាងគ្រប់គ្រាន់ ដើម្បីរកឃើញហេតុផលច្បាស់លាស់ ថាពិត ឬយ៉ាងណាទេ ហើយការលើកឡើងនេះ កំពុងស្ថិតក្នុងការពិចារណានៅឡើយ។
១០- ជួយអោយធ្មេញស្អាត
ទឹកដោះម៉ាក់ៗ ជួយកាត់បន្ថយជំងឺដង្កូវស៊ីធ្មេញ និងពុកធ្មេញ ដោយមិនខ្វាយខ្វល់ត្រូវដាក់ដែកពត់ធ្មេញឲ្យត្រង់ពេលកូនធំឡើងដែរ។
១១- កាត់បន្ថយហានិភ័យកើតជំងឺមហារីកសុដន់មកនៅកម្រិតទាបបំផុត
បំបៅកូនដោយទឹកដោះ ពិតជាមានសារៈសំខាន់ចំពោះកូន ពិសេសកូនស្រី។ បៅកូនដោយទឹកដោះ ជួយឲ្យទារិកា ប្រឈមអត្រាកើតមហារីកសុដន់ ត្រឹមតែ ២៥% ប៉ុណ្ណោះពេលមួយជីវិត។ បំបៅកូនដោយទឹកដោះ ជាវិធីដ៏ល្អមួយក្នុងការចាប់ផ្ដើមធ្វើជាម៉ាក់ៗល្អ ពេញលក្ខណៈ ហើយទាំងម៉ាក់ៗ និងបេប៊ី ក៏ទទួលបានអត្ថប្រយោជន៍ដូចគ្នា។ មិនតែប៉ុណ្ណោះ ទឹកដោះម៉ាក់ៗ មានកម្ដៅសមស្រប បំពេញចិត្តបេប៊ី បៅទាំងសប្បាយរីករាយ។
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម