៣ ខែដំបូងការបំបៅកូនដោយទឹកដោះម្តាយ ឬដោយម្សៅទឹកដោះគោគឺអាចផ្តល់នូវសារធាតុចិញ្ចឹមដែលត្រូវការដល់កូន។ អ្នកមិនចាំបាច់ព្រួយបារម្ភពីអ្វីដែលមាននៅក្នុងតារាងនោះទេអ្នកគួរកត់សម្គាល់នៅអ្វីដែលកូនអ្នកបានបៅនៅចន្លោះពី ១ – ៣ ខែ។ កូនអាយុប៉ុណ្ណេះ តើគួរឲ្យបៅប៉ុន្មានល្អ?

១- បើបំបៅដោះកូន

ក្រោយកើតបានពីរបីសប្តាហ៍ដំបូង កូនអ្នកនឹងបៅតិច និងដេកច្រើន។ ត្រូវប្រាកដថា អាអូនបៅគ្រប់គ្រាន់ ដែលយើងអាចកត់សម្គាល់តាមរយៈការឡើងទំងន់ និងកន្ទបសើមទៀងទាត់។ ចលនាពោះវៀនក៏មានការថយចុះបន្ទាប់ពីកូនមានអាយុមួយខែដំបូង យើងក៏អាចកត់សម្គាល់ថាកូនយើងមិនមានចលនាពោះវៀនក្រោយពីបៅរាល់ដង ឬរាល់ថ្ងៃ។ បើក្រោយ ៣ ទៅ ៤ ថ្ងៃកូននៅតែគ្មានចលនាពោះវៀន យើងគួរតែទៅពិគ្រោះជាមួយគ្រូពេទ្យជាបន្ទាន់។

ក្នុងអំឡុងពេលនេះកូនអ្នកត្រូវការបៅញឹកញាប់ជាងមុនដែលជំរុញឲ្យរាងកាយរបស់ម្តាយបង្កើនការផលិតទឹកដោះ។ ហើយពេលខ្លះរាងកាយរបស់ម្តាយនឹងធ្វើឲ្យខ្លួនឯងមានតុល្យភាពរវាងតម្រូវការរបស់កូន និងការផ្គត់ផ្គង់។

ឪពុកម្តាយអាចផ្តល់វីតាមីន D ដល់កូនខ្លួនឯងបានតាមរយៈពន្លឺព្រះអាទិត្យនៅពេលព្រឹក ដោយពន្លឺព្រះអាទិត្យនៅពេកព្រឹកអាចផ្តល់នូវអត្ថប្រយោជន៍ជាច្រើនដល់កូន។ ក្រោយ ២ ខែគ្រូពេទ្យនឹងណែនាំអ្នកឲ្យបំបៅទឹកផ្លែឈើ ទឹកសុទ្ធ ឬសារធាតុរាវផ្សេងទៀតឲ្យកូន។

២- បើបំបៅម្សៅទឹកដោះគោ

គ្រូពេទ្យឯកទេសផ្នែកកុមារបានណែនាំដល់កូនអាយុហោចណាស់ ៣ ឬ ៤ សប្តាហ៍ ចាំឲ្យកូនបៅម្សៅទឹកដោះគោ។ ដោយសារតែរូបមន្តនៃម្សៅទឹកដោះគោគឺមានអាហារូបត្ថម្ភដែលទារកត្រូវការ និងស្រដៀងទៅនឹងទឹកដោះម្តាយ។

ដោយសារតែក្រពះរបស់ទារកមានទំហំតូច ដូច្នេះវាអាចផ្ទុកទឹកដោះគោបានតិចតួចតែប៉ុណ្ណោះ ហើយក៏ជាមូលហេតុដែលធ្វើឲ្យការរំលាយម្សៅទឹកដោះគោមានល្បឿនយឺត ដូច្នេះកូនអាចនឹងបៅតិចជាងពេលដែលបំបៅដោយទឹកដោះម្តាយ។ ក្នុងអំឡុងខែទី ២ អាអូនអាចបៅបានច្រើនហើយការសម្រាកក៏យូរជាងមុនដែរ។

ទោះបីជាការបំបៅកូនដោយម្សៅទឹកដោះគោមានភាពងាយស្រួល និងមានគុណសម្បត្តិតិចជាងការបំបៅកូនដោយទឹកដោះម្តាយក៏ដោយ អ្នកត្រូវតែប្រាកដថាដបដែលឲ្យកូនអ្នកបៅមានទំហំក្បាលសុដន់ និងលំហូរត្រឹមត្រូវ។ ការឆ្លក់អាចបង្កើនដល់ការឆ្លងមេរោគក្នុងត្រចៀក និងធ្មេញទារកបាន

អត្ថបទពាក់ព័ន្ធ

ម៉ាក់ប៉ាកុំចេះតែបណ្ដោយ! ឲ្យកូនម៉ឹមរហូតដល់ធំពេក ដូចធ្វើបាបកូនទៅវិញ
ទឹកដោះគោកូនម៉ឹមសល់ អាចទុកបានប៉ុន្មានម៉ោង?
ចង់ឲ្យកូនបៅម្សៅទឹកដោះគោ គួរស្វែងយល់ពីគុណវិបត្តិ និងគុណសម្បត្តិជាមុន

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

កូនអាយុ​ចន្លោះ​ពី ១-៣ ខែ គួរ​ឲ្យ​បៅ​​​ប៉ុន្មាន​​ល្អ?

កូនអាយុចន្លោះពី ១-៣ ខែ គួរឲ្យបៅប៉ុន្មានល្អ?