ការថែទាំទារកមិនមែនជារឿងងាយស្រួលឡើយ ហើយវាទាមទារឲ្យយើងមានភាពអំណត់អត់ធ្មត់ ក៏ដូចជាការប្ដេជ្ញាចិត្តខ្ពស់ ។ ពេលខ្លះ សកម្មភាពសាមញ្ញៗ និងទម្លាប់ប្រចាំថ្ងៃមួយចំនួន ក៏អាចបង្កជាហានិភ័យដល់សុខភាពរបស់ក្មេងផងដែរ។ ជាក់ស្ដែង ការផ្លុំអាហារមុនពេលបញ្ចុកទារក ក៏អាចបំផ្លាញដល់សុខភាពមាត់ធ្មេញរបស់ក្មេង មុនពេលដែលពួកគេដុះធ្មេញទៅទៀត។

១. ហេតុអ្វីទើបយើងត្រូវជៀសវាងផ្លុំអាហារឲ្យទារក?

ម៉ាក់ៗប្រហែលជាមានការភ្ញាក់ផ្អើលនៅពេលដឹងថា បាក់តេរីដែលបណ្ដាលឲ្យពុកធ្មេញ អាចចម្លងពីមនុស្សម្នាក់ទៅមនុស្សម្នាក់ទៀតបាន។ ប្រសិនបើយើងមានដង្កូវស៊ីធ្មេញ ហើយផ្លុំអាហារឲ្យទារកនោះ បាក់តេរីដែលចេញពីមាត់របស់យើង អាចចម្លងទៅកាន់ទារកបាន។ ជាទូទៅ កូនតូចមិនមានបញ្ហាធ្មេញប្រហោង បង្កឡើងដោយបាក់តេរី Streptococcus Mutans នៅពេលដែលពួកគេកើតមកនោះទេ។ ជាក់ស្ដែង បាក់តេរីមួយប្រភេទនេះ អាចធ្វើឲ្យកើតមានធ្មេញប្រហោង នៅពេលដែលវាបន្សល់ទុកអាស៊ីដដែលទៅប៉ះនឹងកម្ទេចកំទីដែលនៅជាប់ធ្មេញ។ យ៉ាងណាមិញ នៅពេលដែលទារកប៉ះពាល់ទៅនឹងបាក់តេរី ធ្មេញនឹងវិវត្តទៅជាប្រហោង នៅមុនពេលដែលទារកដុះធ្មេញទៅទៀត ព្រមទាំងក្លាយទៅជាបញ្ហាពុកធ្មេញថែមទៀតផង។

យោងទៅតាមការសិក្សាមួយបានបង្ហាញថា កុមារភាគច្រើនឆ្លងបាក់តេរី Streptococcus Mutans ពីម្ដាយរបស់ពួកគេ ហើយជាទូទៅ បាក់តេរីនេះសាយភាយ នៅពេលដែលប៉ាម៉ាក់ផ្លុំអាហារឲ្យកូនៗ ញ៉ាំអាហារដោយប្រើស្លាបព្រាតែមួយ និងថើបមាត់របស់ទារក។

ផ្លុំអាហារ២

២. ដើម្បីការពារសុខភាពមាត់ធ្មេញរបស់ទារក ប៉ាម៉ាក់គួរអនុវត្តន៍វិធីសាស្ត្រដូចខាងក្រោមនេះ

ព្យាយាមកុំផ្លុំអាហាររបស់ទារក និងមិនត្រូវប្រើប្រាស់ស្លាបព្រា ឬកែវទឹករួមគ្នាឡើយ។
អនុវត្តអនាម័យមាត់ធ្មេញឲ្យបានល្អ។
ជូតមាត់របស់ទារកជាញឹកញាប់ ជាមួយនឹងកំណាត់សើម ស្អាតល្អ ដើម្បីកុំឲ្យបាក់តេរីមានឱកាសលូតលាស់បាន។
ជូតអណ្ដាត ធ្មេញ និងថ្ពាល់របស់ទារកជាប្រចាំ។

ម៉ាក់​ៗ​ត្រូវ​ដឹង​! ផ្លុំ​អាហារ​ឲ្យកូនអាច​ចម្លង​មេរោគ​ដល់​​កូន

១.​ ហេតុ​អ្វី​ទើប​យើង​​ត្រូវ​ជៀសវាង​​ផ្លុំ​អាហារ​ឲ្យ​​ទារក​?

២. ​ដើម្បី​ការពារ​សុខភាព​មាត់​ធ្មេញ​របស់​ទារក​ ប៉ា​ម៉ាក់​គួរ​អនុវត្តន៍​វិធីសាស្ត្រ​ដូច​ខាងក្រោម​នេះ​

ម៉ាក់ៗត្រូវដឹង! ផ្លុំអាហារឲ្យកូនអាចចម្លងមេរោគដល់កូន

១. ហេតុអ្វីទើបយើងត្រូវជៀសវាងផ្លុំអាហារឲ្យទារក?

២. ដើម្បីការពារសុខភាពមាត់ធ្មេញរបស់ទារក ប៉ាម៉ាក់គួរអនុវត្តន៍វិធីសាស្ត្រដូចខាងក្រោមនេះ