នេះជាហេតុផល កូនយើងត្រូវការវីតាមីន និងសារធាតុរ៉ែជាចាំបាច់!

ប៉ាម៉ាក់ជាច្រើន ប្រហែលជាដឹងច្បាស់ ឬដឹងខ្លះៗ វីតាមីន និងសារធាតុរ៉ែល្អខ្លាំងចំពោះសុខភាពកូន ប៉ុន្តែភាគតិចណាស់ ដឹងពីមូលហេតុពិត សម្រាប់ក្មេង ត្រូវការអាហារមានវីតាមីន និងសារធាតុរ៉ែជាចាំបាច់។ បើទោះជាដឹង ប៉ាម៉ាក់ពិបាកសន្និដ្ឋាន កូនយើងទទួលបានវីតាមីន និងសារធាតុរ៉ែចាំបាច់គ្រប់គ្រាន់ហើយ ឬមិនគ្រប់គ្រាន់ដែរ? ហេតុនេះ “Hello គ្រូពេទ្យ’ នឹងបញ្ជាក់ខ្លះៗ អ្វីជាវីតាមីន និងសារធាតុរ៉ែ? មានមុខងារអ្វីខ្លះ ទើបសំខាន់សម្រាប់ក្មេងបែបនេះ។

១- អ្វីជាវីតាមីន និងសារធាតុរ៉ែ?

វីតាមីន ត្រូវគេបែងចែកជា ២ប្រភេទ មានវីតាមីនរលាយក្នុងទឹក និងវីតាមីនរលាយក្នុងខ្លាញ់។ វីតាមីនរលាយក្នុងខ្លាញ់ មានដូចជា វីតាមីន A D E និងK ត្រូវបានរំលាយដោយខ្លាញ់ និងរក្សាទុកក្នុងរាងកាយយើង ឯវីតាមីនរលាយក្នុងទឹក មានវីតាមីន C និង B ត្រូវការវត្តមានរបស់ទឹកទើបរលាយ និងស្រូបចូលក្នុងរាងកាយបាន។

ដោយសារតែបែបនេះហើយ ទើបរាងកាយយើងមិនអាចស្តុកទុកនូវវីតាមីនប្រភេទនេះបាន ហើយត្រូវការញ៉ាំចូលតាមរយៈចំណីអាហារជារៀងរាល់ថ្ងៃ។

សារធាតុរ៉ែ ជាសារធាតុអសរីរាង្គមានក្នុងទឹក និងដី ត្រូវបានស្រូបចូលដោយរុក្ខជាតិ ឬស៊ីដោយពពួកសត្វ ខណៈរាងកាយយើងម្នាក់ៗ ត្រូវការសារធាតុរ៉ែផ្សេងៗពីគ្នា។ ឧទាហរណ៍ រាងកាយត្រូវការជាតិកាល់ស្យូមខ្ពស់ ដើម្បីបំពេញមុខងារជារៀងរាល់ថ្ងៃ ចំណែកសារធាតុរ៉ែផ្សេងទៀត ដូចជា ក្រូមីញ៉ូម ទង់ដែង អ៊ីយ៉ូដ និងជាតិដែក គឺជាសារធាតុរាងកាយត្រូវការតិចតួចបំផុត។

អត្ថបទពាក់ព័ន្ធ៖

ម៉ាក់ប៉ាត្រូវដឹង! នេះវីតាមីនសំខាន់ៗបំផុត ក្មេងត្រូវការ ខានមិនបាន
ផ្លែឈើ ១១មុខ ល្អបំផុតសម្រាប់ពេលចាប់ផ្តើមផ្តល់អាហារដំបូងឲ្យកូន

២- វីតាមីន និងសារធាតុរ៉ែ មានមុខងារអ្វីខ្លះ?

មុខងារវីតាមីន និងសារធាតុរ៉ែ គឺដើម្បីពង្រឹងប្រព័ន្ធភាពស៊ាំ សម្រួលការលូតលាស់ និងជួយឲ្យកោសិកា ក៏ដូចជាសរីរាង្គដំណើរការបានល្អ។

– វីតាមីន A៖ ការ៉ុត មានជាតិការ៉ូទីនូអ៊ីត ដែលរាងកាយត្រូវការសម្រាប់សំយោគវីតាមីន A ហើយវីតាមីននេះ អាចជួយដល់ភ្នែក និងសំខាន់ក្នុងការលូតលាស់ឆ្អឹងសម្រាប់ក្មេងៗ រួមទាំងគំហើញផងដែរ។ មិនត្រឹមតែប៉ុណ្ណោះ សុខភាពរបស់កោសិកាក្នុងរាងកាយយើង ក៏ត្រូវការវីតាមីន A ដើម្បីការពារការបង្ករោគ ខណៈក្មេងអាយុចាប់ពី ៤ ឆ្នាំឡើង ត្រូវការវីតាមីន A យ៉ាងតិច ៤០០ មីក្រូក្រាម/ថ្ងៃ។

– វីតាមីន D៖ វីតាមីននេះ មានសារប្រយោជន៍ជួយដល់ការស្រូបយកជាតិកាល់ស្យូម។ វីតាមីន D ជាអ័រម៉ូនជួយពង្រឹងប្រព័ន្ធភាពស៊ាំ ផលិតអាំងស៊ុយលីន និងការលូតលាស់របស់កោសិកា។ ក្មេងអាយុចាប់ពី ៦ខែ ដល់ ៥ឆ្នាំ ត្រូវការវីតាមីន D ១០ មីក្រូក្រាម/ថ្ងៃ។

– កាល់ស្យូម៖ កាល់ស្យូម សំខាន់សម្រាប់ឆ្អឹង និងជួយធ្មេញរឹងមាំ ជួយដល់កំណកឈាម និងមុខងាររបស់សរសៃប្រសាទ និងសាច់ដុំ។ក្មេងអាយុចាប់ពី ៥ ឆ្នាំឡើងទៅ ត្រូវការជាតិកាល់ស្យូម ៧០០ មីក្រូក្រាម/ថ្ងៃ។

– ជាតិដែក៖ ជាតិដែក ត្រូវការដើម្បីផលិតអេម៉ូក្លូប៊ីន ការពារយើងពីជំងឺស្លេកស្លាំង ដែលជាមូលហេតុបណ្ដាលឲ្យអស់កម្លាំង និងភាពរញ៉ាំរញ៉ូវរបស់ក្មេង។ ប៉ុន្តែប៉ាម៉ាក់ ត្រូវចាំថា ញ៉ាំជាតិដែកច្រើនពេក អាចបណ្ដាលឲ្យក្មេងស្លាប់បាន ដូចនេះថ្នាំបំប៉នផ្សេងៗ ត្រូវដាក់ឲ្យឆ្ងាយពីដៃក្មេង ហើយត្រូវឲ្យកូនញ៉ាំក្នុងកម្រិតត្រឹមតែ ១០ មិល្លីក្រាមប៉ុណ្ណោះ ក្នុងមួយថ្ងៃ។

ដើម្បីទទួលបានវីតាមីន និងសារធាតុរ៉ែគ្រប់គ្រាន់ ប៉ាម៉ាក់ត្រូវផ្ដល់នូវអាហារច្រើនប្រភេទដល់កូន ក៏ដូចជា ថ្នាំគ្រាប់វីតាមីន និងអាហារបំប៉នផ្សេងៗទៀត។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

Editor HK

អត្ថបទដោយ យ៉ានណែត ដាញែល · កែ 21/10/2019

នេះជាហេតុផល កូនយើងត្រូវការវីតាមីន និងសារធាតុរ៉ែជាចាំបាច់!

១- អ្វី​ជា​វីតាមីន​ និង​សារធាតុ​រ៉ែ?

២- ​វីតាមីន​ និង​សារធាតុ​រ៉ែ​ មាន​មុខ​ងារ​អ្វីខ្លះ?

១- អ្វីជាវីតាមីន និងសារធាតុរ៉ែ?

២- វីតាមីន និងសារធាតុរ៉ែ មានមុខងារអ្វីខ្លះ?