អ្នកមានកូនតូច ពិតជាព្រួយបារម្ភចំពោះបញ្ហាឆ្លង COVID-19 ស្របពេលត្រូវចេញទៅធ្វើការ រកស៊ីនៅខាងក្រៅផ្ទះ។ តែលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានណែនាំវិធី ៣ យ៉ាងខាងក្រោយ ដើម្បីបង្ការមិនឲ្យមានបញ្ហាណាមួយឆ្លងទៅកូនតូចនៅផ្ទះ។
១- ទៅដល់ផ្ទះងូតទឹកសិន មុនប៉ះពាល់កូន
អារម្មណ៍ម៉ាក់ប៉ាឃ្លាតឆ្ងាយពីកូនពេញមួយថ្ងៃពិតជានឹករលឹក និងចង់បីបមថ្នាក់ថ្នមកូនភ្លាម ពេលបានមកដល់ផ្ទះ តែដើម្បីសុវត្ថិភាពកូន យើងត្រូវងូតទឹកដុសសាប៊ូ ផ្លាស់ប្តូរសម្លៀកបំពាក់ ឬលាងសម្អាតដៃជើង មុខមាត់ជាមុនសិន ចាំចូលទៅរកកូន។ ធ្វើបែបនេះមិនត្រឹមតែអាចការពារកូនពីមេរោគកាចសាហាវផ្សេងៗបាន។
២- ពាក់ម៉ាស់
ប្រសិនបើពេលវេលាមិនគ្រប់គ្រាន់ យើងត្រូវពាក់ម៉ាស់ ពាក់ស្រោមដៃ សិន មិនត្រូវប៉ះពាល់ចំណីអាហារ ឬទឹកដោះគោរបស់កូនឡើយ។ បន្ទាប់មកឆ្លៀតពេលវេលាទៅងូតទឹក សម្អាតខ្លួនជាមួយសាប៊ូ ទើបអាចកម្ចាត់មេរោគផ្សេងៗបាន។
៣- ត្រូវប្រាកដចិត្តថាមិនបានប៉ះពាល់អ្នកដទៃ
ចំពោះខ្លួនយើង យើងអាចដឹងបានថាមិនមានបញ្ហាអ្វីផ្សេងៗឡើយ តែអ្នកដទៃយើងមិនដឹងទេថា អ្នកទាំងនោះ ប៉ះពាល់ ឬមានជំងឺអ្វីខ្លះ។ ដូចនេះបើយើងចេញពីធ្វើការ ត្រូវប៉ះពាល់កូនជាចាំបាច់ ត្រូវប្រាកដចិត្តថាមិនបានជួប ឬប្រាស្រ័យស្និទ្ធស្នាលជាមួយអតិថិជន ភ្ញៀវ និងត្រូវតែរក្សាគម្លាតបានយ៉ាងល្អ ១ ម៉ែត្រកន្លះ។
អត្ថបទពាក់ព័ន្ធ៖
- ដំបូន្មានល្អៗ ជុំវិញវិធីបង្ការកូនពីវីរុស COVID-19
- ការព្យាបាលអ្នកជំងឺ COVID-19 ជា អាស្រ័យលើកត្តា ៣ យ៉ាង
- ដំណាក់កាលនេះ បើកូនឈឺ ត្រូវនាំទៅពេទ្យ កុំសំងំព្យាបាលនៅផ្ទះ
- ក្មេងៗបានចាក់វ៉ាក់សាំងផ្ដាសាយ អាចគេចផុតពីវីរុសកូរ៉ូណាថ្មីទេ?
- ៥ចំណុច ដោះស្រាយភាពតានតឹងរបស់កុមារ ក្នុងពេលផ្ទុះ COVID-19
- ក្រុមមនុស្សមួយប្រភេទនេះក៏ប្រឈមនឹងការឆ្លង COVID-19 ខ្ពស់ដែរ
- ចម្ងល់ម៉ាក់ៗ ស្របពេលផ្ទុះ COVID-19 តើគួរយកកូនទៅចាក់វ៉ាក់សាំងអត់?
- សម្រួលភាពតានតឹង អំឡុងការរាលដាលវីរុស COVID-19 ដោយវិធីទាំងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
