មិនមានតែរាកទេទើបម៉ាក់ប៉ាបារម្ភ បញ្ហាទល់លាមកក៏សំខាន់ និងទាមទារការយកចិត្តទុកដាក់ឲ្យបានខ្លាំងដែរចំពោះកូនតូច។ ដូចនេះយើងគួរតែយល់ដឹងពីវិធីសង្គ្រោះ និងដឹងពីមូលហេតុដែលបណ្ដាលឲ្យកូនមានបញ្ហានេះឡើង Helloគ្រូពេទ្យ សូមចែករំលែកវិធីទាំង ៣ នេះ ដើម្បីជួយ ហើយមិនចាំបាច់នាំកូនទៅជួបពេទ្យ។

១- ឲ្យកូនញ៉ាំទឹកឲ្យច្រើន

លោកវេជ្ជបណ្ឌិត ញឹប អង្គារបុស្ស នាយកមន្ទីរពេទ្យកុមារជាតិ បានឲ្យដឹងថា នៅពេលកូនមានបញ្ហាបែបនេះ គួរឲ្យផឹកទឹកឲ្យបានច្រើន ព្រោះទឹកគឺជាសារធាតុរាវ ដែលអាចបន្ទន់លាមកបាន។ នៅពេលលាមកប្រែជាទន់ កូនអាចបន្ទោបង់បានដោយមិនមានការឈឺចាប់ និងងាយស្រួលជាងមុនបាន។

អត្ថបទពាក់ព័ន្ធ៖រឿងពិតពាក់ព័ន្ធទល់លាមក មនុស្សភាគច្រើនអត់ដឹង

កុមារទល់លាមកHello_គ្រូពេទ្យ

២- ម៉ាស្សាពោះកូន

យើងគួរម៉ាស្សាចលនានៅម្ដុំពោះវៀនធំដែលមានទីតាំងនៅខាងក្រោមផ្នែកខាងឆ្វេង។ ការធ្វើបែបនេះក៏អាចមានប្រសិទ្ធភាពជួយឲ្យការបត់ជើងរបស់កូនបានស្រួលឡើងវិញដែរ។

៣- ថ្នាំសុល

ប្រសិនបើកូននៅតែយំ ព្រោះពិបាកជុះ ជម្រើសចុងក្រោយ គឺមានតែទិញថ្នាំយកមកសុលតាមគូទរបស់កូន ទើបអាចជួយដោះស្រាយបញ្ហានេះបាន។ ក្រោយពេលសុលបាន ១៥-៣០ នាទីកូនប្រាកដចង់ចូលបន្ទប់ទឹក។

វេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ

ដើម្បីការពារកុំឲ្យកូនតូចជួបបញ្ហានេះ យើងគួរតែឲ្យកូនផឹកទឹក និងញ៉ាំអាហារគ្រប់មុខ ជាពិសេសប្រភេទបន្លែបៃតង ផ្លែឈើ ដែលល្អចំពោះពោះវៀន និងក្រពះ ថែមទាំងជួយឲ្យកូនលូតលាស់បានល្អ។

ទល់លាមកអាចធ្ងន់ធ្ងរ និងគ្រោះថ្នាក់ដល់កូន ប្រសិនបើធ្វើវិធីខាងលើមិនបានជោគជ័យ ហើយការទល់លាមកអូសបន្លាយយូរ និងឧស្សាហ៍កើតមានឡើង បូករួមទាំងការឈឺចុកចាប់ជាប្រចាំទៀតនោះ វាអាចបង្កគ្រោះថ្នាក់ដល់ពោះវៀនកូន និងរលោករន្ធគូទ ព្រោះលាមកជាជាតិពុល ក្ដៅ រឹង ពេលនៅក្នុងពោះវៀនយូរពេកធ្វើឲ្យកូនក្ដៅខ្លួនសូមប្រញាប់ទៅជួបគ្រូពេទ្យ ។

ក្នុងករណីមានសំណួរឬមន្ទិលសង្ស័យជុំវិញសុខភាពអ្នកជម្រើសល្អបំផុតសូមពិគ្រោះនិងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬការព្យាបាលជូនទេ៕

៣ ក្បាច់​នេះ​អាច​ជួយ​កូន​តូច​ទល់​លាមក​បាន​យ៉ាង​ល្អ

៣ ក្បាច់នេះអាចជួយកូនតូចទល់លាមកបានយ៉ាងល្អ