ក្រួសក្នុងតម្រងនោមកើតមានជាទូទៅលើមនុស្សពេញវ័យ ទារក និងកុមារ ក៏អាចកើតមានជំងឺនេះដែរ។ ក្រួសក្នុងតម្រងនោមកើតឡើងជាញឹកញាប់ ហើយភាគច្រើនក្មេងប្រុសមានហានិភ័យខ្ពស់ក្នុងការកើតមានក្រួសក្នុងតម្រងនោមច្រើនជាងក្មេងស្រី។

អ្វីទៅជាក្រួសក្នុងតម្រងនោម?

ក្រួសនៅក្នុងបំពង់ទឹកនោមកកើតឡើងនៅក្នុងតម្រង់នោម នៅពេលដែលភាគល្អិតតូចៗរំលាយនៅក្នុងទឹកនោម ក្លាយជាឆ្អែតជ្រុល និងកកើតឡើងជាគ្រីស្តាល់តូចៗ។ គ្រីស្តាល់តូចៗទាំងនេះនឹងបន្តលូតលាស់ទៅជាគ្រីស្តាល់រឹងធំ ដែលស្រដៀងទៅនឹងខ្សាច់ ក្រួស ឬដុំថ្មតូចៗ។ ជាមួយគ្នានេះដែរ ក្រួសទាំងនេះនឹងរីកលូតលាស់ដូចជាគ្រាប់គុជគ្រើមដែលនៅក្នុងអ័យស្ទ័រ និងអាចបម្លាស់ទីជាមួយនឹងលំហូរទឹកនោមពីតម្រងនោមទៅក្នុងបង្ហួរនោម ដែលជាបំពង់តូចសម្រាប់នាំទឹកនោមពីតម្រងនោមទៅកាន់ប្លោកនោម។ នៅពេលដែលក្រួសជាប់គាំងនៅក្នុងបំពង់នេះ វាអាចបណ្ដាលឲ្យទឹកនោមត្រលប់មកនៅខាងក្រោយ ដែលបង្កទៅជាហើមបំពង់ និងតម្រងនោម។

ក្រួសតម្រងនោមអាចនាំឲ្យមានការឈឺចាប់ខ្លាំងនៅត្រង់ពោះ ឬនៅចំហៀង។ រោគសញ្ញាទូទៅផ្សេងទៀតនៃក្រួសតម្រងនោម រួមមានឈាមនៅក្នុងទឹកនោម ក្អួតចង្អោរ ពិបាកក្នុងការនោម ឬនោមញឹកញាប់។ ក្រួសមួយចំនួនពុំមានរោគសញ្ញាអ្វីឡើយ ដែលអាចរកឃើញតាមរយៈការថតកាំរស្មីប៉ុណ្ណោះ។ យ៉ាងណាមិញ ក្រួសអាចបណ្ដាលមកពីមូលហេតុផ្សេងៗគ្នា ហើយមូលហេតុទូទៅមួយចំនួនមានដូចជា៖

កង្វះជាតិទឹក
ញ៉ាំកម្រិតជាតិប្រៃខ្ពស់ ឬកត្តារបបអាហារផ្សេងទៀត
ឆ្លងមេរោគលើផ្លូវទឹកនោមរ៉ាំរ៉ៃ
ប្រើប្រាស់ថ្នាំមួយចំនួន
កាយវិភាគសាស្រ្តប្រព័ន្ធផ្លូវទឹកនោមខុសប្រក្រតី

ការវាយតម្លៃមេតាប៉ូលីសនៅក្នុងទឹកនោម និងការធ្វើតេស្តឈាមអាចបញ្ជាក់អំពីវត្តមានក្រួសតម្រងនោម ជាពិសេសចំពោះកុមារ ដើម្បីកំណត់ពីមូលហេតុនៃក្រួសតម្រងនោម។ ការដឹងពីមូលហេតុដែលបណ្ដាលឲ្យកើតមានក្រួសនេះ អាចជួយដល់ការព្យាបាលបែបវេជ្ជសាស្ត្រ និងការពារកុំឲ្យក្រួសវិលត្រលប់មកវិញម្ដងទៀត។

ក្រួសតម្រងនោម២

តើក្រួសតម្រងនោមដែលកើតឡើងចំពោះកុមារ ត្រូវព្យាបាលយ៉ាងដូចម្ដេច?

ចំពោះក្រួសតូចៗនៅក្នុងតម្រងនោម និងបំពង់ទឹកនោម អាចឆ្លងកាត់ទៅតាមទឹកនោម ដោយការញ៉ាំទឹកឲ្យបានច្រើន និងប្រើប្រាស់ថ្នាំជាក់លាក់មួយចំនួន។ ប៉ុន្តែក្រួសខ្លះទៀត គឺតម្រូវឲ្យធ្វើការបំបែក ឬយកចេញដោយការវះកាត់។

តើ​កុមារ​អាច​កើត​​ក្រួស​តម្រង​នោម​ដែរ​ឬ​អត់​?

អ្វី​ទៅ​ជា​ក្រួស​ក្នុង​តម្រង​នោម​?

តើ​ក្រួស​តម្រង​នោម​​ដែល​កើត​ឡើង​ចំពោះ​កុមារ ត្រូវ​ព្យាបាល​យ៉ាង​ដូច​ម្ដេច​?

តើកុមារអាចកើតក្រួសតម្រងនោមដែរឬអត់?

អ្វីទៅជាក្រួសក្នុងតម្រងនោម?

តើក្រួសតម្រងនោមដែលកើតឡើងចំពោះកុមារ ត្រូវព្យាបាលយ៉ាងដូចម្ដេច?