សំណ គឺជាលោហៈធ្ងន់មួយប្រភេទដែលអាចបង្កឲ្យពុល។ ការពុលជាតិសំណ គឺសំដៅលើកម្រិតសំណកើនឡើងនៅក្នុងឈាម (10 μg/dl ឬ ខ្ពស់ជាងនេះ)។ បើតាមអង្គការសុខភាពពិភពលោក (WHO) ការពុលសំណប៉ះពាល់ដល់ការវិវត្តរបស់ខួរក្បាល និងប្រព័ន្ធប្រសាទរបស់កុមារ ដែលនាំឲ្យពួកគេខ្សោយសតិបញ្ញា (Lower IQ) ជាងធម្មតា។

ខណៈថ្នាំមួយចំនួន ដែលផ្សំដីឥដ្ឋ មានជាតិសំណ បែបនេះហើយគ្រូពេទ្យមិនឲ្យក្មេងអាយុក្រោម ២ឆ្នាំ ប្រើ។ កម្រិតសំណចាប់ពី 5 μg/dl ឡើងទៅគឺចាត់ទុកថាវាមិនមានសុវត្ថិភាពចំពោះកុមារឡើយ។

កន្លងមានការផ្សព្វផ្សាយ ទាក់ទងនឹងថ្នាំ Diosmectite (Smecta) ដែលជាឱសថប្រើសម្រាប់ព្យាបាលជំងឺរាក មានសារធាតុសំណតិចតួចដែលអាចធ្វើអោយប៉ះពាល់ដល់សុខភាពរបស់អ្នកប្រើប្រាស់។ ជាការពិតទៅថ្នាំនេះ ពិតជាត្រូវបានក្រសួងសុខាភិបាលប្រទេសបារាំង ណែនាំពុំគួរប្រើចំពោះកុមារអាយុក្រោម២ឆ្នាំប៉ុណ្ណោះ ដោយវ័យនេះ កុមារគួរប្រើទឹកអូរ៉ាលីតជាជម្រើសដំបូងសម្រាប់ព្យាបាលជំងឺរាករូសទៅលើកុមារអាយុក្រោម២ឆ្នាំ ទៅតាមគោលការណ៍របស់អង្គការសុខភាពពិភពលោក(WHO) វិញ។

ដូច្នេះឪពុកម្តាយដែលមានកូនតូចទាំងអស់ឈប់បារម្ភទៀត ព្រោះឆ្លងកាត់តាមការស្រាវជា្រវ និងពិសោធបន្ថែមយ៉ាងស៊ីជម្រៅរបស់ក្រុមហ៊ុនផលិតឱសថ IPSEN បានរកឃើញថាសារធាតុសំណដែលមានក្នុង Smecta មានកម្រិតតិចតួចបំផុត ហើយមិនមានហានិភ័យអ្វីដល់សុខភាពក្មេងអាយុលើស២ឆ្នាំដែរ។ ម្យ៉ាងទៀត នៅក្នុងចំណីអាហារ និងទឹកដែលយើងបរិភោគរាល់ថ្ងៃក៏មានផ្ទុកសារធាតុសំណដ៏តិចតួចបំផុតនេះដែរ។

Smecta មិនត្រឹមតែបញ្ឈប់ការរាករូសខ្លាំងទេ តែថែមទាំងព្យាបាលមូលហេតុដែលបង្កឲ្យរាកផងដែរ ប៉ុន្ដែមិនគួរប្រើថ្នាំនេះដើម្បីព្យាបាលជំងឺរាករយៈពេលយូរ និងមិនត្រូវប្រើចំពោះក្មេងតូចៗអាយុក្រោម ២ឆ្នាំ ស្រ្ដីមានផ្ទៃពោះ និងស្ត្រីកំពុងបំបៅកូន។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ហេតុអីពេទ្យហាមមិនឲ្យប្រើថ្នាំមានជាតិសំណ លើក្មេងអាយុក្រោម២ឆ្នាំ?