អ្នកវិទ្យាសាស្រ្តហាក់មិនទាន់ស្របគ្នាពីឥទ្ធិពលវីរុស COVID-19 ក្រោយសិក្សាលើហ្សែន

ការសិក្សាទៅលើហ្សែនរបស់វីរុស COVID-19 ជាច្រើនបានបង្ហាញថាវីរុសមានការផ្លាស់ប្តូរហ្សែនដើម្បីសម្របខ្លួនទៅនឹងរាងកាយរបស់អ្នកដែលឆ្លងវីរុស។ អត្ថបទនេះនឹងបង្ហាញពីអ្វីដែលអ្នកជំនាញបានរកឃើញ និងថាតើអាចប៉ះពាល់ដល់ការបង្កើតវ៉ាក់សាំងឬយ៉ាងណា។

ការរកឃើញរបស់អ្នកវិទ្យាសាស្ត្រ

ដោយប្រើប្រាស់ទិន្នន័យ Global Initiative on Sharing All Influenza Data (GISAID) អ្នកវិទ្យាសាស្ត្រនៅមន្ទីរពិសោធន៍ Los Alamos នៅសហរដ្ឋអាមេរិកបានសិក្សាទៅលើការផ្លាស់ប្តូរហ្សែនរបស់វីរុសនៅផ្នែកស្រួចនៅលើសំបករបស់វីរុសកូរ៉ូណា (Spike)។ ការសិក្សាលើកដំបូងបានរកឃើញថាមានការផ្លាស់ប្ដូរហ្សែនចំនួន១៤ ដែលក្នុងនោះមានមួយឈ្មោះថា D614G និងគួរឲ្យព្រួយបារម្ភ ព្រោះថាអាចធ្វើឲ្យវីរុសកាន់តែងាយឆ្លង។

ក្រុមអ្នកវិទ្យាសាស្ត្រនៅសាកលវិទ្យាល័យឡុងដុងដ៍ (UCL) ប្រទេសអង់គ្លេសបានប្រើទិន្នន័យដូចគ្នានឹងសហរដ្ឋអាមេរិកដែរ ដោយបានសិក្សាទៅលើហ្សែននៃវីរុសពីអ្នកឆ្លងជាង៧ ៥០០នាក់ជុំវិញពិភពលោក។ អ្នកទាំងនោះរកឃើញថាវីរុសកូវីដ១៩មានការផ្លាស់ប្ដូរហ្សែនចំនួន១៩៨ ប៉ុន្តែការផ្លាស់ប្ដូរនេះមិនមានអ្វីគួរឲ្យបារម្ភទេ។

ការសិក្សាមួយទៀតនៅសាកលវិទ្យាល័យ Glasgow ប្រទេសអង់គ្លេសក៏បានសិក្សាវិភាគលើការផ្លាស់ប្ដូរហ្សែនរបស់វីរុសនេះដែរ និងរកឃើញថាការផ្លាស់ប្ដូរទាំងនេះមិនបានបង្កឲ្យវីរុសមានភាពខុសគ្នាទេ។

ដោយឡែកការសិក្សាលើកដំបូងរបស់ក្រុមអ្នកវិទ្យាសាស្ត្រចិនបានលើកឡើងថាមានវីរុសពីរប្រភេទដែលឆ្លងទៅលើមនុស្សចាប់តាំងពីវីរុស COVID-19 បានផ្ទុះឡើងនៅប្រទេសចិន និងមួយក្នុងចំណោមពីរប្រភេទនេះមានលក្ខណៈសាហាវ។

អត្ថបទពាក់ព័ន្ធ៖

តើវីរុស COVID-19 កាន់តែគ្រោះថ្នាក់មែនទេ?

លោក Lawrence Young សាស្ត្រាចារ្យផ្នែកម៉ូឡេគុលមហារីកនៅសាកលវិទ្យាល័យ Warwickប្រទេសអង់គ្លេសបាននិយាយថាខណៈដែលមានការសន្និដ្ឋានជាច្រើនទៅលើការផ្លាស់ប្តូរហ្សែនកើតមានវីរុសប្រភេទបង្កគ្រោះថ្នាក់ខ្លាំង លោកថាការសិក្សាជាច្រើនបង្ហាញថាមិនមានករណីនេះទេ។ វីរុសនេះគឺមិនមានការផ្លាស់ប្ដូរហ្សែនខ្លាំងទេ ហើយបច្ចុប្បន្នមិនទាន់មានភស្តុតាងណាបង្ហាញថាការផ្លាស់ប្ដូរហ្សែនមានផលប៉ះពាល់គួរឲ្យកត់សម្គាល់ដែរ។

អ្នកវិទ្យាសាស្ត្រនឹងធ្វើការសិក្សាទៅលើមុខងាររបស់ហ្សែន និងសិក្សាលម្អិតទៅលើការផ្លាស់ប្ដូរហ្សែនជាក់លាក់មួយថាតើការផ្លាស់ប្ដូរនេះប៉ះពាល់ដល់វីរុសយ៉ាងម៉េចខ្លះ។

តើការផ្លាស់ប្តូរហ្សែនរបស់វីរុសប៉ះពាល់ដល់ការបង្កើតវ៉ាក់សាំង និងថ្នាំព្យាបាលឬទេ?

ក្រុមវិទ្យាសាស្ត្រនៅប្រទេសអង់គ្លេស (UCL) បានរកឃើញថាការផ្លាស់ប្ដូរនេះគឺមិនបានផ្លាស់ប្តូរគ្រប់ហ្សែនទេ គឺមានការផ្លាស់ប្ដូរតែផ្នែកខ្លះប៉ុណ្ណោះ និងផ្នែកខ្លះមានលក្ខណៈខុសគ្នា។

អ្នកដឹកនាំការសិក្សានៅ UCL បានបន្តថាផ្នែកដែលមិនមានការផ្លាស់ប្តូរនៃវីរុសអាចជាគោលដៅដ៏ល្អសម្រាប់ការបង្កើតថ្នាំ និងវ៉ាក់សាំង។ យ៉ាងណាក៏ក្រុមអ្នកវិទ្យាសាស្រ្តសង្ឃឹមថាវីរុស COVID-19 នឹងមិនមានការផ្លាស់ប្ដូរហ្សែនខ្លាំងនៅថ្ងៃអនាគត។

អត្ថបទពាក់ព័ន្ធ:

កូរ៉េខាងត្បូង៖ ការរកឃើញករណីលាប់ជាថ្មីនៃ COVID-19 អាចមកពីបញ្ហាឧបករណ៍តេស្ត
មកពីបែបនេះ ទើបស្ត្រីឆ្លង COVID-19 នៅបន្ទាយមានជ័យ បុរសនៅកំពង់ឆ្នាំង ព្យាបាលយូរហើយ តែមិនទាន់ជា
ការសិក្សាថ្មីរកឃើញថាថ្នាំប្រឆាំងកំណកឈាមមានប្រសិទ្ធភាពលើអ្នកជំងឺឆ្លងវីរុស COVID-19

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ថាត់ រ័ត្នមូនីតា · កែ 08/05/2020

អ្នកវិទ្យាសាស្រ្តហាក់មិនទាន់ស្របគ្នាពីឥទ្ធិពលវីរុស COVID-19 ក្រោយសិក្សាលើ​ហ្សែន

ការ​រកឃើញ​របស់​អ្នក​វិទ្យាសាស្ត្រ

តើ​វីរុស COVID-19 កាន់តែ​គ្រោះថ្នាក់​មែនទេ?

តើ​ការ​ផ្លាស់ប្តូរ​ហ្សែន​របស់​វីរុសប៉ះពាល់​ដល់​ការ​បង្កើត​វ៉ាក់សាំង និង​ថ្នាំ​ព្យាបាល​ឬទេ?

អ្នកវិទ្យាសាស្រ្តហាក់មិនទាន់ស្របគ្នាពីឥទ្ធិពលវីរុស COVID-19 ក្រោយសិក្សាលើហ្សែន

ការរកឃើញរបស់អ្នកវិទ្យាសាស្ត្រ

តើវីរុស COVID-19 កាន់តែគ្រោះថ្នាក់មែនទេ?

តើការផ្លាស់ប្តូរហ្សែនរបស់វីរុសប៉ះពាល់ដល់ការបង្កើតវ៉ាក់សាំង និងថ្នាំព្យាបាលឬទេ?