២៣ នាក់​ វិជ្ជមានកូវីដ ១៩ ពាក់ព័ន្ធព្រឹត្តិការណ៍សហគមន៍

មានករណីវិជ្ជមានកូវីដ ១៩ ថ្មី ចំនួន​ ២៣នាក់ និងមានករណីជាសះស្បើយ ចំនួន ៥នាក់។ បើតាមសេចក្តីប្រកាសរបស់ក្រសួងសុខាភិបាល អ្នកឆ្លងកូវីដ ១៩ ទាំង ២៣នាក់នោះសុទ្ធតែជាអ្នកពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ។

គិតត្រឹមព្រឹកថ្ងៃទី៥ មីនា នេះ សរុបតួលេខអ្នកឆ្លងកូវីដ ១៩ ក្នុងព្រឹត្តិការណ៍សហគមន៍ ២០ កុម្ភៈ កើនឡើងដល់ ៤២៥នាក់។ ដោយឡែកស្ថានភាពជំងឺកូវីដ ១៩ ​នៅទូទាំងប្រទេស មានអ្នកឆ្លងសរុបចំនួន ៩៣២នាក់ ក្នុងនោះព្យាបាលជាសះស្បើយ ៤៨៩នាក់ និងកំពុងសម្រាកព្យាបាល ៤៤២នាក់។