រដ្ឋបាលខេត្តពោធិ៍សាត់បានជូនដំណឹងពីការឃើញករណីវិជ្ជមានកូវីដ ១៩ លើពលរដ្ឋ ចំនួន៣នាក់ វិជ្ជមានកូវីដ ១៩ នៅថ្ងៃទី០៥ េមសា ២០២១។ អ្នកវិជ្ជមានកូវីដទាំង ៣នាក់នោះ មានស្ត្រីពពោះដល់ទៅ ២នាក់។
១. ស្ត្រីអាយុ ៣០ឆ្្នាំ មានផ្ទៃពោះ ៩ខែ រស់នៅភូមិក្បាលហុង សង្កាត់ផ្ទះព្រៃ ក្រុងពោធិ៍សាត់ ជាពលករមកពីតំបន់សេដ្ឋកិច្ចពិសេស កំបូល ភ្នំពេញ
២. ស្ត្រីអាយុ ១៩ឆ្នាំ មានផ្ទៃពោះ ៦ខែ រស់នៅភូមិរហាទិល ឃុំតាលោ ស្រុកតាលោសែនជ័យ មកពីខេត្តព្រះសីហនុ
៣. បុរសអាយុ ៣០ឆ្នាំ រស់នៅភូមិក្រសាំព្នៅ ឃុំក្រពើពីរ ស្រុកវាលវែង។
ស្ត្រីជាម្តាយបើកើតកូវីដ ១៩ អាចចម្លងទៅកូនដែរទេ?
តាមការសិក្សាពីសាកលវិទ្យាល័យ California San Francisco បានរកឃើញថា ទារកភាគច្រើន ដែលមានម៉ាក់ៗកើតកូវីដ១៩ គឺមានសុខភាពល្អធម្មតា គិតត្រឹមពេលដែលអាអូនកើតបានចន្លោះអាយុ ៦-៨សប្ដាហ៍។ ខណៈដែលការស្រាវជ្រាវនេះកំពុងតែបន្ត ការរកឃើញនេះ ក៏អាចធ្វើឲ្យគ្រួសារដែលកើតកូវីដ១៩ មានក្តីសង្ឃឹមផងដែរ។
បើយោងតាមការសិក្សាលើទារកចំនួន ២៦៣នាក់ ដែលមានម៉ាក់ៗចូលរួមនៅក្នុងការចុះឈ្មោះអំពីលទ្ធផលនៃមេរោគកូវីដលើស្ត្រីមានទម្ងន់ (PRIORITY) ដែលការសិក្សានេះ ផ្ដោតលើស្ត្រីដែលបានបញ្ជាក់ថាកើតជំងឺកូវីដ១៩ ឬកំពុងស្ថិតក្នុងការសង្ស័យ។
លទ្ធផលបានបង្ហាញថា អត្រាប្រេវ៉ាឡង់នៃបញ្ហាទារកកើតមិនគ្រប់ខែ និងជំងឺផ្លូវដង្ហើម គឺមិនមានភាពខុសគ្នារវាងទារកដែលកើតពីម៉ាក់ៗចំនួន១៧៩នាក់ ដែលវិជ្ជមានជំងឺកូវីដ១៩ អំឡុងពេលមានផ្ទៃពោះ និងម៉ាក់ៗចំនួន៨៤នាក់ផ្សេងទៀត ដែលអវិជ្ជមានជំងឺកូវីដឡើយ។
ជាមួយគ្នានេះដែរ មានទារកចំនួន២នាក់ (១,១%) ដែលមានម៉ាក់ៗ វិជ្ជមានកូវីដ១៩ ក៏កើតមានជំងឺកូវីដ១៩នេះដែរ។ ទារកម្នាក់ពុំមានបញ្ហាសុខភាពនោះទេ រីឯទារកម្នាក់ទៀតកើតមិនគ្រប់ខែ និងមានបញ្ហាសុខភាពធ្ងន់ធ្ងរ (ឧទាហរណ៍ ជំងឺខ្វះគ្រាប់ឈាមក្រហម)។ ប៉ុន្តែបញ្ហានេះ ត្រូវបានគេណែនាំថា គឺជារឿងធម្មតាសម្រាប់ទារកដែលកើតនៅអាយុ២៦សប្ដាហ៍ប៉ុណ្ណោះ ហើយទារកទាំង២នោះ ពុំត្រូវបានសម្រាកព្យាបាលសារជាថ្មីឡើយ នៅក្នុងអំឡុងពេលតាមដាននេះ។
ក្នុងចំណោមម៉ាក់ៗដែលវិជ្ជមានកូវីដ១៩ អ្នកដែលត្រូវបានធ្វើរោគវិនិច្ឆ័យឃើញនៅពីរសប្ដាហ៍ចុងក្រោយនៃការមានគភ៌ ទំនងជាកូនកើតមិនគ្រប់ខែ ហើយទារកក៏ត្រូវបញ្ជូនទៅផ្នែកថែទាំពិសេសផងដែរ។ ប៉ុន្តែទារកទាំងនោះមានសុខភាពល្អជាធម្មតា នៅពេលដែលពួកគេមានកើតបានអាយុ៦ ទៅ៨សប្តាហ៍។
[embed-health-tool-bmi]
