នៅរសៀលថ្ងៃទី១៦ មេសា នេះ សម្តេចនាយករដ្ឋមន្ត្រី ហ៊ុន សែន បានចេញសារបន្ទាន់ថ្មីមួយទៀត ពាក់ព័ន្ធនឹងការបិទខ្ទប់ភ្នំពេញ និងក្រុងតាខ្មៅ ដោយបញ្ជាទៅកាន់អាជ្ញាធរ និងសមត្ថកិច្ចគ្រប់ជាន់ថ្នាក់ ត្រូវតែអនុវត្តវិធានការឱ្យបានតឹងរឺងបំផុត មិនឱ្យមានការធ្វើដំណើរឆ្លងពីផ្ទះមួយទៅផ្ទះមួយ ឬពីភូមិមួយទៅភូមិមួយនោះឡើយ។
“ពេលនោះគឺនៅផ្ទះណាត្រូវនៅផ្ទះនោះ នៅភូមិណាត្រូវនៅភូមិនោះ នៅទីកន្លែងណាគឺនៅទីកន្លែងនោះ ក្នុងរយៈពេល ១៤ថ្ងៃ ករណីនោះគឺលើកលែងករណីមួយចំនួន ប៉ុន្តែមិនមែនចេះតែលើកលែងនោះទេ ដូច្នេះសូមប្រជាពលរដ្ឋទ្រាំទ្រការលំបាក ក្នុងពេលប្រទេសជាតិជួបការលំបាក”។
ក្នុងសារសំឡេងនេះសម្តេចតេជោ បានកត់សម្គាល់ឃើញថា រយៈពេលពីរថ្ងៃនៃការបិទខ្ទប់រាជធានីភ្នំពេញ និងក្រុងតាខ្មៅនេះ នៅតែមានប្រជាពលរដ្ឋធ្វើដំណើរ។ សម្តេចនាយករដ្ឋមន្ត្រី បញ្ជាដាច់ណាត់មិនឲ្យពលរដ្ឋចេញពីទីក្រុងភ្នំពេញ ហើយក៏មិនអនុញ្ញាតឲ្យមនុស្សទៅស្រុកហើយត្រលប់មកវិញ ដើម្បីចូលក្រុងភ្នំពេញដែរ។
[embed-health-tool-bmi]
