រោគសញ្ញាវីរុសបំប្លែងកូវីដ-១៩ អាចនៅមិនទាន់បែងចែកឲ្យដាច់ស្រួលបួលពីជំងឺកូវីដ ១៩ ធម្មតាបាននៅឡើយ។ ប៉ុន្តែមានរោគសញ្ញាមួយចំនួនដែលពពួកវីរុសបំប្លែងកូវីដ-១៩ លេចឡើងពេលឆ្លង គ្នាយើងអាចកំណត់ចំណាំបានដោយខ្លួនឯង។
មាតិកា
កំណត់ចំណាំ! រោគសញ្ញាវីរុសកូវីដ-១៩ បំប្លែងថ្មី ទាំង៣ប្រភេទ
រោគសញ្ញាវីរុសបំប្លែងកូវីដ-១៩ ចំនួន ៣ធំៗ
១. វីរុសបំប្លែងថ្មី Delta
វីរុសបំប្លែងថ្មី Delta ត្រូវបានគេកំណត់ដំបូងក្នុងប្រទេសឥណ្ឌានៅខែធ្នូ ឆ្នាំ ២០២០នេះ ហើយរកឃើញជាលើកដំបូងនៅប្រទេសកម្ពុជាយើងក្នុងខែមិថុនា ឆ្នាំ ២០២១ ។ វាមានសភាពឆ្លងលឿន និងមានភាពកាចសាហាវជាងជំងឺកូវីដ-១៩ ធម្មតា បើតាមការសិក្សាកន្លងមកសង្កេតឃើញថា រោគសញ្ញាវីរុសបំប្លែង Delta មានភាពខុសគ្នារវាងអ្នកចាក់វ៉ាក់សាំងរួច និងអ្នកមិនទាន់ចាក់វ៉ាក់សាំងនៅពេលឆ្លងវីរុសបំប្លែងនេះដូចជា៖
- អ្នកចាក់វ៉ាក់សាំងរួច៖ ឈឺក្បាល ហៀរសម្បោរ កណ្ដាស់ និងឈឺ ឬរមាស់ក និងមិនសូវមានរោគសញ្ញាកូវីដ-១៩ ធម្មតាកើតឡើងទេរួមមាន ហិតមិនដឹងក្លិន ញ៉ាំមិនដឹងរសជាតិ ក្ដៅខ្លួន និងដង្ហក់។
- អ្នកមិនទាន់ចាក់វ៉ាក់សាំង៖ ឈឺក្បាល ហៀរសម្បោរ ក្ដៅខ្លួន ក្អកញឹកញាប់ និងរោគសញ្ញាដូចកូវីដ-១៩ធម្មតាផ្សេងទៀត។
២. វីរុសបំប្លែងថ្មី Alpha
វីរុសបំប្លែងថ្មី Alpha ត្រូវបានរកឃើញដំបូងនៅចក្រភពអង់គ្លេស ហើយវាក៏ជាប្រភេទវីរុសបំប្លែងកូវីដ-១៩ ដែលអង្គការសុខភាពពិភពលោក (WHO) មានការព្រួយបារម្ភ ខ្លាចរាលដាលខ្លាំង។ ចំពោះរោគសញ្ញារបស់វីរុសបំប្លែងប្រភេទនេះដែលយើងគួរកត់ចំណាំមាន៖
- គ្រុនក្តៅ (៣៧.៥អង្សាសេឡើង)
- ឈឺក
- ដកដង្ហើមខ្លី
- ឈឺចុកចាប់លើរាងកាយ និងឈឺក្បាល
- មិនសូវដឹងរសជាតិអាហារ ឬ ច្រមុះមិនសូវដឹងក្លិន
៣. វីរុសបំប្លែងថ្មី Beta
វីរុសកូវីដ-១៩ បំប្លែងថ្មីប្រភេទនេះ រកឃើញជាលើកដំបូងនៅអាហ្វ្រិកខាងត្បូងក្នុងខែធ្នូ ឆ្នាំ ២០២០។ ក្នុងចំណោមវីរុសបំប្លែងថ្មី ចំនួន ៤ ប្រភេទដែល WHO ព្រួយបារម្ភក្នុងនោះក៏មានវីរុសបំប្លែង Beta ដែរ។ ចំណែករោគសញ្ញាវីរុសបំប្លែងប្រភេទនេះមានដូចជា៖
- ឈឺក
- រាគរូស
- ឈឺក្បាល
- ភ្នែកឡើងក្រហម
- អណ្ដាតលែងដឹងរសជាតិ
- ច្រមុះហិតមិនដឹងក្លិន
- ឡើងកន្ទួលបរិវេណស្បែក
- ម្រាមដៃម្រាមជើងប្រែពណ៌ខុសប្រក្រតី
យើងគ្រប់គ្នា គួរតែបន្តការពារខ្លួនឲ្យបានល្អពីវីរុសកូវីដ-១៩ នេះ មិនថា ចាក់វ៉ាក់សាំងហើយ ឬមិនទាន់ចាក់នោះទេ យើងនៅតែអាចឆ្លង និងចម្លងវីរុសនេះទៅកាន់មនុស្សជាទីស្រលាញ់ក្បែរខ្លួន ដូចនេះ ចាំបាច់ត្រូវបន្តអនុវត្តវិធានការ ៣កុំ ៣ការពារ។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.everydayhealth.com/coronavirus/why-the-delta-variant-is-a-new-covid-19-threat-and-how-to-stay-safe/
https://www.bhf.org.uk/informationsupport/heart-matters-magazine/news/coronavirus-and-your-health/covid-variant
https://www.who.int/en/activities/tracking-SARS-CoV-2-variants/
កំណែប្រែបច្ចុប្បន្ន
13/07/2021
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម