Bilateral Vasectomy (កាត់បំពង់មេជីវិតទាំងសងខាង)

ចំណេះដឹងមូលដ្ឋាន

១- តើអ្វីជាការកាត់បំពង់មេជីវិតឈ្មោលទាំងសងខាង?

វះកាត់បំពង់មេជីវិត(Vasectomy) គឺជាវិធីពន្យារកំណើតជាអចិន្រ្តៃយ៍សម្រាប់បុរស។ វិធីនេះគឺគេកាត់បំពង់បង្ហូរទឹកកាមទាំងពីរដែលជាផ្លូវនាំមេជីវិតឈ្មោលពីពងស្វាសទៅលិង្គ នាំឲ្យមេជីវិតឈ្មោលមិនអាចលាយចូលជាមួយទឹកកាមបាន ហើយមិនអាចរួមបញ្ជូលគ្នាជាមួយមេជីវិតញីបានដើម្បីធ្វើការបង្កកំណើត ដែលនេះគឺជាមធ្យោបាយក្នុងការពន្យាកំណើតរបស់មនុស្សប្រុស។

Bilateral Vasectomy (កាត់បំពង់មេជីវិតទាំងសងខាង)

២- តើការកាត់បំពង់មេជីវិតឈ្មោលទាំងសងខាងធ្វើឡើងដើម្បីអ្វី?

នៅពេលដែលយើង និងដៃគូមិនចង់ប្រើវិធីពន្យារកំណើតដទៃទៀត យើងអាចពិចារណាពីការធ្វើវះកាត់បំពង់មេជីវិតឈ្មោលទាំងសងខាងនេះ។

ដឹងពីកត្តាប្រឈម

១- កត្តាប្រឈមមានអ្វីខ្លះ?

ការវះកាត់នេះមិនកាត់បន្ថយសមត្ថភាពផ្លូវភេទ អារម្មណ៍ផ្លូវភេទ និងការបញ្ចេញទឹកកាមទេ។ បរិមាណទឹកកាមក្នុងអំឡុងពេលដល់ចំណុចកំពូលក៏មិនបានថយចុះដែរ អ្វីដែលផ្លាស់ប្តូរតែមួយគត់គឺមិនមានមេជីវិតឈ្មោលតែប៉ុណ្ណោះ។

ការវះកាត់នេះ គឺមានសុវត្ថិភាព និងមានប្រសិទ្ធភាព ប៉ុន្តែគ្នាយើងក៏ត្រូវដឹងអំពីផលវិបាកដែលអាចកើតមានដែលមុននឹងធ្វើការសម្រេចចិត្ត។

វាជារឿងសំខាន់ណាស់ក្នុងការយល់ពីហានិភ័យ និងផលវិបាកមុនពេលវះកាត់។ ប្រសិនបើយើងមានសំណួរសូមពិគ្រោះជាមួយគ្រូពេទ្យដើម្បីទទួលបានព័ត៌មានបន្ថែម។

យល់ដឹងនូវអ្វីដែលបានកើតឡើង

១-តើត្រូវរៀបចំដូចម្តេចសម្រាប់ការវះកាត់នេះ?

ការវះកាត់ធ្វើឡើងក្រោមការប្រើថ្នាំសន្លប់ ឬថ្នាំស្ពឹក។ មុនពេលធ្វើការវះកាត់ នឹងមានការកោររោមប្រដាប់ភេទដោយប្រុងប្រយ័ត្នក្រោមការណែនាំរបស់គ្រូពេទ្យ បន្ទាប់មកយើងត្រូវលាងសម្អាតកន្លែងដែលកោរ។ យើងអាចញ៉ាំអាហារពេលព្រឹកបានតិចតួចប្រសិនបើយើងឃ្លាន។ ជាមួយគ្នានោះដែរ យើងក៏ត្រូវយកថង់មួយហើយដាក់ទឹកកកឲ្យពេញដើម្បីយកមកស្អំពងស្វាសនៅពេលអ្នកធ្វើការវះកាត់ វាជាការល្អបំផុតបើមាននរណាម្នាក់នៅកំដរយើង។

២- តើមានអ្វីកើតឡើងអំឡុងពេលវញកាត់?

ការវះកាត់ជាធម្មតាចំណាយពេលពី ១៥ ទៅ ២០ នាទី។ គ្រូពេទ្យវះកាត់នឹងវះស្នាមតូចមួយនៅផ្នែកម្ខាងនៃពងស្វាសរបស់យើង។ ជួនកាលគ្រូពេទ្យវះតែមួយនៅចំកណ្តាលនៃពងស្វាស រួចគ្រូពេទ្យនឹងកាត់បំពង់បង្ហូរទឹកកាមដែលហូរពីពងស្វាសទៅលិង្គ ហើយដេរបិទចុងទាំងពីរដើម្បីកុំឲ្យបំពង់តភ្ជាប់គ្នាទៀត។

ប្រសិនបើគ្នាយើងមានសំណួរ ឬកង្វល់សូមពិគ្រោះជាមួយវេជ្ជបណ្ឌិត ឬគ្រូពេទ្យវះកាត់ដើម្បីទទួលបានព័ត៌មានបន្ថែម។

ការជាសះស្បើយ

១-តើមានអ្វីកើតឡើងបន្ទាប់ពីការវះកាត់?

ក្រោយការវះកាត់យើងអាចត្រលប់ទៅផ្ទះវិញបាននៅថ្ងៃដដែល។ ឯពងស្វាសរបស់យើងអាចឈឺប្រហែលជាពីរទៅបីថ្ងៃ។យើងក៏អាចត្រលប់ទៅធ្វើការវិញបានបន្ទាប់ពីពីរបីថ្ងៃក្រោយ (ឬមួយសប្តាហ៍ប្រសិនបើយើងជាអ្នកធ្វើការងារធ្ងន់ហើយខ្លាំង) ។

ការធ្វើលំហាត់ប្រាណទៀងទាត់អាចជួយយើងឲ្យត្រលប់ទៅរកសកម្មភាពធម្មតាវិញបានឆាប់។ មុនពេលយើងចាប់ផ្តើមហាត់ប្រាណសូមពិភាក្សាជាមួយគ្រូពេទ្យជាមុនសិន។

គ្រូពេទ្យនឹងយកគំរូទឹកកាមមួយ ឬពីរបន្ទាប់ពីយើងបានធ្វើការបញ្ចេញទឹកកាម ២០ ដងក្រោយការវះកាត់។ គំរូទាំងនេះគឺយកដើម្បីពិនិត្យមើលថានៅមានមេជីវិតឈ្មោលទៀតដែរឬទេ។

វាមានផលវិបាកមួយចំនួនដែលយើងត្រូវដឹងមុន។ ផលវិបាកទាំងនោះមាន៖

– ឈឺចាប់

– ហូរឈាម

– មានការបង្ករោគនៅកន្លែងដែលវះ (របួស) ឬមានការឆ្លងមេរោគទៅពងស្វាស។

ផលវិបាកជាក់លាក់មាន៖

– អាចនៅមានកូនបាន

– ឈឺលិង្គរយៈពេលយូរ

– Congestive epididymitis

– Sperm granuloma.

ក្នុងករណីមានសំណួរ ឬមន្ទិលសង្ស័យជុំវិញផលវិបាកនេះ ជម្រើសល្អបំផុតសូមពិគ្រោះ និងប្រឹក្សាយោបល់ជាមួយគ្រូពេទ្យសម្រាប់ព័តមានផ្សេងៗ។

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Chorn Sophearom · កែ 04/09/2020

Bilateral Vasectomy (កាត់បំពង់មេជីវិតទាំងសងខាង)

ចំណេះដឹង​មូល​ដ្ឋាន

ដឹង​ពី​កត្តា​ប្រឈម

យល់ដឹងនូវអ្វីដែលបានកើតឡើង

ការជាសះស្បើយ

ចំណេះដឹងមូលដ្ឋាន

ដឹងពីកត្តាប្រឈម