តើអ្វីទៅជាមហារីកថ្លើមរាលដាល?
មហារីកថ្លើមមាន២ប្រភេទ៖ប្រភេទកើតលើថ្លើមផ្ទាល់និងដំណាក់កាលរាលដាលពីប្រភពដទៃ។ ភាពខុសគ្នារបស់វាគឺមហារីកដែលទាក់ទងនឹងកោសិកាថ្លើមដែលកើតក្នុងថ្លើម។ប៉ុន្តែពេលខ្លះមហារីកថ្លើមអាចរាលដាលមកពីប្រភពដទៃក៏មានដែរ ដែលមិនមែនចេញពីសរីរាង្គថ្លើមខ្លួនឯងផ្ទាល់ដោយសារវាបណ្ដាលមកពីកោសិកាមហារីកចេញពីក្នុងខ្លួនយើងត្រង់កន្លែងណាមួយដែលបង្កទៅជាមហារីករាលដាលនេះឡើង។
មហារីកថ្លើមរាលដាលដែលឧស្សាហ៍ជួបប្រទះជាងគេគឺបណ្ដាលមកពីសួត,សុដន,ពោះវៀនធំ,លំពែង,ឬក្រពះជាដើម។មហារីកឈាមនិងក្រពេញទឹករងៃដែលហៅថា Hodgkin’s disease អាចមានទំនាក់ទំនងជាមួយថ្លើមដែរ។ហើយវាក៏អាចបណ្ដាលមកពីមហារីកដទៃទៀតដូចជាមហារីកកន្សោមពងលើស្ត្រី,មហារីកស្បូននិងស្បែកជាដើម។មហារីករាលដាលទៅថ្លើមដោយសារវាជាកន្លែងចម្រោះរបស់រាងកាយហើយវាកើនចំនួនមិនឈប់ឈរពីកោសិកាដើមហើយជ្រាតចូលក្នុងសរសៃឈាម។
ប្រសិនបើព្យាបាលក្នុងដំណាក់កាលដំបូងទាន់ពេលក៏ដោយក៏មហារីករាលដាលទៅលើថ្លើមនៅតែអាចកើតមានប៉ុន្មានឆ្នាំក្រោយ។ប្រសិនអ្នកមានជំងឺមហារីកកន្លែងណាមួយក៏ដោយគួរគប្បីទៅពិនិត្យស្វែងរកការរាលដាលទៅដល់ថ្លើមឲ្យបានទៀងទាត់។
រោគសញ្ញា៖
នៅដំណាក់កាលដំបូងគឺមិនសូវមានរោគសញ្ញាឬមិនមានរោគសញ្ញាតែម្ដងតែអាចមានខ្លះៗដូចជា៖
- ស្រកទម្ងន់
- បាយមិនសូវបាន
- មានក្ដៅខ្លួន
តែសញ្ញាទាំងនេះអាចងាយច្រឡំជាមួយនឹងរោគដទៃទៀត។
ការរីកទំហំនិងការឡើងក្រិននៃសាច់ថ្លើមគឺជាសញ្ញាដែលបង្ហាញថាមានកើតមហារីកហើយ។នៅក្នុងអំឡុងពេលនេះអ្នកជំងឺអាចមានអារម្មណ៍ថាមិនសូវស្រួលពោះផ្នែកខាងលើស្ដាំនៃពោះ។
វាអាចមានការឡើងខាន់លឿងនៅដំណាក់កាលដំបូងនៃជំងឺ។ប៉ុន្តែយូរៗទៅឈានដល់ដំណាក់កាលបន្ទាប់ហើយការឡើងលឿងគឺជៀសមិនផុតដោយសារមានការស្ទះរន្ធទឹកប្រមាត់ដែលចេញពិថ្លើមចូលទៅក្នុងពោះវៀនតូច។ដោយសារតែការស្ទះនេះហើយដែលបង្កឲ្យមានការចាល់ទឹកប្រមាត់ចូលទៅក្នុងសរសៃឈាមបង្កទៅជាឡើងលឿងនៅលើស្បែកនិងភ្នែក។បន្ទាប់មកគឺមានសញ្ញាមានការដក់ទឹកក្នុងស្រោមពោះ។ចុងក្រោយបំផុតអ្នកជំងឺមានអាករវង្វេងនិងងងុយគេងដែលបណ្ដាលមកពីការពុលកោសិកាខួរក្បាល,លុះដល់ថ្លើមលែងដំណើរការមុខងារហើយគឺត្រូវលាងឈាមជៀសមិនផុត។ហើយគេហៅថាការពុលកោសិកាខួរក្បាល។
ជាទូទៅសញ្ញានៃមហារីករាលដាលដល់ថ្លើមមានដូចជា៖
- មិនសូវឃ្លានបាយ
- ស្រកទម្ងន់
- ទឹកនោមពណ៌ក្រមៅ
- ហើម,ឡើងលឿង,ឈឺពោះផ្នែកខាងលើខាងស្ដាំចង្អោរ,វង្វេង,បែកញើសនិងក្ដៅខ្លួន
ប្រសិនបើអ្នកជំងឺមានអាការក្អួតឈាមឬចុះទម្ងន់គ្មានមូលហេតុ,លាមកខ្មៅ,ពិបាកលេបអាហារ,គឺត្រូវប្រញាប់មកជួបអ្នកឯកទេសដើម្បីធ្វើតេស្តមើលស្ថានភាពសាច់ថ្លើមជាបន្ទាន់និងត្រូវទទួលការព្យាបាលភ្លាមៗទាន់ពេលវេលា។
រោគវិនិច្ឆ័យ
អ្នកជំងឺអាចមានអារម្មណ៍ដឹងថាមិនធម្មតាដែលនាំពួកគាត់ទៅស្វែងរកការព្យាបាលនៅពេលដែលមហារីកមានកម្រិតធ្ងន់ធ្ងរ។ក្នុងពេលពេលពិនិត្យកាយសម្បទាគ្រូពេទ្យនឹងពិនិត្យរកមើលកូនកណ្ដុររាលដាលប្រសិនបើសង្ស័យថាមានមហារីកថ្លើម។ការធ្វើតេស្តមានច្រើនប្រភេទដើម្បីរកមើលជំងឺមហារីកប្រភេទនេះហើយមានដូចជា៖
- ការតេស្តមុខងារថ្លើម៖មានដូចជាកំណត់សុច្ចនាករក្នុងឈាម,ការកើនឡើងអង់ស្ស៊ីមនិងប្រូតេអ៊ីនមួយចំនួន។ហើយការធ្វើតេស្តសេរ៉ូឡូស្ស៊ីគឺអាចដឹងពីទំនាក់ទំនងរបស់មហារីកបាន
- អេកូថ្លើម
- ធ្វើស៊ីធីស្កេនពោះ
- អឺមរ៉ាយ
- ថតរូបភាពវេជ្ជសាស្ត្រ
- ធ្វើការវះកាត់តាមការស៊កបំពង់
ទៅតាមប្រភេទរបស់មហារីកការធ្វើរោគវិនិច្ឆ័យកាន់តែលឿនកាន់តែល្អ។ការស្វែងរកមហារីកដែលល្អគឺការពិនិត្យឲ្យបានទៀងទាត់និងដឹងពីសញ្ញាសង្ស័យឲ្យបានលឿន។
[embed-health-tool-bmi]
