ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ

ជំងឺមហារីកខួរក្បាលគឺជាការរីកលូតលាស់ខ្លាំងរបស់កោសិកាមហារីកដែលមិនធម្មតា (ដុំសាច់មហារីក) នៅក្នុងខួរក្បាល។ មហារីកខួរក្បាលចែកចេញជាពីរប្រភេទគឺមហារីកខួរក្បាលដំណាក់បឋម មិនសូវមានកើតទេ និងកើតចេញពីខួរក្បាល។ ចំណែកមហារីកខួរក្បាលដំណាក់កាលទី ២ ត្រូវបានគេស្គាល់ថាជាមហារីកខួរក្បាល ដែលមហារីកបានរាលដាលពីផ្នែកផ្សេងទៀតនៃរាងកាយ និងរីករាលដាលទៅខួរក្បាល ហើយជំងឺនេះឃើញកើតមានញឹកញាប់។

ជំងឺមហារីកខួរក្បាលមិនអាចព្យាបាលជាទេ ប៉ុន្តែអត្រាការរស់រានមានជីវិតក៏អាចកើនមានដែរ បើសិនជាយើងបានដឹងលឿនពីករណីនេះ។ ជំងឺមហារីកខួរក្បាលដំណាក់កាលទី ២ គឺកើតមានច្រើនលើមនុស្សពេញវ័យខណៈដែលជំងឺមហារីកខួរក្បាលដំណាក់កាលបឋមកើតមានច្រើនលើកុមារ និងក្មេងដែលមានអាយុក្រោម ២0 ឆ្នាំ។ មហារីកខួរក្បាលគឺជាជំងឺដែលនាំមុខគេនៃការស្លាប់បើធៀបទៅនឹងជំងឺមហារីកផ្សេងទៀត។

១– រោគសញ្ញានៃជំងឺមហារីកខួរក្បាល

រោគសញ្ញាទូទៅនៃមហារីកខួរក្បាលមានដូចជា៖

– ឈឺក្បាល ភាគច្រើននៅពេលព្រឹក

– ចង្អោរ និងក្អួត

– ផ្លាស់ប្តូរសមត្ថភាពក្នុងការនិយាយ ស្តាប់ ឬមើល

– មានបញ្ហាលើតុល្យភាពរាងកាយ ឬការដើរ

– មានបញ្ហាលើការគិត ឬការចងចាំ

– មានអារម្មណ៍ខ្សោយ ឬងងុយដេក

– មានការផ្លាស់ប្តូរអារម្មណ៍ ឬអាកប្បកិរិយា

២– មូលហេតុនៃជំងឺមហារីកខួរក្បាល

មូលហេតុនៃជំងឺមហារីកខួរក្បាលដំណាក់កាលដំបូង ឬបឋមភាគច្រើនមិនត្រូវបានដឹងច្បាស់លាស់ទេ តែថាអាចបណ្តាលមកពីការផ្លាស់ប្តូរនៃជាលិកានៅក្នុងកោសិកាខួរក្បាលលូតលាស់លឿនមិនធម្មតា។ ដំណាក់កាលដំបូងនៃមហារីកខួរក្បាលមានច្រើនប្រភេទហើយអាស្រ័យលើប្រភេទនៃកោសិកាដែលកើត។

ជំងឺមហារីកខួរក្បាលទី ២ បណ្តាលមកពីកោសិកាមហារីកដែលរាលដាលពីផ្នែកផ្សេងទៀតនៃរាងកាយទៅខួរក្បាល។ មហារីកខួរក្បាលច្រើនកើតលើអ្នកដែលមានប្រវត្តិធ្លាប់កើតមហារីក។ ជំងឺមហារីកប្រភេទនេះភាគច្រើនរាលដាលពីជំងឺមហារីកដទៃទៀតមានដូចជា៖

– ជំងឺមហារីកសុដន់

– ជំងឺមហារីកពោះវៀនធំ

– ជំងឺមហារីកតម្រងនោម

– ជំងឺមហារីកសួត

– និងជំងឺមហារីកស្បែក (Melanoma)។

៣– ពេលណាត្រូវទៅជួបគ្រូពេទ្យ?

គ្នាយើងគួរតែទៅជួបគ្រួពេទ្យប្រសិនបើមានបញ្ហាដូចខាងក្រោម៖

– រោគសញ្ញាមិនបានធូរ ឬកាន់តែធ្ងន់ធ្ងរ។

– ឈឺក្បាលញឹកញាប់ហើយប៉ះពាល់ដល់សកម្មភាពប្រចាំថ្ងៃ។

– បើយើងឧស្សាហ៍ប្រកាច់។

បើ​មាន​រោគសញ្ញាទាំងនេះញឹកញាប់ ប្រញាប់ទៅជួបពេទ្យ អាចជា​សញ្ញាជំងឺមហារីកខួរក្បាល

១– រោគសញ្ញានៃជំងឺមហារីកខួរក្បាល

២– មូលហេតុនៃជំងឺមហារីកខួរក្បាល

៣– ពេលណាត្រូវទៅជួបគ្រូពេទ្យ?

បើមានរោគសញ្ញាទាំងនេះញឹកញាប់ ប្រញាប់ទៅជួបពេទ្យ អាចជាសញ្ញាជំងឺមហារីកខួរក្បាល