មានជំងឺរ៉ាំរ៉ៃជាប់កាយ គឺជាសុបិន្ដអាក្រក់មួយក្នុងជីវិត ពិសេសបើមានមហារីកតែម្តង យ៉ាងណាជំងឺនៅតែអាចព្យាបាលបង្កកុំឲ្យរាលដាលបាន។ សម្រាប់ស្រីៗ មហារីកឧស្សាហ៍កើតមានបំផុត គឺមហារីក ហើយអ្វីដែលគួរឲ្យបារម្ភខ្លាំងនោះគឺថា ក្រោយការព្យាបាលមហារីកដោះ បំណងប្រាថ្នាស្រីៗគ្រប់រូបចង់បានបំផុត គឺមានផ្ទៃពោះ ប៉ុន្តែអ្វីដែលគ្នាយើងកំពុងខ្លាច ពពោះអាចធ្វើឲ្យមានមហារីករើឡើងវិញដែរអត់? “Hello គ្រូពេទ្យ” នឹងបកស្រាយចម្ងល់ទាំងប៉ុន្មានគ្នាយើងចង់ដឹងបំផុត។

១- ព្យាបាលដោយសារធាតុគីមីអាចមានកូនបានអត់?

គ្នាយើងទទួលការព្យាបាលដោយសារធាតុគីមីភាគច្រើន មានការខូចខាតទៅលើក្រពេញអូវែ ដោយសារតែជាតិថ្នាំទាំងនោះធ្វើឲ្យយើងប្រឈមអត់កូន។ ទោះបីជា ស្រីៗមួយចំនួន នៅតែអាចមានអូនៗគួរឲ្យស្រលាញ់ក្រោយព្យាបាលមហារីកដោះដោយគីមី ប៉ុន្តែចាំបាច់បំផុត គួរតែពិភាក្សាជាមួយគ្រូពេទ្យមុនពេលព្យាបាល។

២- មហារីកអាចកើតឡើងវិញទេ?

តាមការសិក្សាបញ្ជាក់ ករណី មហារីក រើឡើងវិញ គ្មានជាប់ទាក់ទងរឿងមានផ្ទៃពោះទេ។ លើសពីនេះ គេបានរកឃើញថា បំបៅកូនដោយទឹកដោះម៉ាក់ៗ អាចបន្ថយហានិភ័យនាំឲ្យមានមហារីកដោះម្តងទៀតបាន។

៣- ក្រោយព្យាបាលយូរប៉ុណ្ណាទើបអាចមានកូន?

ពេទ្យបានណែនាំស្រីៗកើត មហារីក និងព្យាបាលបានជោគជ័យ គួរតែចាំយ៉ាងតិច ២ឆ្នាំ ចាំយកកូន ព្រោះរយៈពេល ២ឆ្នាំ គ្រប់គ្រាន់សម្រាប់ឲ្យគ្រូពេទ្យដឹងថាមានមហារីកកើតឡើងវិញ ឬអត់។ ប៉ុន្តែរឿងនេះ ក៏អាស្រ័យលើស្ថានភាពសុខភាពយើងដែរ ព្រោះពេលខ្លះអាចលើសពី ២ឆ្នាំ ដោយសារតែកត្តាអាយុ ប្រភេទមហារីក និងចំនួនកូនចង់បានតែម្តង។

៤- ធ្លាប់កើតមហារីកដោះអាចប៉ះពាល់កូនអត់?

គ្មានការសិក្សាណាបង្ហាញថា ជំងឺមហារីកដោះអាចប៉ះពាល់ដល់កូនយើងទេ។

មហារីកដោះ Hello គ្រូពេទ្យ

៥- មានផ្ទៃពោះអំឡុងពេលកំពុងព្យាបាលប៉ះពាល់កូនអត់?

ថ្នាំយើងប្រើប្រាស់អំឡុងពេលព្យាបាល អាចប៉ះពាល់ដល់ការលូតលាស់គភ៌បាន រីឯករណីឈប់ព្យាបាលភ្លាមៗ អាចធ្វើឲ្យយើង ប្រឈមខ្ពស់កើតមហារីកម្តងទៀត។ ដូចនេះ គួរតែចាំពេលព្យាបាលចប់សព្វគ្រប់ ចាំយកកូន។

៦- ក្រោយការព្យាបាលមហារីកអាចបំបៅដោះកូនបានអត់?

អំឡុងពេលព្យាបាល មហារីក ស្រីមានការពិបាកក្នុងការបំបៅដោះកូន ចំពោះដោះដែលមានជំងឺ។ ទោះស្រីៗមួយចំនួនអាចធ្វើបាន ប៉ុន្តែយើងគួរពិគ្រោះជាមួយគ្រូពេទ្យជាមុនសិន។

៧- ពិភាក្សាជាមួយគ្រូពេទ្យ

បើគ្នាយើងកំពុងតែមាន ឬធ្លាប់មានមហារីកដោះ ហើយចង់បានកូន គួរតែពិភាក្សាជាមួយគ្រូពេទ្យពីវិធីព្យាបាលបែបណាមិនសូវប៉ះពាល់ដល់ការមានកូន ឬការរើឡើងវិញរបស់មហារីក។ ពិភាក្សាបែបនេះ គឺអាចជួយបានច្រើន ហើយស្រីមានជំងឺមហារីកដោះ ក៏នៅតែអាចមានកូនបាន។

សំណួរ​អ្វីខ្លះ ស្រីៗ​មានជំងឺ​មហារីក​សុដន់ចង់​ដឹង​បំផុត?

១- ព្យាបាល​ដោយ​សារធាតុ​គីមី​អាច​មាន​កូន​បាន​អត់?

២- មហារីក​អាច​កើត​ឡើង​វិញ​ទេ?

៣- ក្រោយ​ព្យាបាល​យូរ​ប៉ុណ្ណា​ទើប​អាច​មាន​កូន?

៤- ធ្លាប់​កើត​មហារីក​ដោះ​អាច​ប៉ះ​ពាល់​កូន​អត់?

៥- មាន​ផ្ទៃ​ពោះ​អំឡុង​ពេល​កំពុង​ព្យាបាល​ប៉ះពាល់​កូន​អត់?

៦- ក្រោយ​ការ​ព្យាបាល​មហារីក​អាច​បំបៅ​ដោះ​កូន​បាន​អត់?

៧- ពិភាក្សា​ជាមួយ​គ្រូពេទ្យ

សំណួរអ្វីខ្លះ ស្រីៗមានជំងឺមហារីកសុដន់ចង់ដឹងបំផុត?