ក្នុងរដូវភ្លៀង រដូវទឹកឡើង សម្បូរសត្វអាសិរពិស ទាំងពស់ ក្អែប ខ្ទួយ ខ្យាដំរី និងសត្វមានពិសជាច្រើនទៀត តែថ្ងៃនេះ Hello គ្រូពេទ្យ សូមលើកយកពីវិធីជួយសង្គ្រោះពេលពស់ចឹកសិន។ សត្វនេះត្រូវការផ្លាស់ទីរកកន្លែងណាជ្រកទឹកបាន ដូចនេះពេលខ្លះវាវារចូលទៅក្នុងផ្ទះរបស់យើង។

បើតាមលោកគ្រូពេទ្យ ចាន់ ស៊ីណេត ឯកទេសជំងឺទូទៅបានឲ្យដឹងថា ការជួយសង្គ្រោះអ្នកត្រូវពស់ចឹកប្រយ័ត្នប្រយែងឲ្យមែនទែន ព្រោះសត្វអាសិរពិសមួយនេះមានប្រភេទមិនដូចគ្នាដែរ។ តែអ្វីត្រូវជួយអ្នករបួសដំបូងគេគឺត្រូវសម្គាល់រូបរាងសត្វពស់ដើម្បីប្រាប់ពេទ្យ បន្ទាប់មកហែកកំណាត់មកចងឲ្យផុតពីកន្លែងពស់ចឹក ដាក់ក្បាលឲ្យទាបជាងបេះដូង ដើម្បីឲ្យហូរឈាម និងឃាត់ជាតិពិសកុំឲ្យរាលចូលតាមសរសៃឈាម ទៅដល់បេះដូង។

អត្ថបទពាក់ព័ន្ធ៖ របៀបសង្គ្រោះបឋម ពេលមានអ្នកលង់ទឹក រន្ទះបាញ់ ឬឆក់ខ្សែភ្លើង

ពស់ចឹកHello_គ្រូពេទ្យ

បន្ទាប់ពីឃើញមុខរបួសលែងសូវមានឈាម ត្រូវយកឈើពីរបន្ទះអបជើងដូចករណីបាក់ជើងដែរ បន្ទាប់មកហែកកំណាត់រុំរបួសកុំឲ្យតឹងពេក រួចប្រាប់ជនរងគ្រោះផ្អាកធ្វើចលនាសិន ដើម្បីបញ្ចៀសកុំឲ្យជាតិពិសរត់ឡើងលឿនទៅតាមឈាម។

បន្ទាប់ពីជួយសង្គ្រោះបឋមនេះហើយ យើងត្រូវប្រញាប់បញ្ជូនអ្នកជំងឺទៅកាន់មណ្ឌលសុខភាពដែលនៅជិតខ្លួនបំផុត ដើម្បីឲ្យគ្រូពេទ្យព្យាបាលបន្ត។ មួយវិញទៀតត្រូវចៀសវាងការបឺតឈាមកន្លែងរបួសនោះ ព្រោះវាអាចធ្វើឲ្យយើងអ្នកជួយ បែរជាគ្រោះថ្នាក់វិញ។

អត្ថបទពាក់ព័ន្ធ៖ បើក្មេងលង់ទឹក នេះជាវិធីសង្គ្រោះបឋមជួយបានភ្លាមៗ

ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើការព្យាបាលជូនទេ៕

​វិធី​ជួយ​សង្គ្រោះ​អ្នក​ត្រូវ​ពស់​ចឹក មិន​​ឲ្យ​គ្រោះ​ថ្នាក់​ដល់​ជីវិត

វិធីជួយសង្គ្រោះអ្នកត្រូវពស់ចឹក មិនឲ្យគ្រោះថ្នាក់ដល់ជីវិត