ស្ត្រីពពោះភាគច្រើនជួបអាការៈរមាស់ពោះ ជាពិសេសនៅពេលពោះកាន់តែធំ ហើយចាស់ៗតែងតែនិយាយថា មកពីកូនចាប់ផ្តើមដុះសក់ ទើបធ្វើឲ្យម៉ាក់ៗរមាស់ពោះបែបនេះ។ ការដែលម៉ាក់ៗរមាស់បរិវេណពោះ មកពីសក់កូនដុះចាក់ពោះម៉ាក់ មែន ឬមិនមែន?
លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បកស្រាយថា ម៉ាក់ៗរមាស់ពោះ មិនមែនមកពីកូនចាប់ផ្តើមដុះសក់ ឬសក់ចាក់ពោះនោះទេ គឺបណ្តាលមកពីកោសិកាស្បែកយឺត ធ្វើឲ្យស្បែកតឹង ស្ងួត ទៅជាប្រេះ ពេលកូនក្នុងផ្ទៃកាន់តែធំ។
កាលណាស្បែកប្រេះខ្លាំង ធ្វើឲ្យស្បែកចេញសង្វារ បើស្ត្រីពពោះរមាស់ខ្លាំងទ្រាំមិនបាន ហើយអេះទៀតនោះ លោកវេជ្ជបណ្ឌិតថា អាចប្រឈមបញ្ហាស្បែកធ្ងន់ធ្ងរ ដោយសារតែស្បែកស្តើង ងាយនឹងដាច់រលាត់ រហូតរលាកស្បែកទៀតក៏មាន ហើយស្នាមសង្វារនឹងរាលកាន់តែច្រើនឡើងៗ។
ចំពោះម៉ាក់ៗបញ្ហារមាស់ស្បែកពោះ លោកវេជ្ជបណ្ឌិតណែនាំ ឲ្យធ្វើតាមប៉ុន្មានចំណុចខាងក្រោមនេះ៖
– ញ៉ាំទឹកឲ្យបានច្រើន
– ញ៉ាំបន្លែ និងផ្លែឈើឲ្យបានច្រើន
– លាបឡេផ្តល់សំណើមដល់ស្បែក
– ស្លៀកសម្លៀកបំពាក់រលុងៗ។
អត្ថបទពាក់ព័ន្ធ៖
- ស្រីៗចែកតិចនិកងាយៗ បង្ការសង្វារពេលពពោះ និងសម្រាលកូន
- បញ្ហានេះទាំងនេះស្រីៗពពោះជួបប្រទះដូចគ្នាទេ កុំយំតូចចិត្តខ្លួនឯងអី
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-due-date]
