អ្នកមានផ្ទៃពោះបើចង់ដើរលេងបានអត់? លោកវេជ្ជបណ្ឌិត ចាន់ ស៊ីណេត បានឲ្យដឹងថា បើចង់ដើរលេងប្រាកដជាបាន តែសម្រាប់អ្នកកៀកថ្ងៃសម្រាលមិនបានឡើយ យ៉ាងហោចណាស់ក៏មុនសប្ដាហ៍ ៣៦ដែរ។
មាតិកា
ចង់ធ្វើដំណើរកម្សាន្តទាំងមានផ្ទៃពោះ ត្រូវដើរមុនថ្ងៃសម្រាលប៉ុន្មានសប្តាហ៍ទើបល្អ?
លោកបានបន្តទៀតថា មុន៣៦ សប្ដាហ៍ដើរលេងបាន ព្រោះក្រោយ ៣៦ សប្ដាហ៍គឺជាវេលាគ្រប់ខែ កូនអាចសម្រាលក្នុងពេលណាមួយដែលយើងមិនដឹងមុន។ ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា-ចិន សែនសុខ បានបញ្ជាក់ថា ការធ្វើដំណើរកម្សាន្តនេះទៀតសោត គឺសម្រាប់ម៉ាក់ៗ និងកូនក្នុងផ្ទៃមានសុខភាពប្រក្រតីប៉ុណ្ណោះ ចំណែកឯការដើរកម្សាន្តទៀត ក៏មិនមែនជាឡើងភ្នំ ចូលព្រៃ ដែលស្ថានភាពផ្លូវពិបាក និងដាច់ស្រយាលឡើយ។
ការដើរកម្សាន្តពិតជាជួយឲ្យអារម្មណ៍ស្ត្រីមានផ្ទៃពោះដែលកំពុងតែធុញថប់ ហត់នឿយ និងទន្ទឹងចាំមើលមុខកូនយូរ បានធូរស្រាលរីករាយឡើងវិញបានមែន ហើយកូនក្នុងផ្ទៃក៏មានសុខភាពល្អទៅតាមនោះដែរ។ ប៉ុន្តែបើកន្លែង និងកត្តាសុខភាពផ្ទាល់ខ្លួនមិនល្អ ថែមទាំងកន្លែងដាច់ស្រយាល ក្នុងករណីមានបញ្ហាណាមួយ មណ្ឌលសុខភាព រួមទាំងគ្រូពេទ្យនៅទីនោះ គ្មានឧបករណ៍ ឬដឹងស្ថានភាពសុខភាពយើង និងកូនកន្លងមក ច្បាស់ជានាំគ្រោះថ្នាក់។
រឿងមួយចាំបាច់ដែលស្រ្តីពពោះគ្រប់រូបត្រូវដឹង គឺថាការកើតកូនមិនគ្រប់ខែមុន ៣៦ សប្ដាហ៍ក៏អាចកើតឡើងបានគ្រប់ពេល ដូចនេះបើទៅផ្លូវឆ្ងាយ បែកទឹកភ្លោះ ឈឺពោះសម្រាល ទាំងគ្មានត្រៀមសម្ភារៈ កូន និងម៉ាក់គិតយ៉ាងម៉េចទៅ?
ម្យ៉ាងទៀតអ្នកទើបមានផ្ទៃពោះដំបូងៗក៏រឹតតែប្រយ័ត្នប្រយែងក្នុងការធ្វើដំណើរ ប្រសិនបើមានធ្លាក់ឈាម ឬឈឺចុកចាប់នោះ អាចរលូតកូនក៏មាន មូលហេតុព្រោះការធ្វើដំណើរផ្លូវឆ្ងាយមានរយៈពេលវែង ហើយបើបូករួមផ្លូវពិបាករលាក់រលើទៀតនោះ ពិតជាប៉ះពាល់មិនខាន។
អត្ថបទពាក់ព័ន្ធ៖
- ម៉ាក់ៗខ្សោយពេលពពោះ គួរថែទាំសុខភាពបែបណា?
- បើម្តាយមានជំងឺទាំងនេះ អាចឆ្លងដល់កូនក្នុងផ្ទៃបាន
- តិចនិកងាយៗ អាចជួយស្រីៗកាត់បន្ថយស្ត្រេសពេលពពោះ
- ពេលពពោះ ម៉ាក់ៗញ៉ាំពងក្ងាន ពងអូទ្រីស កូនកើតមកឆ្លាត?
- ពិតអត់ ផឹកទឹកដូងទុំច្រើន ឈឺពោះឆាប់ ស្រួលសម្រាលកូនមែន?
- ពេលពពោះចេះតែឈឺខ្នង អាចសាកតិចនិកទាំងនេះអាចជួយបាន
- ពពោះចំខែក្តៅ ស្រីៗគួរចេះតិចនិកទាំងនេះ ដើម្បីរក្សាសុខភាពឲ្យបានល្អ
- ស្រីៗត្រូវដឹងពីការពិនិត្យពោះ-ឈាម-ទឹកនោម ការចាក់វ៉ាក់សាំង ពេលមានផ្ទៃពោះ
- អាកាសធាតុក្ដៅ! ស្រីៗកំពុងពពោះគួរដឹងតិចនិកហាត់ប្រាណ និងរបៀបស្លៀកពាក់
- ពពោះ កូនថ្លោសពេកមិនល្អអាចប្រឈមបញ្ហាច្រើនយ៉ាង អ៊ីចឹងម៉ាក់ៗគួរធ្វើបែបណា?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
កំណែប្រែបច្ចុប្បន្ន
26/05/2020
អត្ថបទដោយ Try Ravi
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម