វីតាមីនគ្រប់ប្រភេទសុទ្ធតែល្អចំពោះស្រ្តីមានផ្ទៃពោះ ជួយទ្រទ្រង់គភ៌ឲ្យលូតលាស់ និងមានសុខភាពល្អ ចៀសផុតពីហានិភ័យផ្សេងៗ។ ថ្ងៃនេះ Hello គ្រូពេទ្យ សូមលើកយកពីអត្ថប្រយោជន៍នៃវីតាមីន D ចំពោះកូនផ្ទៃ ឲ្យម៉ាក់ៗបានដឹង។
១- អ្វីទៅជាវីតាមីន D
វីតាមីន D មានតួនាទីសំខាន់នៅក្នុងដំណើរការឆ្អឹង ធ្វើឲ្យឆ្អឹងរឹងមាំ ដោយវាបំលែងជាតិកាល់ស្យូម និងផូស្វាតឲ្យមានលំនឹង នេះបើតាមអង្គការសុខភាពពិភពលោក (WHO)។
២- អត្ថប្រយោជន៍របស់វីតាមីន D ចំពោះស្ត្រីមានផ្ទៃពោះ
ការញ៉ាំវីតាមីន D ឲ្យបានគ្រប់គ្រាន់ពេលមានផ្ទៃពោះ ល្អទាំងចំពោះសុខភាពម្តាយ និងកូន ដែលក្នុងនោះជួយកាត់បន្ថយគ្រោះថ្នាក់ជំងឺបម្រុងក្រឡាភ្លើង ជំងឺទឹកនោមផ្អែមពេលពពោះ កាត់បន្ថយការធ្លាក់ឈាមច្រើន បង្ការកូនកើតមកមិនគ្រប់គីឡូ និងកូនកើតមិនគ្រប់ខែជាដើម។
៣- ត្រូវញ៉ាំវីតាមីន D នៅពេលណា?
ស្រីៗត្រូវញ៉ាំវីតាមីន ៤០០ IU (International Units) រៀងរាល់ថ្ងៃ ពេលដឹងថាមានផ្ទៃពោះ រហូតដល់ថ្ងៃសម្រាល ឬយ៉ាងហោចណាស់ឲ្យបាន ៣ ខែដំបូងនៃការពពោះ។
៤- វីតាមីន D មាននៅក្នុងអ្វីខ្លះ?
វីតាមីន D ត្រូវបានផលិតអំឡុងពេលរាងកាយយើងប៉ះជាមួយនឹងកាំរស្មីព្រះអាទិត្យនាពេលព្រឹក ហើយស្រូបយកទៅក្នុងខ្លួន ហើយវាក៏មាននៅក្នុងខ្លាញ់ត្រីគ្រប់ប្រភេទ ផ្នែកលឿងនៃស៊ុត ត្រីធូណា ផ្សិត ក្រូច ទឹកដោះគោ គ្រាប់ធញ្ញជាតិ តៅហ៊ូ។
អត្ថបទពាក់ព័ន្ធ៖
- អាស៊ីដហ្វូលិក ជាអ្វី? សំខាន់ខ្លាំងប៉ុនណាសម្រាប់ស្ត្រី មុន និងកំពុងពពោះ?
- ហេតុផលសំខាន់ៗ ស្រីៗគួរញ៉ាំថ្នាំវីតាមីន មុនពេលមានផ្ទៃពោះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-due-date]
