ម៉ាក់ៗពពោះសម័យថ្មីនេះ និយមញ៉ាំម្សៅទឹកដោះគោសម្រាប់ស្ត្រីពពោះ ដើម្បីជួយផ្ដល់សារធាតុចិញ្ចឹមបន្ថែមទៅដល់កូនក្នុងផ្ទៃឲ្យលូតលាស់បានល្អ តែមិនប្រាកដថា រាល់ទឹកដោះគោសម្រាប់ស្ត្រីពពោះ ម៉ាក់ៗញ៉ាំទៅត្រូវទាំងអស់ទេ។ ម៉ាក់ៗខ្លះ មានប្រតិកម្មជាមួយទឹកដោះគោដែលបង្កជាផលពិបាកដល់សុខភាពផ្ទាល់។

ហេតុអីបានកើតអាលែកហ្ស៊ីទឹកដោះគោចំពោះស្ត្រីពពោះ?

នៅក្នុងទឹកដោះគោ មានជាតិកាល់ស្យូមដែលស្ត្រីពពោះត្រូវការចាំបាច់បំផុត។ ប៉ុន្តែមានម៉ាក់ៗខ្លះ មានបញ្ហាអាលែកហ្ស៊ីនឹងទឹកដោះគោ ដែលវាកើតឡើងដោយសារតែពោះវៀនតូចមិនអាចផលិតអង់សុីមឡាកតាសទៅបំបែក ជាតិ Lactose ដែលមាននៅក្នុងទឹកដោះគោបានល្អ ជាហេតុបណ្ដាលឲ្យមានបញ្ហារាកកើតឡើង។ ជួនកាល វាអាចបង្កឡើងដោយកត្តាហ្សែន ឬដោយសារពោះវៀនតូចមានបញ្ហា ដែលអាចរារាំងដល់ការផលិតអង់ស៊ីម Lactase។

ស្ត្រីពពោះមានអាការៈបែបណា បើអាលែកហ្ស៊ីនឹងទឹកដោះគោ?

ក្នុងករណីដែលម៉ាក់ៗពពោះមានបញ្ហាអាលែកហ្ស៊ីទឹកដោះគោ ភាគច្រើនបង្ហាញរោគសញ្ញាដូចជា៖

– ឈឺចុកពោះ

– អាចមានហ្គាសក្នុងពោះ

– ចង្អោរ ឬចង់ក្អួត

– ហើមពោះ

– រាករូស ឬរមួលក្រពើ។ល។

បើម្ដាយអាលែកហ្ស៊ីទឹកដោះគោ អាចប៉ះពាល់ដល់កូនទេ?

ទាក់ទងនឹងបញ្ហានេះ លោកវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យ កាល់ម៉ែត បានពន្យល់ឲ្យដឹងថា ការដែលអាលែកហ្ស៊ីទឹកដោះគោមិនមានផលប៉ះពាល់គួរឲ្យបារម្ភដល់កូនទេ។ ប៉ុន្តែលោកបន្តថា ជាធម្មតា ប្រសិនបើម្ដាយមានបញ្ហាសុខភាពអ្វីមួយ កូននៅក្នុងផ្ទៃក៏មិនអាចមានសុខភាពល្អធម្មតាបានដែរ។ ដូចនេះ ហើយស្ត្រីពពោះ គួរតាមដាន ថែរក្សាសុខភាពឲ្យបានខ្ជាប់ខ្ជួន និងញ៉ាំរបបអាហារតាមការណែនាំរបស់គ្រូពេទ្យជំនាញឲ្យបានគ្រប់គ្រាន់ ចៀសវាងបង្កជាបញ្ហាដល់កូន។

ម៉ាក់ៗពពោះ ចេញសញ្ញាអស់នេះ បញ្ជាក់ថាអាលែកហ្ស៊ីទឹកដោះគោហើយ

ហេតុ​អី​បាន​កើត​អាលែកហ្ស៊ី​ទឹកដោះ​គោ​ចំពោះ​ស្ត្រី​ពពោះ?

ស្ត្រី​ពពោះ​មាន​អាការៈ​បែប​ណា បើ​អាលែកហ្ស៊ីនឹង​ទឹកដោះ​គោ?

បើ​ម្ដាយ​អាលែកហ្ស៊ីទឹកដោះគោ អាច​ប៉ះពាល់​ដល់​កូន​ទេ?

ហេតុអីបានកើតអាលែកហ្ស៊ីទឹកដោះគោចំពោះស្ត្រីពពោះ?

ស្ត្រីពពោះមានអាការៈបែបណា បើអាលែកហ្ស៊ីនឹងទឹកដោះគោ?

បើម្ដាយអាលែកហ្ស៊ីទឹកដោះគោ អាចប៉ះពាល់ដល់កូនទេ?