ក្រោយសម្រាលបេប៊ីគួរឲ្យស្រលាញ់ រាងកាយម៉ាក់ៗមិនទាន់អាចវិលមករកសភាពដើមវិញភ្លាមៗទេ ជាហេតុបណ្ដាលឲ្យជួបបញ្ហាមួយចំនួន។ ស្រីៗគ្នាយើងភាគច្រើន មានបញ្ហាគេងនោមដាក់ពូកថែមទៀត។ បើចង់ដឹងច្បាស់ អានអត្ថបទ “Hello គ្រូពេទ្យ” សិនទៅ។
មាតិកា
ដឹងអត់! ក្រោយកើតអាអូន ម៉ាក់ៗអាចគេងនោមដាក់ពូក... ម៉េចបានអ៊ីចឹង?
ករណីនោមដាក់ពូកក្រោយសម្រាលកូន ដោយសារបញ្ហាអសមត្ថភាពទប់ទឹកនោម ដែលកើតឡើង នៅពេលកណ្ដាស ក្អក សើច លោត លើករបស់ធ្ងន់ ឬចលនាណាមួយដែលសង្កត់លើប្លោកនោម។
១- អសមត្ថភាពទប់ទឹកនោម
មិនមែនស្រីៗជាម្ដាយទាំងអស់សុទ្ធតែមានបញ្ហានេះទេ តែភាគច្រើន ជួបបញ្ហានេះ ក្រោយសម្រាលកូន។ ជាទូទៅ អសមត្ថភាពទប់ទឹកនោម កើតលើម៉ាក់ៗសម្រាលកូនតាមធម្មជាតិ ជាងម៉ាក់ៗសម្រាលដោយវះកាត់។
ការសិក្សាបង្ហាញថា ម៉ាក់ៗសម្រាលបេប៊ីតាមធម្មជាតិ ងាយមានបញ្ហាផ្លូវទឹកនោម រីឯការសិក្សាផ្សេងទៀត បញ្ជាក់ដែរថា គ្នាយើងខ្លះសម្រាលតាមធម្មជាតិរយៈពេលយូរ ឬមានបេប៊ីក្នុងផ្ទៃថ្លោសពេក ក៏ប្រឈមបញ្ហាអសមត្ថភាពទប់ទឹកនោមដូចគ្នា ហើយមូលហេតុបង្កមានដូចជា៖
– បេប៊ីក្នុងផ្ទៃថ្លោសលើសទម្ងន់
– ជក់បារីពេលពពោះ
– មានកូនច្រើន និងសម្រាលតាមធម្មជាតិ។
២- កត្តាបង្កឲ្យអសមត្ថភាពទប់ទឹកនោម
ករណីនេះបង្កឡើងដោយសារសាច់ដុំជុំវិញប្លោកនោម និងឆ្អឹងត្រគាកចុះខ្សោយ អំឡុងមានផ្ទៃពោះ និងក្រោយសម្រាល។ ជាលទ្ធផល គ្នាយើងនឹងពិបាកគ្រប់គ្រងទឹកនោម ដូចជា ពេលបង្ហូរនោម ឬឈប់ពាក់កណ្ដាលផ្លូវ។ ក្រោយសម្រាលកូន ទំហំស្បូននឹងរួមតូចនៅសប្ដាហ៍ដំបូង ធ្វើឲ្យសាច់ដុំបាតឆ្អឹងត្រគាកផ្លាស់ទី ជាហេតុពិបាកឃាំងទឹកក្នុងប្លោកនោម និងបិទបំពង់បង្ហួរនោម។ ការប្រែប្រួលនេះហើយ ទើបធ្វើឲ្យស្រីៗគ្នាយើងលេចនោម មិនអាចគ្រប់គ្រងបាន។
៣- វិធីដោះស្រាយ
អសមត្ថភាពទប់ទឹកនោម គ្នាយើងខ្លះអាចជួបប្រទះរយៈពេលខ្លី ឯខ្លះទៀតអាចមានរយៈពេលវែង ប៉ុន្តែយ៉ាងណា វិធីសាស្រ្ដខាងក្រោមនេះអាចជួយបាន៖
– ធ្វើលំហាត់ប្រាណ Kegel ឲ្យបានទៀងទាត់ (លំហាត់ប្រាណអាងត្រគៀក) ដើម្បីឲ្យសាច់ដុំបាតឆ្អឹងត្រគាកឆាប់ផ្លាស់ទីមកធម្មតា និងមានកម្លាំងវិញ។
– ប្រើសំឡីអនាម័យ ឬខោទឹកនោម។
– ខ្វែងជើង ពង្រឹងសាច់ដុំត្រគាកនៅពេលកណ្ដាស់ ក្អក ឬសើច
– កាត់បន្ថយការញ៉ាំភេសជ្ជៈមានជាតិកាហ្វេអ៊ីន (កាហ្វេ តែ) និងទឹក ដើម្បីបន្ថយការនោម។
– កុំញ៉ាំក្រូច ប៉េងប៉ោះ និងអាហារមានជាតិអាស៊ីដ ព្រោះអាចធ្វើឲ្យពិបាកគ្រប់គ្រងទឹកនោមដូចគ្នា។
– ជៀសវាងទល់លាមកក្រោយសម្រាល ព្រោះអាចមានសម្ពាធលើប្លោកនោម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Postpartum urinary incontinence https://www.babycenter.com/0_postpartum-urinary-incontinence_1152241.bc?page=2#articlesection4. Accessed June 6, 2017.
Loss of Bladder Control Postpartum http://www.whattoexpect.com/pregnancy/symptoms-and-solutions/postpartum-urinary-incontinence.aspx. Accessed June 6, 2017.
Stress incontinence after birth. https://www.babycentre.co.uk/a553463/stress-incontinence-after-birth. Accessed June 6, 2017.
The Relationship between Acidic Urinary pH and Overactive Bladder. https://www.ncbi.nlm.nih.gov/pubmed/25766740. Accessed June 6, 2017.
កំណែប្រែបច្ចុប្បន្ន
25/02/2019
អត្ថបទដោយ យ៉ានណែត នីគែល
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Ficheroulle Anne-Charlotte
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម