យើងដឹងហើយថា បារីបង្កគ្រោះថ្នាក់ធ្ងន់ធ្ងរទាំងអ្នកជក់ និងអ្នកស្រូបផ្សែងបារីពីគេ។ បើនិយាយចំពោះស្រីៗមានផ្ទៃពោះវិញ ទាំងជក់ ឬស្រូបផ្សែងបារីដោយប្រយោលក្តី មិនត្រឹមគ្រោះថ្នាក់តែម្តាយនោះទេ កូនក្នុងផ្ទៃក៏រងផលប៉ះពាល់ដូចគ្នា។
ជាតិនីកូទីន និងសារធាតុគីមីពុលរាប់ពាន់ប្រភេទផ្សេងទៀតដែលមានក្នុងបារី និងផ្សែងបារី អាចធ្វើកូនក្នុងពោះប្រឈមនឹងបញ្ហាសុខភាពច្រើនជាច្រើនទាំងនៅពេលពោះ និងក្រោយពេលសម្រាល ដោយការបឺតស្រូបផ្សែងបារីតាមរយៈទងសុក នេះបើតាមការឲ្យដឹងពីលោកវេជ្ជបណ្ឌិត មុំ គង់ ប្រធានអង្គការចលនាដើម្បីសុខភាព។
ផលប៉ះពាល់មុនសម្រាល
– ដំណើរការមុខងាររបស់សុកមិនបានល្អ
– កូនរលូត
– កូនកើតមុនកំណត់
– កូនលូតលាស់មិនល្អ មិនគ្រប់គីឡូ។
ផលប៉ះពាល់ក្រោយសម្រាល
– កូនកើតមកស្លាប់ភ្លាមៗ
– កូនកើតមកមិនគ្រប់លក្ខណៈដូចជាឆែបមាត់ ឆែបក្រអូមជាដើម
– កូនកើតមានបញ្ហាផ្លូវដង្ហើម សួត ឬជំងឺហឺត។
បារីបង្កគ្រោះថ្នាក់ធ្ងន់ធ្ងរបែបនេះហើយ ទើបគ្រូពេទ្យហាមដាច់ខាតមិនឲ្យស្រីៗមានផ្ទៃពោះជក់បារី និងមិនត្រូវនៅក្បែរអ្នកជក់បារីឡើយ នោះទើបសុវត្ថិភាពទាំងម្តាយទាំងកូន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
