មានផ្ទៃពោះទាំងខ្លួនមានជំងឺ ឬងាកឈឺៗអំឡុងពពោះ មិនត្រឹមតែអាក្រក់ចំពោះខ្លួនឯងតែម្នាក់ប៉ុណ្ណោះទេ វាថែមទាំងអាចនាំទុក្ខដល់កូនទៀតផង។ នេះបើតាមសម្ដីលោកជំទាវវេជ្ជបណ្ឌិត គ្រុយ លាងស៊ីម អនុរដ្ឋលេខាធិការ ក្រសួងសុខាភិបាល និងជាទីប្រឹក្សាផ្នែកសម្ភព នៅមន្ទីរពេទ្យកាល់ម៉ែត បានផ្ដល់បទសម្ភាសន៍មកកាន់ Helloគ្រូពេទ្យ។
ជាធម្មតាបើម៉ាក់ៗមានសុខភាពល្អ កូននៅក្នុងពោះក៏សុខភាពល្អ និងគ្មានសញ្ញាគួរឲ្យបារម្ភ។ ដូច្នេះហើយបានជាពេទ្យតែងតែផ្ដល់ដំបូន្មានឲ្យស្រីៗដែលត្រៀមខ្លួនក្លាយជាម៉ាក់ៗគេ ត្រូវបំប៉នសុខភាពឲ្យបានល្អ ចៀសវាងមានជំងឺផ្សេងៗមកបៀតបៀន។ ប៉ុន្តែចំពោះស្ត្រីណាដែលមានជំងឺក្រោយដឹងថាខ្លួនមានកូន ត្រូវប្រញាប់ទៅពិគ្រោះជាមួយគ្រូពេទ្យជំនាញ ដើម្បីច្បាស់ក្នុងចិត្តថា គួរលេបថ្នាំ ឬមិនលេប ហើយបើលេបទៅអាចធ្វើឲ្យប៉ះពាល់ដល់កូនដែរអត់។
អត្ថបទពាក់ព័ន្ធ៖ ស្រីៗពពោះ ផ្ដាសាយមិនងាយបាត់ អត់ចង់លេបថ្នាំខ្លាចប៉ះពាល់កូន ត្រូវធ្វើម៉េច?
ចំណែកសំណួរថា ម៉ាក់ៗឈឺច្រើនពេលពពោះនោះ កូនកើតមកអាចមានសុខភាពខ្សោយដែរឬទេ? អ្នកគ្រូពេទ្យបានពន្យល់ថា អាចព្រោះមេរោគខ្លះបានជ្រាបចូល ហើយទៅបំផ្លាញភាពស៊ាំរបស់ទារកតាំងពីនៅក្នុងផ្ទៃ ហើយក្រោយសម្រាលកូនអាចឧស្សាហ៍ឈឺជាងក្មេងមានម្ដាយសុខភាពល្អតាំងពីពពោះ។
អត្ថបទពាក់ព័ន្ធ៖ ស្រីកំពុងពពោះ ប្រើថ្នាំពេទ្យ ថ្នាំបុរាណ ប៉ះពាល់អត់?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។
Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
