នៅថ្ងៃទី១៥ ខែមេសា ២០១៩ វិហារបុរាណរបស់បារាំង Notre Dame បានឆេះ រងការខូចខាតយ៉ាងដំណំ។ ក្រោយការឆេះ ពេទ្យក្រុងប៉ារីស ប្រកាសឲ្យក្មេងៗ និងស្ដ្រីពពោះ នៅជុំវិញវិហារនេះ ទៅពិនិត្យឈាម។ តើដោយសារមូលហេតុអ្វី?
ការប្រកាសនេះ ក្រោយក្មេងម្នាក់ រស់នៅកោះ Ile de la Cite កណ្ដាលក្រុងប៉ារីស ជិតវិហារ Notre Dame រកឃើញថា មានកម្រិតសំណខ្ពស់ នៅក្នុងឈាម។ ក្មេងនោះ មានជាតិសំណ ៥០មីក្រូក្រាម/លីត្រឈាម។ កម្រិតជាតិសំណខ្ពស់ក្នុងឈាមនេះ បណ្ដាលឲ្យពុល និងអាចស្លាប់បាន។
ក្នុងសេចក្តីប្រកាសរបស់អាជ្ញាធរសុខាភិបាលក្រុងប៉ារីស បញ្ជាក់ថា អាជ្ញាធរ បានបើកការស៊ើបអង្កេតមួយ ដើម្បីពិនិត្យថាតើក្មេងមានជាតិសំណខ្ពស់ក្នុងឈាម បណ្ដាលមកពីការឆេះវិហារ Notre Dame ឬកត្ដាអ្វីផ្សេងទៀត។
គួរបញ្ជាក់ថា ពេលឆេះវិហារ Notre Dame ជាតិសំណរាប់រយតោន នៃកំពូល និងដំបូលវិហារ បានរលាយក្នុងកម្ដៅភ្លើងយ៉ាងខ្លាំង។ អាជ្ញាធរ បញ្ជាក់ថា ការឆេះវិហារនេះ បណ្ដាលឲ្យសំណ ហោះចូលក្នុងខ្យល់ នៅជុំវិញវិហារនេះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
