ស្រីៗមួយចំនួន អាចខ្លាចរអារឿងមានផ្ទៃពពោះ អាស្រ័យលើមូលហេតុមួយចំនួន ពិសេសមានអារម្មណ៍ភ័យខ្លាចអំឡុងពេលពពោះ ឬធ្លាប់ឈឺខ្លាំងចាប់ពេលសម្រាល។ ស្រីៗដែលកំពុងស្ថិតអាការៈភ័យខ្លាចនេះ គេហៅថា មានជំងឺខ្លាចការពពោះ។ “Hello គ្រូពេទ្យ” នឹងប្រាប់ពីរោគសញ្ញ មូលហេតុ និងវិធីដោះស្រាយ។
១- ជំងឺខ្លាចការពពោះ
ជំងឺខ្លាចការពពោះ មកពីពាក្យបច្ចេកទេស Tokophobia សំដៅលើស្ថានភាពផ្លូវចិត្តភ័យខ្លាចការពពោះរបស់មនុស្សស្រី ដែលបណ្តាលមកពីកត្តាធំៗចំនួន ២ មានទំនាក់ទំនងនឹងបញ្ហាផ្លូវចិត្ត។ កត្តាចម្បងទីមួយ នាំឲ្យស្រីៗគ្នាយើងមានជំងឺខ្លាចការពពោះ គឺមកមិនធ្លាប់មានបទពិសោធពពោះពីមុនមក ធ្វើឲ្យខ្លាចមិនហ៊ានបង្កកំណើត ខណៈកត្តាចម្បងទីពីរ គឺព្រួយបារម្ភ ភ័យខ្លាចពីផលវិបាកបង្កឡើងពេលពពោះ និងសម្រាលកូន កើតមានបន្ទាប់ពីសម្រាលលើកមុន។
២- រោគសញ្ញានៃជំងឺខ្លាចការពពោះ
ជំងឺខ្លាចការពពោះ បើមិនព្យាបាលត្រឹមត្រូវ អាចនាំឲ្យស្រីៗភ័យខ្លាចនឹងមានផ្ទៃពោះជារៀងរហូត ធ្វើឲ្យគុណភាពជីវិតបង្កកំណើតកាន់តែធ្លាក់ចុះ (មិនអាចសម្រេចទុកកូន ឬអត់) ឬអាចលេចចេញជារោគសញ្ញាបាក់ទឹកចិត្តដទៃទៀត ដែលមានគ្រោះថ្នាក់ធ្ងន់ធ្ងរដល់ជីវិត។ រោគសញ្ញាជំងឺខ្លាចការពពោះ Tokophobia មានដូចជា៖
– មានអារម្មណ៍ភ័យខ្លាចខ្លាំងនៅពេលគិតពីរឿងមានកូន និងរឿងបង្កើតកូន
– បដិសេធមិនសម្រាលកូន បើធ្វើការវះកាត់ក៏មិនអាចធានាថា អ្នកជំងឺព្រម ឬមិនព្រមដែរ
– បាក់ទឹកចិត្ត ឬថប់បារម្ភខ្លាំង អំឡុងពេលពពោះ
– ចង់បានកូនខ្លាំង ប៉ុន្តែក្នុងពេលជាមួយគ្នា ក៏មានអារម្មណ៍ភ័យខ្លាចរឿងសម្រាលកូនដែរ
– ធ្លាប់យកកូនចេញនៅពេលពពោះ ទាំងមានសុខភាពល្អ
– ភ័យខ្លាចស្លាប់ ឬខូចខាតអ្វីមួយរៀងរហូត ដោយសារពពោះ និងសម្រាលកូន។
៣- មូលហេតុ និងឥទ្ធិពលជំងឺខ្លាចការពពោះ
– មូលហេតុបង្កឲ្យស្រីៗកើតជំងឺខ្លាចការពពោះ៖
ដូចជំងឺភ័យខ្លាចដទៃទៀត ជំងឺខ្លាចការពពោះ ឬ Tokophobia មិនទាន់មានភស្ដុតាងបញ្ជាក់បែបវិទ្យាសាស្ត្រណា បញ្ជាក់ពីមូលហេតុឲ្យបានច្បាស់នៅឡើយ។ ប៉ុន្តែមានកត្តាខ្លះ អាចនាំឲ្យកើតមានជំងឺនេះ រួមមាន ធ្លាប់ឈឺចាប់ពេលបង្កើតកូនលើកមុន ខ្លាចការឈឺចាប់ខ្លាំង ឬធ្លាប់ត្រូវបានបំពានផ្លូវភេទកាលពីក្មេង ឬធ្លាប់ត្រូវគេរំលោភ។
– ឥទ្ធិពលរបស់ជំងឺខ្លាចការពពោះ៖
- បដិសេធមិនព្រមសម្រាលកូន បើគ្រូពេទ្យមិនប្រើថ្នាំសណ្ដំ
- ចៀសវាងការពពោះ តែចង់បានកូនខ្លាំង
- ប្រើវិធីពន្យារកំណើតជាច្រើនក្នុងពេលតែមួយ (ធ្វើបែបនេះ អាចប៉ះពាល់ដល់សុខភាព)
- បាក់ទឹកចិត្តក្រោយសម្រាល ខ្វះទំនាក់ទំនងជាមួយកូន ប្ដី សមាជិកគ្រួសារ និងសាច់ញាតិ។
៤- វិធីព្យាបាលជំងឺខ្លាចការពពោះ
ស្រីៗកើតជំងឺនេះ គួរទទួលបានការលើកទឹកចិត្តពីមនុស្សដែលមានជំនាញពិតប្រាកដ។ អ្នកជំនាញទាំងនោះ អាចជា គ្រូពេទ្យសម្ភព អាចធ្វើការផ្ទាល់ទាក់ទងនឹងការសម្រាល គ្រូពេទ្យចិត្តសាស្ត្រ ជាដើម ដើម្បីធានាថា សុខភាពម្ដាយ និងកូន មានទំនាក់ទំនងគ្នាល្អ។ ពេលខ្លះ ក៏អាចត្រូវការអ្នកឯកទេសផ្លូវចិត្ត ដើម្បីជួយគ្នាយើងធ្លាប់មានបញ្ហាផ្លូវចិត្តពីមុន និងជំងឺបាក់ទឹកចិត្តអំឡុងពេលពពោះ ហើយប្រហែលជាអាចប្រើថ្នាំប្រឆាំងជំងឺផ្លូវចិត្ត Antidepressants មួយចំនួន ដែលអាចប្រើបាននៅពេលពពោះ។ សរុបសេចក្តីមក ត្រូវស្វែងរកការគាំទ្រពីមនុស្សជុំវិញខ្លួន និងគ្រូពេទ្យ ទើបជារឿងសំខាន់។
ក្នុងករណីមានសំណួរ ឬមន្ទិលសង្ស័យជុំវិញសុខភាព អ្នកជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
