និយាយដល់របបអាហារស្រីៗមានផ្ទៃពោះ មិនមែនចេះតែញ៉ាំនោះទេ ញ៉ាំមិនស្រួលមិនត្រឹមតែប៉ះពាល់ដល់សុខភាពយើងនោះទេ កូនក្នុងពោះមានបញ្ហាដូចគ្នា។ រឿងដែលត្រូវយកចិត្តទុកដាក់បំផុតនោះ គឺការញ៉ាំលើសជាតិប្រៃអំឡុងពពោះ ក្នុងរបបអាហារប្រចាំថ្ងៃ។
លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានរៀបរាប់ថា មនុស្សយើងធម្មតាញ៉ាំប្រៃមិនល្អទៅហើយ បើនិយាយចំពោះស្រីៗមានផ្ទៃពោះទៀតរឹតតែគ្រោះថ្នាក់ធ្ងន់ធ្ងរទាំងម្តាយទាំងកូន។ បញ្ហាប្រឈមធំបំផុតនោះ បើម៉ាក់ៗមានជំងឺលើសឈាម ហើម ហើយញ៉ាំប្រៃ និងមានជាតិប្រូតេអុីនក្នុងទឹកនោម អាចវិវត្តទៅជាជំងឺបម្រុងក្រឡាភ្លើង-ក្រឡាភ្លើង សង្គ្រោះ ឬទៅពេទ្យមិនទាន់ ប្រកាច់ស្លាប់ទាំងម្តាយទាំងកូន។
អត្ថបទពាក់ព័ន្ធ៖
- សាច់សម្បូរប្រូតេអ៊ីន តែស្រីៗមានផ្ទៃពោះកុំចេះតែញ៉ាំផ្តេសផ្តាស
- នេះជាពពួកវីតាមីនស្រីៗពពោះ ត្រូវការចាំបាច់បំផុត
ដើម្បីដឹងថា ស្រីៗពេលពពោះមានលើសជាតិប្រូតេអ៊ីន (ដែលយើងតែងចំណាំហៅថា លើសជាតិប្រៃ) ឬអត់នោះ អំឡុងពេលពពោះជាង ៩ នេះ តម្រូវឲ្យយើងទៅធ្វើតេស្តទឹកនោមរៀងរាល់ខែ។ ក្នុងករណីដែលមានលើសជាតិប្រូតេអ៊ីន នោះម៉ាក់ៗត្រូវឆាប់ផ្លាស់ប្តូររបបអាហារ ដោយងាយមកញ៉ាំអាហារសាប និងកាត់បន្ថយជាតិសាច់ ទើបមិនប៉ះពាល់ដល់សុខភាពយើង និងកូន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
