របបអាហារពេលមានផ្ទៃពោះជារឿងសំខាន់ កាលណាម៉ាក់ៗញ៉ាំអាហារមិនគ្រប់គ្រាន់ ឬមិនត្រឹមត្រូវ អាចធ្វើឲ្យប៉ះពាល់សុខភាពខ្លួនឯងផង ឯកូនក្នុងផ្ទៃវិញក៏លូតលាស់មិនបានល្អ អាចកើតមកខ្សោយបញ្ញាស្មារតី។
ខាងក្រោមនេះជាអាហារគួរចៀសវាងពេលមានផ្ទៃពោះ ដែលម៉ាក់ៗចាំបាច់ត្រូវដឹង៖
១- អាហារប្រៃ
ការញ៉ាំអាហារប្រៃពេលពពោះមិនល្អនោះទេ ពិសេសបើម៉ាក់ៗមានបញ្ហាតម្រងនោម ហើម ហើយញ៉ាំប្រៃ និងមានជាតិប្រូតេអ៊ីនក្នុងទឹកនោម អាចវិវត្តទៅជាជំងឺបម្រុងក្រឡាភ្លើង-ក្រឡាភ្លើង ប្រកាច់ស្លាប់ទាំងម្តាយទាំងកូន។
អត្ថបទពាក់ព័ន្ធ៖ ស្រីៗមានផ្ទៃពោះចូលចិត្តញ៉ាំប្រៃ ប្រយ័ត្នជួបបញ្ហាធំ
២- អាហារខ្លាញ់
អាហារខ្លាញ់មិនល្អនោះទេ ញ៉ាំកាន់តែតិចកាន់តែល្អ គ្រូពេទ្យណែនាំឲ្យត្រឹម ៣០០ មិល្លីក្រាម/ថ្ងៃ ប៉ុណ្ណោះ។ កាលណាម៉ាក់ៗញុំាអាហារសម្បូរខ្លាញ់មិនល្អដែលបានមកពីពពួកសត្វ ងាយប្រឈមនឹងជំងឺកកខ្លាញ់ក្នុងសរសៃឈាម និងងាយប្រឈមជំងឺលើសសម្ពាធឈាម ស្ទះសរសៃឈាម។ យកល្អគួរញ៉ាំខ្លាញ់ដែលបានមកពីពពួកខ្លាញ់ត្រីឲ្យបានច្រើន។
៣- អាហារផ្អែម
អាហារមានជាតិស្ករ ឬផ្អែមខ្លាំងពេក ម៉ាក់ៗមិនត្រូវញ៉ាំច្រើនដែរ ព្រោះធ្វើឲ្យលើសជាតិស្ករ។
៤-គ្រឿងសមុទ្រ
គ្រឿងសមុទ្រ មិនថា ក្តាម បង្គា ឬត្រីនោះទេ មានផ្ទុកទៅដោយជាតិបារតខ្ពស់ អាចធ្វើឲ្យទារកក្នុងផ្ទៃខូចខួរក្បាល និងប្រព័ន្ធប្រសាទ ហេតុនេះម៉ាក់ៗគួរញ៉ាំក្នុងបរិមាណតិចតួចប៉ុណ្ណោះ។
៥- សាច់ ឬបន្លែឆៅ
បន្លែ និងសាច់ឆៅមានផ្ទុកនូវពពួកបាត់តេរី ឬសត្វល្អិតមួយចំនួន ម៉ាក់ញ៉ាំទៅអាចរាករូស និងប៉ះពាល់ដល់កូនក្នុងផ្ទៃ បើចង់ញ៉ាំត្រូវចម្អិនឲ្យឆ្អិនល្អ។
៦- កាហ្វេអ៊ីន
ពេលពពោះ ស្រីៗមិនត្រូវញ៉ាំលើសពី ៣០០ មិល្លីក្រាម/ថ្ងៃ ឡើយ កាលណាផឹកកាហ្វេច្រើនជាងនេះ អាចនាំឲ្យរលូតកូន និងកូនកើតមិនគ្រប់គីឡូ។
អត្ថបទពាក់ព័ន្ធ៖ ស្រីៗញៀនកាហ្វេអំឡុងពេលពពោះ ប៉ះពាល់កូនក្នុងផ្ទៃអត់?
៧- ជក់បារី
ជាតិនីកូទីន និងសារធាតុគីមីពុលរាប់ពាន់ប្រភេទផ្សេងទៀតដែលមានក្នុងបារី និងផ្សែងបារី អាចធ្វើកូនក្នុងពោះប្រឈមនឹងបញ្ហាសុខភាពច្រើនជាច្រើនទាំងនៅពេលពោះ និងក្រោយពេលសម្រាល ដោយការបឺតស្រូបផ្សែងបារីតាមរយៈទងសុក។
អត្ថបទពាក់ព័ន្ធ៖ ស្រីៗពពោះ បើនៅជិតអ្នកជក់បារី គ្រោះថ្នាក់ធំខ្លាំងដល់គភ៌
៨- ជាតិអាល់កុល
ការញ៉ាំភេសជ្ជៈដែលមានជាតិអាល់កុល ដូចជាស្រា ឬស្រាបៀរ ពេលពពោះអាចធ្វើឲ្យកូនលូតលាស់មិនប្រក្រតី ឬសម្រាលកូនមុនខែ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
